San Juan 12:46 - Alacatlatzala Mixtec New Testament

⁴⁶ Yi̱ꞌi̱ kúu Ñoꞌo̱ ndinoꞌo yéꞌe ñoyívi yóꞌo. Ta ndiꞌi ni̱vi na ndixa kándixa yi̱ꞌi̱, nayóꞌo o̱n ko̱ꞌo̱n ka̱ na yichi̱ no̱o̱ naa.

San Juan 12:46 Referans Kwoze

San Juan 8:12

Ta saá ta̱Jesús tuku ni̱ka̱ꞌa̱n ra xíꞌin ni̱vi na ndóo veꞌe ño̱ꞌo yóꞌo: ―Yi̱ꞌi̱ kúu ñoꞌo̱ ndinoꞌo yéꞌe no̱o̱ ni̱vi ñoyívi. Ta ndiꞌi ni̱vi na kundiko̱n yi̱ꞌi̱, o̱n ko̱ꞌo̱n ka̱ na yichi̱ naa ní ña o̱n váꞌa, chi kukomí na ñoꞌo̱ ndinoꞌo ña taxi kutaku̱ ndinoꞌo na ―káchí ta̱Jesús.

San Juan 9:5

Ta ndiꞌi ki̱vi̱ ña yóo ka̱ i̱ ñoyívi yóꞌo, yi̱ꞌi̱ kúu i̱ ñoꞌo̱ yéꞌe no̱o̱ ndiꞌi ni̱vi ná sanáꞌa i̱ yichi̱ ña nda̱a̱ ―káchí ta̱Jesús xíꞌin na.

Hechos 26:18

Saá chi kóni i̱ ña chindeé ún ni̱vi yóꞌo ña kunda̱a̱ káxín ini na yu kúu ñanda̱a̱, xa̱ꞌa̱ ña sandakoo na yichi̱ o̱n váꞌa ña naa ní ndíko̱n na, ta kundiko̱n na yichi̱ va̱ꞌa no̱o̱ yóo ñoꞌo̱ yéꞌe ndinoꞌo. Ta saá o̱n taxi ka̱ na nda̱yí ndaꞌa̱ ñaníma̱ ndiva̱ꞌa káꞌno Satanás kaꞌnda chiño ña no̱o̱ na, ta taxi xíꞌin mi̱i na ndaꞌa̱ Ndios ña kaꞌnda chiño ra no̱o̱ na. Ta xa̱ꞌa̱ ña kandixa na yi̱ꞌi̱, Ndios kasa káꞌno ini ra xa̱ꞌa̱ kua̱chi na, ta saá ndixa nakiꞌin na ndiꞌi ñava̱ꞌa ña taxi Ndios ndaꞌa̱ ni̱vi na kúu sa̱ꞌya ra”, ka̱chí ta̱Jesús xíꞌin i̱.

San Juan 3:19

Ñayóꞌo kúu xa̱ꞌa̱ ña Ndios káꞌa̱n ra ndí ni̱vi ndíso na kua̱chi no̱o̱ ra: vará xa ki̱xaa̱ i̱ ñoyívi yóꞌo, ta yi̱ꞌi̱ kúu Ñoꞌo̱ ndinoꞌo yéꞌe, ta kua̱ꞌa̱ ní ni̱vi o̱n xi̱in na koni na Ñoꞌo̱ yóꞌo. Nda̱ víka̱, kúsii̱ ní ka̱ ini na xíni na ñanaa ní, chi kútoo ní na kéꞌé na ña o̱n váꞌa.

San Juan 1:9

Ta saá ki̱xaa̱ ki̱vi̱ ka̱ku ta̱Juan, ta loꞌo kuiti ni̱yaꞌa, ta ka̱ku ta̱a ta̱ kúu ñoꞌo̱ ndinoꞌo. Ta ñoꞌo̱ ndinoꞌo yóꞌo yéꞌe no̱o̱ ndiꞌi ni̱vi na táku̱ ñoyívi xa̱ꞌa̱ ña kuchiño koto na yu kúu yichi̱ va̱ꞌa.

San Mateo 4:16

Nda̱tán ndóo na naa ní ini, án na naa ní no̱o̱, saá ndóo na, chi o̱n vása táku̱ na no̱o̱ Ndios. Ta ñii ki̱vi̱ koni na ñii ñoꞌo̱ káꞌno yéꞌe, ña yeꞌe ña no̱o̱ na ta̱nda̱ níma̱ na, chi Ndios taxi ra ña kunda̱a̱ ini na ñava̱ꞌa ña ná kundiko̱n na yichi̱ ra, ta o̱n ndiꞌi xa̱ꞌa̱ na no̱o̱ ra, káchí to̱ꞌon Ndios ña ni̱taa ta̱Isaías xi̱na̱ꞌá.

Efesios 5:14

Ta xa̱ꞌa̱ ñayóꞌo, yóo ñii to̱ꞌon ndíchí ña xa xíni̱ yó ña káchí saá: Nakáxín ini ndóꞌó, ni̱vi na kísi̱n; nakuita ndóꞌó, ni̱vi na yóo nda̱tán yóo ni̱vi na ni̱xiꞌi̱. Koo tiꞌva ndó, ta ñoꞌo̱ ña yéꞌe ña káku ini Jesucristo nayeꞌe ña ini ndó, saá káchí to̱ꞌon ndíchí ña xa xíni̱ yó.

San Lucas 2:32

Nda̱tán yóo ñoꞌo̱ ña yéꞌe saá yóo tikuáꞌá loꞌo yóꞌo, chi sanáꞌa ra yichi̱ ún no̱o̱ ni̱vi na o̱n vása kúu naIsrael. Ta xa̱ꞌa̱ ta̱yóꞌo, kanóo síkón ñato̱ꞌó naIsrael na kúu na ndíko̱n yóꞌó, káchí ta̱Simeón xíꞌin Ndios.

San Juan 9:39

Ta ta̱Jesús ni̱ka̱ꞌa̱n ra, káchí ra saá: ―Ki̱xaa̱ i̱ ñoyívi yóꞌo xa̱ꞌa̱ ña sanati̱vi i̱ ndasaá yóo ini ni̱vi, án ni̱vi na kándixa ñanda̱a̱ kúu na, án ni̱vi na o̱n xi̱in kandixa ñanda̱a̱ kúu na. Ta saá ni̱vi na o̱n ki̱ví koto, chi ndixa nakuáá kúu na, sandaꞌa i̱ nduchu̱ no̱o̱ nayóꞌo ña va̱ꞌa koto na. Ta ni̱vi na va̱ꞌa xíto, tá o̱n xi̱in na kandixa na to̱ꞌon ña nda̱a̱, ta nayóꞌo kua̱ꞌa̱n na yichi̱ o̱n váꞌa ña kúu no̱o̱ naa, ta to̱nda̱a na koo na nda̱tán yóo ni̱vi nakuáá.