San Juan 7:15 - Alacatlatzala Mixtec New Testament

¹⁵ Tá najudío xi̱ni̱ so̱ꞌo na ña káꞌa̱n ta̱Jesús sánáꞌa ra, ta na̱kaꞌnda ini na xa̱ꞌa̱ ña xi̱ni̱ so̱ꞌo na, ta ni̱ka̱ꞌa̱n na, káchí na saá: ―¿Nda̱chun va̱ꞌa ní xíni̱ ta̱yóꞌo?, ta o̱n vása ní‑kaꞌvi ra kua̱ꞌa̱ ní kui̱ya̱ veꞌe no̱o̱ káꞌvi na ―káchí na.

San Juan 7:15 Referans Kwoze

San Lucas 4:22

Ta ndiꞌi ni̱vi va̱ꞌa ní káꞌa̱n na xa̱ꞌa̱ ra. Ta na̱kaꞌnda ini na ndóo na, chi va̱ꞌa ní káꞌa̱n ra. Ta ni̱nda̱ka̱ to̱ꞌon táꞌan na: ―¿Án o̱n si̱ví sa̱ꞌya ta̱José kúu ta̱yóꞌo? ¡Nda̱chun va̱ꞌa ní xíni̱ ra! ―káchí na.

San Mateo 13:54

Ta na̱xaa̱ ra ñoo mi̱i ra, ta ki̱xáꞌá ra sánáꞌa ra ni̱vi veꞌe ño̱ꞌo sinagoga. Ta na̱kaꞌnda ní ini na, ta káchí na xíꞌin táꞌan na saá: ―¿Míkía̱ sa̱kuáꞌá ta̱yóꞌo ndiꞌi ña xíni̱ ní ra? ¿Míkía̱ ke̱e ndee̱ ña kéꞌé ra milagro xíꞌin ni̱vi?

Hechos 26:24

Ta saá nda̱kuii̱n ta̱Festo, xíꞌin ndiꞌi ndee̱ ra ni̱ka̱ꞌa̱n ra xíꞌin ta̱Pablo, káchí ra saá: ―Tata Pablo, ¡ta̱a ta̱ sána kúu yóꞌó! Ndixa xa̱ꞌa̱ ña kua̱ꞌa̱ ní ka̱ꞌvi ún, ñayóꞌo sásána ña si̱ni̱ ún vitin ―káchí ta̱Festo xíꞌin ta̱Pablo.

San Juan 7:46

Ta nda̱kuii̱n napolicía ni̱ka̱ꞌa̱n na: ―Nda̱ ñii yichi̱ o̱n ta̱ꞌán koni̱ so̱ꞌo ndi̱ ñii ta̱a káꞌa̱n ra to̱ꞌon nda̱tán káꞌa̱n ta̱yóꞌo ―káchí na.

San Lucas 2:47

Ta ndiꞌi nayóꞌo na̱kaꞌnda ini na xíni̱ so̱ꞌo na ña káꞌa̱n ta̱Jesús chi va̱ꞌa ní si̱ni̱ ra, ta ndíchí ní to̱ꞌon nda̱kuii̱n ra.

San Mateo 22:22

Ta xi̱ni̱ so̱ꞌo na ña ni̱ka̱ꞌa̱n ra xíꞌin na, ta na̱kaꞌnda ní ini na. Ta saá sa̱ndakoo na ra, ta ke̱e na kua̱ꞌa̱n na.

San Juan 1:19

Ñii ki̱vi̱ yóo ta̱Juan sánáꞌa ra ni̱vi, ta nanáꞌno no̱o̱ najudío na táku̱ ñoo Jerusalén ti̱ꞌví na sava nasu̱tu̱ xíꞌin sava naLeví, na kúu na ndíso chiño xíꞌin veꞌe ño̱ꞌo káꞌno, kua̱ꞌa̱n na nda̱ka̱ to̱ꞌon na ta̱Juan. Ta ni̱xaa̱ na no̱o̱ ta̱yóꞌo, ta ni̱ka̱ꞌa̱n na xíꞌin ra, káchí na saá: ―¿Yu kúu yóꞌó? ―káchí na xíꞌin ra.

San Mateo 22:33

Ta xi̱ni̱ so̱ꞌo ni̱vi ña ni̱ka̱ꞌa̱n ra xíꞌin nasaduceo, ta na̱kaꞌnda ní ini na.

San Juan 7:11

Ta najudío na ndóo viko̱ yóꞌo nándukú na ta̱Jesús, ta káꞌa̱n na xíꞌin táꞌan na, káchí na saá: ―¿Míkía̱ yóo ta̱Jesús? ―káchí na.

San Juan 7:13

Ta ndiꞌi ni̱vi na káꞌa̱n yóꞌo, ndasaá kuiti xíꞌin táꞌan mi̱i na káꞌa̱n na, chi o̱n xi̱in na ña koni̱ so̱ꞌo nanáꞌno no̱o̱ najudío xa̱ꞌa̱ ña nda̱to̱ꞌon na. Saá chi yíꞌví na no̱o̱ nanáꞌno yóꞌo.

Hechos 4:13

Ta ndiꞌi nachiño yóꞌo, na̱kaꞌnda ini na ndóo na, xíni̱ so̱ꞌo na to̱ꞌon káꞌa̱n ta̱Pedro xíꞌin to̱ꞌon káꞌa̱n ta̱Juan. Saá chi o̱n vása yíꞌví o̱vi̱ ta̱a yóꞌo, ta xíꞌin ña ndinoꞌo ní ini na ni̱ka̱ꞌa̱n ndoso na to̱ꞌon no̱o̱ nachiño náꞌno yóꞌo. Ta nachiño yóꞌo kúnda̱a̱ ini na ndí ta̱Pedro xíꞌin ta̱Juan loꞌo ní ka̱ꞌvi na escuela, ta saá ni, va̱ꞌa ní káꞌa̱n na. Ta saá nachiño yóꞌo na̱káꞌán na ndí ta̱Pedro xíꞌin ta̱Juan xi̱kuu nata̱a na ni̱xika xíꞌin ta̱Jesús.