1 Corintios 15:27 - Alacatlatzala Mixtec New Testament

²⁷ Saá chi to̱ꞌon Ndios ña ni̱taa na xi̱na̱ꞌá, káchí ña saá: “Ndios chi̱kaa̱ ni̱no̱ ra ndiꞌi ña yóo ñoyívi ti̱xin xa̱ꞌa̱ ta̱a yóꞌo”, káchí to̱ꞌon Ndios. Ta mi̱i yó kúnda̱a̱ ini yó ndí to̱ꞌon yóꞌo o̱n vása kóni kachí ña ndí mi̱i Ndios chikaa̱ ni̱no̱ xíꞌin mi̱i ra ti̱xin xa̱ꞌa̱ Jesucristo. Chi mi̱i Ndios kúu ta̱a ta̱ chikaa̱ ni̱no̱ ndiꞌi ña yóo ku̱va̱ꞌa ti̱xin xa̱ꞌa̱ ta̱yóꞌo.

1 Corintios 15:27 Referans Kwoze

San Mateo 28:18

Ta ni̱xaa̱ yatin ta̱Jesús no̱o̱ na ta ni̱ka̱ꞌa̱n ra saá xíꞌin na: ―Ndios ta̱xi ra ndiꞌi nda̱yí ña kaꞌnda chiño i̱ no̱o̱ ndiꞌi na ndóo ñoyívi ni̱no xíꞌin ñoyívi yóꞌo.

Hebreos 2:8

Ta̱xi ún ña xáꞌnda chiño na no̱o̱ ndiꞌi ña ki̱sa va̱ꞌa ún yóꞌo, saá ka̱chí ñii ta̱a xíꞌin Ndios. To̱ꞌon yóꞌo kóni kachí ña saá: Ndios ta̱xi ra ña xáꞌnda chiño ni̱vi no̱o̱ ndiꞌi ña ku̱va̱ꞌa. Ta nda̱ ñii ña ki̱sa va̱ꞌa Ndios ña yóo, o̱n vása xáꞌnda chiño ña no̱o̱ ni̱vi. Ta saá ni, o̱n ta̱ꞌán koni yó ndí ndiꞌi ña ku̱va̱ꞌa kísa ndivi ña ña xáꞌnda chiño ni̱vi no̱o̱ ña.

San Mateo 11:27

Ta tuku ni̱ka̱ꞌa̱n ta̱Jesús xíꞌin ni̱vi, káchí ra saá: ―Yivá i̱ Ndios ta̱xi ra ndiꞌi ñava̱ꞌa ndaꞌa̱ i̱. Nda̱ ñii ni̱vi o̱n vása xíni̱ na ini yi̱ꞌi̱, ta̱a ta̱ kúu Sa̱ꞌya Ndios, ta ñii la̱á mi̱i Ndios kúu ta̱ xíni̱ va̱ꞌa ini yi̱ꞌi̱. Ta nda̱ ñii ni̱vi o̱n vása xíni̱ na ini Yivá i̱ Ndios, ta ñii la̱á yi̱ꞌi̱, ta̱a ta̱ kúu Sa̱ꞌya ra, kúu ta̱ xíni̱ ini ra, ta ni̱vi na na̱ka̱xin i̱ taxi i̱ koni̱ na ini ra.

Efesios 1:22

Ta Ndios xa sa̱ko̱yo ra ndiꞌi ndee̱ o̱n váꞌa ti̱xin xa̱ꞌa̱ Jesucristo, ta ta̱xi ra ña Jesucristo kúu ra ta̱a ta̱káꞌno ní ka̱, chi nda̱tán yóo si̱ni̱ ni̱vi no̱o̱ yi̱kí ko̱ñu na, saá yóo Jesucristo xíꞌin ni̱vi na kándixa ñaꞌá.

San Juan 13:3

Ta ta̱Jesús kúnda̱a̱ ini ra ndí Yivá ra Ndios xa ta̱xi ra ndaꞌa̱ ra ndiꞌi nda̱yí no̱o̱ ndiꞌi ña yóo, ta xíni̱ ta̱Jesús ña ki̱xi ra no̱o̱ Ndios ta vitin ya̱chi̱ ní ndikó ra noꞌo̱ ra.

San Juan 3:35

Kíꞌvi ní ini Ndios xíni ra Sa̱ꞌya ra, ta saá Ndios ta̱xi ra ndiꞌi ndee̱ xíꞌin ndiꞌi nda̱yí ndaꞌa̱ ra, ta kúu ra ta̱a ta̱káꞌno no̱o̱ ndiꞌi ña yóo.

1 Pedro 3:22

Ta Jesucristo nda̱a ra kua̱noꞌo̱ ra ñoyívi ni̱no, ta yóo ra sii̱n kuaꞌá Ndios, ta xáꞌnda chiño ra no̱o̱ naángel ta xáꞌnda chiño ra no̱o̱ ndiꞌi ndee̱ ña kómí nda̱yí ñoyívi ni̱no.

Apocalipsis 1:18

Yi̱ꞌi̱ kúu ta̱a ta̱ ndixa táku̱. Ni̱xiꞌi̱ i̱, ta na̱taku̱ i̱, ta vitin táku̱ i̱, ta ndiꞌi saá ki̱vi̱ ña va̱xi táku̱ ka̱ i̱. Kómí i̱ nda̱yí no̱o̱ ndee̱ ña xáꞌni ni̱vi, ta kómí i̱ nda̱yí no̱o̱ ña na̱ní Hades no̱o̱ xáꞌnda chiño ndee̱ yóꞌo ―káchí ra xíꞌin i̱.

Hebreos 1:13

Ndios o̱n vása ní‑kaꞌa̱n ra xíꞌin nda̱ ñii naángel, nda̱tán ni̱ka̱ꞌa̱n ra xíꞌin Sa̱ꞌya ra, ka̱chí ra saá: Koo ún táyi̱ káꞌno yóꞌo, tón ñíndichi sii̱n kuaꞌá i̱, ta̱nda̱ to̱nda̱a ki̱vi̱ sako̱yo i̱ ti̱xin xa̱ꞌa̱ ún ndiꞌi na káni táꞌan xíꞌin ún, ka̱chí Ndios xíꞌin Sa̱ꞌya ra.

Hebreos 10:12

Ta Jesucristo ñii la̱á yichi̱ ni̱so̱ko̱ xíꞌin mi̱i ra no̱o̱ Ndios ña nakata ra kua̱chi ni̱vi, ta nda̱ ñii ka̱ yichi̱ o̱n ndikó ka̱ ra so̱ko̱ xíꞌin mi̱i ra. Tá ndi̱ꞌi ki̱sa ndivi ra saá, ta nda̱a ra ñoyívi ni̱no, ta xi̱koo ra táyi̱ tón to̱ꞌó káꞌno tón ñíndichi sii̱n kuaꞌá Ndios ñoyívi ni̱no.

Efesios 1:20

Xíꞌin mi̱i ndee̱ yóꞌo, Ndios sa̱nataku̱ ra Jesucristo, ta ta̱xi ra ña yóo Jesucristo no̱o̱ táyi̱ tón to̱ꞌó tón ñíndichi sii̱n kuaꞌá Ndios ñoyívi ni̱no.