Apocalipsis 6:6 - Alacatlatzala Mixtec New Testament

⁶ Ta saá xi̱ni̱ so̱ꞌo i̱ to̱ꞌon ña ni̱ka̱ꞌa̱n, ta ki̱xi to̱ꞌon yóꞌo ma̱ꞌñó ko̱mi̱ ñatáku̱ ña yóo yatin no̱o̱ yóo táyi̱ yi̱i̱ tón to̱ꞌó káꞌno. Ta ni̱ka̱ꞌa̱n ndoso ña no̱o̱ ni̱vi, ni̱ka̱ꞌa̱n ña, káchí ña saá: ―Xa nda̱a ní yaꞌvi trigo xíꞌin cebada vitin. Nda̱tán yóo yaꞌvi ña cháꞌvi na ñii ta̱a ta̱ ki̱sa chiño ñii ki̱vi̱, saá chaꞌvi ndó xa̱ꞌa̱ ñii kilo trigo án u̱ni̱ kilo cebada. Ta koto va̱ꞌa ndó, ta o̱n sati̱ví ndó ña aceite, ni o̱n sati̱ví ndó nduta̱ vino tíuva ―saá ni̱ka̱ꞌa̱n to̱ꞌon xi̱ni̱ so̱ꞌo i̱.

Apocalipsis 6:6 Referans Kwoze

Apocalipsis 9:4

Ta Ndios xa̱ꞌnda chiño ra no̱o̱ rí, ni̱ka̱ꞌa̱n ra, káchí ra saá: ―O̱n sati̱ví ndó nda̱ ñii ña kúu ñaku̱ꞌu̱ kuíi̱, án yito̱n kuíi̱. Ta ndasaá kuiti ni̱vi na o̱n ko̱ó sello Ndios ta̱ꞌya̱ kómí, nayóꞌo kani ndó ta satakuéꞌe̱ ndó na ―káchí Ndios xíꞌin rí.

Apocalipsis 4:6

Ta saá tuku yatin no̱o̱ ñíndichi tón táyi̱ yi̱i̱ tón to̱ꞌó káꞌno, yóo ñii xiiña ña káa nda̱tán káa yoso̱ ndíka̱, ta nda̱tán káa no̱o̱ takuií mi̱ni saá káa no̱o̱ ña, chi yoso̱ yóꞌo yéꞌe ña nda̱tán yéꞌe yu̱yu̱ yéꞌe ña tívi xíto yó nda̱ inka̱ táꞌví sa̱ta̱ ña. Ta yatin ní no̱o̱ ñíndichi táyi̱ yi̱i̱ tón to̱ꞌó káꞌno xi̱no nduu ko̱mi̱ ñatáku̱. Ta ko̱mi̱ ñatáku̱ yóꞌo, nina nduchu̱ no̱o̱ yóo ndiꞌi xiiña ña, ña kúu kándíká ña xíꞌin sa̱ta̱ ña.

Apocalipsis 7:3

káchí ña saá: ―¡Kundati ndó! O̱n kixáꞌá ndó sati̱ví ndó ñoꞌo̱ ñoyívi, ni takuií mi̱ni, ni tón yito̱n. Kundati ndó nda̱ sandiꞌi ndi̱ kaꞌyi ndi̱ xíꞌin sello ta̱ꞌya̱ ñii ñii ni̱vi na kúu na kísa chiño no̱o̱ Ndios.

San Mateo 24:7

Ki̱vi̱ ña va̱xi nakuita ni̱vi na ñoo náꞌno kaꞌni táꞌan na xíꞌin ni̱vi na inka̱ ñoo náꞌno, ta ñoo no̱o̱ yóo narey kaꞌni táꞌan na xíꞌin inka̱ ñoo no̱o̱ yóo inka̱ narey. Ta kua̱ꞌa̱ ní xiiña ta̱an no̱o̱ ñoꞌo̱, ta koo ní so̱ko, xíꞌin ndiꞌi no̱o̱ kue̱ꞌe̱.

Apocalipsis 4:8

Ta ñii ñii ña ko̱mi̱ táku̱ yóꞌo kómí ña i̱ño̱ ndi̱xi̱n ña. Ta ndiꞌi saá xiiña mi̱i ña, ta̱nda̱ ñii ñii ndi̱xi̱n ña, nina nduchu̱ no̱o̱ kúu ña. Ta ndiꞌi saá ndiví ñoó, ña ko̱mi̱ táku̱ yóꞌo kísa káꞌno ña Ndios, ta nda̱ loꞌo o̱n vása xíkuiin ña káꞌa̱n ña to̱ꞌon yóꞌo, káchí ña saá: ¡Ta̱a yi̱i̱, ta̱a yi̱i̱, ta̱a yi̱i̱ kúu Ndios! ¡Ta̱a ta̱ kómí ndiꞌi ndee̱ kúu Ndios! Ndios kúu ta̱a ta̱ xa táku̱ nda̱ ki̱vi̱ no̱ó, ta táku̱ ra vitin, ta táku̱ ra ndiꞌi saá ki̱vi̱ ña va̱xi, káchí ña ko̱mi̱ táku̱, káꞌa̱n ña xíꞌin Ndios.