San Juan 12:27 - Alacatlatzala Mixtec New Testament

²⁷ ’Ta vitin ndíꞌi ní ini i̱, ta xáni ní ini i̱ yukía̱ ka̱ꞌa̱n i̱ xíꞌin Ndios. ¿Án ndukú i̱ no̱o̱ Yivá i̱ Ndios ña saka̱ku ra yi̱ꞌi̱ no̱o̱ ña xo̱ꞌvi̱ ní i̱? Óꞌon, o̱n ka̱ꞌa̱n i̱ saá, chi xa̱ꞌa̱ ña kasa ndivi i̱ chiño yo̱ꞌvi̱ ní, nda̱ kivi̱ i̱ kúu ña ki̱xaa̱ i̱ ñoyívi yóꞌo ―káchí ta̱Jesús.

San Juan 12:27 Referans Kwoze

San Juan 12:23

Ta nda̱kuii̱n ta̱Jesús, ni̱ka̱ꞌa̱n ra saá: ―Xa kíxaa̱ yatin ní ki̱vi̱ ña yi̱ꞌi̱, ta̱a ta̱ ki̱xi no̱o̱ Ndios, kasa ndivi i̱ chiño káꞌno, ta xa̱ꞌa̱ ñayóꞌo Ndios kasa káꞌno ra yi̱ꞌi̱, ta kanóo síkón ñato̱ꞌó i̱.

Hebreos 5:7

Táꞌan ni̱xika Jesucristo ñoyívi yóꞌo, ta xíꞌin ndiꞌi ndee̱ níma̱ ra ni̱ka̱ꞌa̱n ra xíꞌin Ndios, ta kua̱ꞌa̱ ní tánduta̱ ke̱e nduchu̱ no̱o̱ ra xíꞌin ña xáku ra, ta xíꞌin to̱ꞌon ra xáku ndáꞌví ra no̱o̱ Ndios, ta̱a ta̱ kúchiño saka̱ku ñaꞌá xa̱ꞌa̱ ña o̱n kivi̱ ra. Ta Ndios xi̱ni̱ so̱ꞌo ra ña ni̱ka̱ꞌa̱n Jesucristo xíꞌin ra, chi Jesucristo ki̱sa ni̱no̱ xíꞌin mi̱i ra ta ki̱sa ndivi ra ndiꞌi ña ni̱ka̱ꞌa̱n Ndios xíꞌin ra.

San Juan 13:21

Ta saá ta̱Jesús kónó ní nákaa̱ ña ndíꞌi ní ini ra, nda̱ sákisin ña níma̱ ra, ta ni̱ka̱ꞌa̱n ra xíꞌin naxíka xíꞌin ra: ―Ña ndixa nda̱a̱ káꞌa̱n i̱ xíꞌin ndó vitin ndí ñii ndóꞌó kúu ta̱a ta̱ si̱kó kuíꞌná yi̱ꞌi̱ ta nataxi ra yi̱ꞌi̱ ndaꞌa̱ ni̱vi na sáa̱ ini xíni yi̱ꞌi̱ ―káchí ra xíꞌin na.

San Mateo 26:42

Ta yichi̱ o̱vi̱ tuku ndi̱kó ta̱Jesús kua̱ꞌa̱n ra ka̱ꞌa̱n ra xíꞌin Ndios, káchí ra saá: ―Tata Yivá mi̱i i̱, tá xíni̱ ñóꞌó xo̱ꞌvi̱ i̱ ña yo̱ꞌvi̱ ní yóꞌo, ta va̱ꞌa ka̱ saá ná koo ña kóni mi̱i ún ―káchí ra.

Hebreos 2:14

Mi̱i yó na kúu ni̱vi, kómí yó yi̱kí ko̱ñu yó xíꞌin ni̱i̱ yó. Ta ki̱vi̱ ki̱xi Jesucristo ñoyívi yóꞌo ndu̱u ra ñii ni̱vi, ta ñii ki̱ꞌva saá xi̱komí ra yi̱kí ko̱ñu ra xíꞌin ni̱i̱ ra. Ta ña ndu̱u ra xi̱kuu ra ni̱vi ta ni̱xiꞌi̱ ra, xíꞌin ñayóꞌo ku̱ndeé ra no̱o̱ ñandiva̱ꞌa káꞌno ña xi̱komí ndee̱ sandiꞌi xa̱ꞌa̱ ni̱vi.

San Lucas 22:44

Ta ki̱xáꞌá xóꞌvi̱ ní ta̱Jesús xíꞌin ña ndíꞌi ní ini ra, ta xíꞌin ndiꞌi níma̱ ra ni̱ka̱ꞌa̱n ra xíꞌin Ndios, ta ni̱xi̱no̱ táti̱i̱n ra. Nda̱tán yóo ni̱i̱, saá ni̱xi̱yo táti̱i̱n ra, ta na̱ko̱yo táti̱i̱n ra nda̱ no̱o̱ ñoꞌo̱.

