Yoane 8:32 - Wapongte Mic-Yowa Gbolicne

³² Inguc ailu yowa noine ngage-motodaingte aime yowa noinedi muckacni lukecngebadaicte.”

Yoane 8:32 Referans Kwoze

Roma 8:2

Ga Kristo Yesuholec wetackelu gaengka, Asu gagaineholecte yefe-yowadi bikic nga homacte yefe-yowale muckacni lukecguwec.

Yoane 8:36

Ilec Madecti lukecngebadaictewa, ngenge mucngineng mikac gadaingte, yogo foinac.

Yoane 17:17

Gale yowa yogo noine, aime yowa yogodi bacebame gale bingec aidaing.

1 Pita 2:16

Ngenge mucti mi witicngebaicne. Aime muc mikac gaga yogo gagaingte ailu sisipilic aibabanonggeng nalic aidabelengte milu mi ngagedaing, miyac. Ngenge Wapongte kwelec kwekwe aling gadabiyeng.

Yoane 14:6

Uwacnome Yesudi yanguc miwec, “Na hocne yefe nga yowa noine ailu gaga. Monicti na mikacka Mamacta hikedaicte yogolec yefe monic mi fagac.

Roma 6:22

Ngenge yakumacbac bikicte muckacni lukecngebaicne. Aime Wapongte kwelec kwekwe aling gagaing, yogolec noine bagaing. Balu ngenge gaga gbagbacne galu sugulelu sanangkelu gadaingte. Ilec ailu gaga-sanang badaingte.

Yakobos 1:25

Wapongte yefe-yowa dondonne, yogodi muckacni lukecnubacaigac. Aime monicti yefe-yowa yogo ngani-ngagec aigacgu mi ngigeckeme aibabaine balu gadaicte, ye kwele-angackolec aidaicte.

Galata 5:1

Nongileng muc mikac ganangte Kristodi yefe-yowale muckacni lukecnubawec. Ilec ngenge sanangkelu domadabiyeng. Ngenge hatacmac yefe-yowale kwelec kwekwe locngebabong gadaingkale, ngani-motolu gadabiyeng.

Yakobos 2:12

Wapongte yefe-yowadi muckacni lukecnubagac. Ailu yedi yefe-yowa yogo balaibelu aibabanonggeng wosaedaicte. Ilec ngenge inguchac yefe-yowa yogo yowanginang nga aibabanginang balaibedaing.

Galata 5:13

Ngic hae-gbafocne, ngenge yefe-yowale mucngineng mikac ganingte Wapongti wacngebawec. Ngenge muc mikac gaga yogo gagaingte migbedic yowa milu socnginengte gaga balaibebong mi madickedaicte. Yogo mi fikenale ngenge angacka kweledi doficnagulu kwelec kwekwe ngic ingucne kwelec kwedabiyeng.

Yoane 7:17

Na yowa wedungelegabac, yogo Wapongtacni me na neicnacni migabac, yogo monicti Wapongte yowa balaibenogale ngagegac, yedi sugu ngage-motodaicte.

Roma 8:15

Gaga monicti kwelec kwekwe bacngebame hangocka hatacmac ganingte ailu gaga ingucne mi ngelewec, miyac. Ngengileng gaga silicine monic gabong Wapongti hole-gumec aingeleme adu-madecfocine aiibong. Aime Asu yogodi baficnubame Wapongte yanguc wackelu milu gagabeleng, “Mamacne, Mamacne.”

Yoane 16:13

Yowa noinele Asu wadaicte, yedibac bacngebalu yowa noina mengocngebame hikedaingte. Ailu ye yeicne kweleinele yowa mi midaicte. Ye Wapongtacni yowa ngagecaigac, yogo midaicte ailu pasi lobewa fikedaicte, yogolec momoc edocngebadaicte.

Yoane 6:45

“Siduc-mimi ngic yengele hibiwa yowa yanguc kwelengkeicne fagac, ‘Wapongti ngic-ngigac sasawa weduyeledaicte.’ (Yes 54:13) Ilec ailu ngic-ngigac yenge Mamacte yowale hedec lolu yelacni ngage-ngage baibong, yenge sasawa nala weleyackegaing.

Mataio 11:29

Ngenge kwesilu nale bole yogo teng ingucne bafangke tengkelu ngage-ngage nalacni baning. Na kwele-mogung ailu bawacnagulu gagabac. Inguc ailu kwele-ilucnginengti ngiye-ngagec bafuwadaicte.

Yoane 1:14

Aime Yowadi ngic soc-biuckolec ailu hewacnonggang gawec. Madec moniyang yedi hocne galu Mamactacni wac feicne balu gawec, wac feicne yogo hocne nganiibeng. Yogo kwele-madicte wiyac nga yowa noine wakeyackeicne fagac.

1 Korin 7:22

Monic ye kwelec kwekwe gaemewa, Sugucnedi wackelu hefolewecka, ye dameng iwa sifu Sugucnele ngic-ngigac mucine mikac aigac. Aime monic ye mucine mikac gaemewa wackeme, ye yefe yogowa Kristole kwelec kwekwe aime Kristodi yele sugucneine aigac.

2 Yoane 1:1

Na Yesule habu damongngineng. Nenggac bawosaecguicne, ga nga adu-madecfocgone ngengela hibi yago kwelengkengelegabac. Na yowa noinele ailu ago aingelelu kwelenedi angac ngagengelelu gagabac. Ailu na sugu miyac, ngic-ngigac sasawa yowa noine ngagegaing, yenge inguchac ngenge ago aingelelu kwelenginengti angac ngagengelelu gagaing.