San Juan 11:12 - Alacatlatzala Mixtec New Testament

¹² Ta saá nda̱kuii̱n naxíka xíꞌin ra, ni̱ka̱ꞌa̱n na: ―Tata, tá ta̱ kísi̱n kúu ra, ta saá kúnda̱a̱ ini yó ndí ta̱ xa kua̱ꞌa̱n nduva̱ꞌa kúu ra ―káchí na.

San Juan 11:12 Referans Kwoze

San Mateo 9:24

Ta ni̱ka̱ꞌa̱n ra xíꞌin na: ―Kua̱ꞌa̱n ndiꞌi ndó keꞌé. Ñáloꞌo yóꞌo o̱n vása ní‑xiꞌi̱ ñá, ñá kísi̱n kuiti kúu ñá ―káchí ra. Ta saá ku̱siki na ta̱Jesús ta ni̱xaku̱ ndaa na ra.

San Juan 11:11

Ta saá ni̱ka̱ꞌa̱n ka̱ ra xíꞌin na, káchí ra saá: ―Ta̱a ta̱migo yó ta̱Lázaro kísi̱n ra vitin, ta ko̱ꞌo̱n i̱ ña sanakáxín i̱ ini ra.

San Juan 11:13

Nayóꞌo o̱n vása kúnda̱a̱ ini na ña káꞌa̱n ta̱Jesús, chi kóni kachí ra ni̱xiꞌi̱ ta̱Lázaro, ta nayóꞌo xáni si̱ni̱ na ndasaá kuiti kísi̱n ta̱Lázaro.