San Juan 18:37

Ta tuku ni̱ka̱ꞌa̱n ta̱Pilato xíꞌin ra: ―¿Án kóni kachí to̱ꞌon yóꞌo ndí ndixa ñii ta̱rey kúu yóꞌó? ―káchí ra xíꞌin ta̱Jesús. Ta nda̱kuii̱n ta̱Jesús, ni̱ka̱ꞌa̱n ra saá: ―To̱ꞌon mi̱i ún káchí yi̱ꞌi̱ kúu ta̱rey. Ta yi̱ꞌi̱ ndákuii̱n i̱ xa̱ꞌa̱ i̱, káꞌa̱n i̱ ndí ki̱xaa̱ i̱ ñoyívi yóꞌo ta ka̱ku i̱ xa̱ꞌa̱ ña sanáꞌa i̱ yu kúu ñanda̱a̱. Ta ndiꞌi ni̱vi na ñii yuꞌú yóo xíꞌin ñanda̱a̱ chíkaa̱ so̱ꞌo na to̱ꞌon ña káꞌa̱n i̱ xíꞌin na ―káchí ta̱Jesús xíꞌin ta̱Pilato.

San Lucas 22:53

Ta yi̱ꞌi̱, ndiꞌi saá ki̱vi̱ ni̱xi̱yo i̱ sánáꞌa i̱ ni̱vi veꞌe ño̱ꞌo káꞌno, ta ni̱‑tiin ndó yi̱ꞌi̱. Ta vitin ni̱to̱nda̱a ki̱vi̱ Ndios taxi ra ña kasa ndivi ndó chiño ña kóni mi̱i ndó, ta ki̱vi̱ vitin kúu ña ndeé ka̱ xáꞌnda chiño ñandiva̱ꞌa no̱o̱ ñoyívi yóꞌo ―káchí ta̱Jesús xíꞌin na.

1 Timoteo 1:15

To̱ꞌon ña nda̱a̱ ña xíni̱ ñóꞌó kandixa va̱ꞌa yó káchí ña saá: Jesucristo ki̱xaa̱ ra ñoyívi yóꞌo ña saka̱ku ra ni̱vi na kómí kua̱chi. Ta yi̱ꞌi̱, xi̱kuu i̱ ñii ta̱a ta̱ xi̱komí kua̱ꞌa̱ ní kua̱chi, chi ndixa xi̱kuu i̱ ñii ta̱a ta̱ o̱n váꞌa ní ka̱ no̱o̱ ndiꞌi inka̱ ni̱vi.

San Juan 11:41

Ta saá sa̱kutaꞌa na yu̱u̱ ña ndási̱ yuꞌu̱ kavua̱ no̱o̱ ni̱ndu̱xu̱n ta̱Lázaro. Ta ta̱Jesús na̱koto ndaa ra ñoyívi ni̱no, ta ni̱ka̱ꞌa̱n ra xíꞌin Ndios, káchí ra saá: ―Tata Yivá i̱, táxaꞌvi ún chi xíni̱ so̱ꞌo ún xa̱ꞌa̱ ña ndúkú i̱ no̱o̱ ún vitin.

San Mateo 11:25

Ta saá ta̱Jesús ni̱ka̱ꞌa̱n ra xíꞌin Ndios, káchí ra saá: ―Tata Yivá i̱, kísa káꞌno i̱ yóꞌó. Yóꞌó kúu ta̱Káꞌno ta̱ xáꞌnda chiño no̱o̱ ndiꞌi ña yóo ñoyívi yóꞌo xíꞌin ña yóo ñoyívi ni̱no. Kísa káꞌno i̱ yóꞌó chi xa sa̱náꞌa ún nayóꞌo, na ni̱no̱ ini kúu na, ta kúnda̱a̱ ini na ñava̱ꞌa xa̱ꞌa̱ ún. Ta chi̱seꞌé ún ñava̱ꞌa yóꞌo no̱o̱ inka̱ ni̱vi na na̱ní nandíchí, xíꞌin na na̱ní na káꞌvi ta tiꞌva ní yóo ñoyívi yóꞌo,

San Mateo 11:26

chi saá káchí ini ún keꞌé ún xíꞌin ndiꞌi ni̱vi, Tata ―káchí ta̱Jesús xíꞌin Ndios.

San Mateo 26:45

Ta tuku ndi̱kó ra ki̱xaa̱ ra no̱o̱ naxíka xíꞌin ra, ta ni̱ka̱ꞌa̱n ra xíꞌin na: ―¿Án va̱ꞌa ku̱su̱n ka̱ ndó ta nakindée ka̱ ndó? Koto ndó, xa ni̱to̱nda̱a hora ña nataxi na yi̱ꞌi̱, ta̱a ta̱ ki̱xi no̱o̱ Ndios, ndaꞌa̱ ni̱vi na o̱n váꞌa.