San Juan 19:27 - Alacatlatzala Mixtec New Testament

²⁷ Ta saá ni̱ka̱ꞌa̱n ra xíꞌin ta̱xíka xíꞌin ra: ―Tata, ñáyóꞌo kuu siꞌí ún ―káchí ra xíꞌin ra. Ta̱nda̱ ki̱vi̱ yóꞌo ndu̱u ñáMaría siꞌí ra, ta̱nda̱ ki̱vi̱ saá ki̱xáꞌá ñá táku̱ ñá veꞌe ta̱yóꞌo.

San Juan 19:27 Referans Kwoze

San Juan 16:32

Ta ya̱chi̱ ní kixaa̱ ña kui̱ta̱ níꞌnó ndiꞌi ndó, ta saá ñii ñii ndó noꞌo̱ ndó veꞌe mi̱i ndó. Ta sandakoo matóꞌón ndó yi̱ꞌi̱. Ta ndixa o̱n vása koo matóꞌón i̱ chi Yivá i̱ Ndios yóo ra xíꞌin i̱.

San Juan 1:11

Ta̱yóꞌo ki̱xaa̱ ra no̱o̱ ni̱vi na kúu nañoo mi̱i ra, ta nayóꞌo ni̱‑xiin na nakiꞌin na ra.

San Marcos 3:34

Ta na̱koto ra no̱o̱ ndiꞌi ni̱vi na ndóo no̱o̱ ra, ta ni̱ka̱ꞌa̱n ra, káchí ra saá: ―Yóꞌo ndóo siꞌí i̱ xíꞌin ñani i̱.

San Mateo 25:40

Ta yi̱ꞌi̱, ta̱Rey, ndakuii̱n i̱, ka̱ꞌa̱n i̱ xíꞌin na: “Ndixa káꞌa̱n i̱ xíꞌin ndó, ndiꞌi saá yichi̱ chi̱ndeé ndó ni̱vi nandáꞌví ní na ndíko̱n yi̱ꞌi̱, ndí yi̱ꞌi̱ kúu ta̱ chi̱ndeé ndó saá”, kachí i̱ xíꞌin na.

San Lucas 18:28

Ta saá ni̱ka̱ꞌa̱n ta̱Pedro xíꞌin ra: ―Ta mi̱i ndi̱, xa sa̱ndakoo ndi̱ ndiꞌi ñava̱ꞌa ña xi̱komí ndi̱, xa̱ꞌa̱ ña ndíko̱n ndi̱ sa̱ta̱ ún.

Hechos 21:6

Ta saá ni̱nda̱yi ndi̱ ndiꞌi ni̱vi na kándixa ta̱Jesús yóꞌo, ta ndi̱kó na kua̱noꞌo̱ na veꞌe na. Ta mi̱i ndi̱ nda̱a tuku ndi̱ tón barco ta kua̱ꞌa̱n ndi̱.