Yoane 3:36 - Wapongte Mic-Yowa Gbolicne

³⁶ Ilec monic ye Wapongte Madec ngagesingkegac, ye gaga-sanangkolec gagac. Nga monicti Madecine lobe holecnogac, ye Wapongte aalicti yele feiwa feme gagac.

Yoane 3:36 Referans Kwoze

Yoane 5:24

“Foinac, monic ye nale yowa ngagelu Mamac salecnuwec, ye ngagesingkegac, ye gaga-sanang bagac. Ailu mimocto-mimoctole damengka yowawa mi fedaicte, yogo noinebenang edocngebagabac. Ye homac hegilelu gagawa biyachac fewec.

Yoane 1:12

Aimebac ngic-ngigac mac holecnolu wacine ngagesingkeibong, yenge nalic Wapong adu-madecfocine ainingte miwec.

1 Tesalonika 5:9

I yangucte, Wapongti mimocto-mimoctole damengka ameine aalicineholec badunale mi edocnubawec. Ye Sugucnenonggeng Yesu Kristodi bikicte ameine bame wasecne ainangte edocnubawec.

Efesas 5:6

Monicti yowa kwesacine edocngebame ngenge yogo ngagebong noine mi aidaic. Yowa wewe ngic ingucne yengele bikicte ameine Wapongti aalicineholec baduyeledaicte.

Roma 5:9

Aime yele sacte ailu Wapongti ngic-ngigac dondonne wacnubame yanguctihac gagabeleng. Ilec ye inguchac aalic badu-badule damengka yowanonggeng mime wasecne aidabelengte yogo ngagepangkelu gagabeleng.

Yoane 8:51

Foinac, monic ye nale yowa balaibelu gagacka, ye mi homadaicte, yogo noinebenang edocngebagabac.”

Yoane 10:28

Balaibecnubong nani gaga-sanang yelebe yengelacni monicti nalic mi homadaicte. Ailu monicti nale molewacni nalic mi bamoctocebadaicte.

Yoane 3:3

Inguc mime Yesudi bafaliyelu yanguc edowec, “Foinac, monic ye hatacmac gbolicne mi fikedaictewa, ye Wapongte ngani-damongte kwelina nalic mi gadaicte, yogo noinebenang edocgugabac.”

Miyegengkeicne 21:8

Aime ngic-ngigac hangocebacaigac, nga ngage-ngagesingngineng mikac. Ailu aibabangineng sowacne wonongkolec nga ngic-wewe. Ailu selo-boic ngic, nga hefec nga mosoc bacaigaing. Ailu siduc-gbong alang bacnocaigaing, nga kwesac ngic-ngigac. Ngic-ngigac sasawa ingucne yengebac dac nga salfadi lobelu kiwec ingucne ailu fagac, yogowa hauyackedaingte. Yogo homac alecine yaeckang aigac.”

1 Tesalonika 1:10

Ailu yanguctihac Madecine honocmengkacni wanale wangec gagaing.” Yenge siduc inguc mibong hikegac. Wapongti Madecine bagboliyeme homackacni gboliyelu fangkewec. Ailu ameine aalicineholec badu-badule damengine kwesidaicte. Ailu Yesudi hocne umac yogowacni baicnubame wasecne aigabeleng. Ngenge yogo ngagesingkegaing.

Galata 3:10

Ngic-ngigac yenge Wapongte yefe-yowa balaibecaigaing, yenge sasawadi Wapongte aalicte bagewa gagaing. Wapongte hibiwa yogolec yowa monic yanguc kwelengkeicne fagac, “Ngic-ngigac yenge Wapongte yefe-yowawa yowa kwelengkeicne fagac, yogo sasawa balaibelu yogowacni monic hegiledaingte, yenge Wapongte aalicte bagewa gagaing.” (Yef 27:26)

Roma 8:1

Aime yanguctihac ngic-ngigac Kristo Yesuholec wetackelu gagaing, yenge bikicte ameine mi badaingte.

Luka 3:6

Aime Wapongti aibaba yogo balu bikicte amenonggeng baickedaicte, yogo ngic-ngigac sasawadi nganiyackedaingte.’ ” (Yes 40:3-5)

Hibru 10:29

Aime dodoficte sacti ngic monic biyachac suweme gbagbacne aiwec, ye lobewa sac yogo ngageme wiyac omane aiwec. Aime Wapongte Madecte feiwa nolac edelu kwele-madicte Asu misowaledaictewa, yela ameine efecne mi fikecnodaicte, yogo ngagegaing.

Hibru 2:3

Aime Sugucnedi hatacmac bikicte ameine banale tapiliine feicnebenang edocebawec. Yedi molickeme yowaine ngageibong, yengi yogolec yowa mibasanang ailu edocnubaibong. Aime Wapong yeuctihac yowaine basanangkeme ngagesingkeningte pasi damuineholec nga pasi mi ngani-nganiine ailu pasi bibiineholec bawec. Balu angacine balaibelu Tili Asule kwele-efecte tapili nolelu gawec. Ye inguc aiwecte nongileng bikicte ameine banale yowa hegiledabelengtewa, wiyac yogolec ameinele hangoc nalic mi hikedabelengte.

Roma 4:15

Yefe-yowadi bikicte aalic bafuwadaicte. Nga yefe-yowa monic mi fadaictewa, yefe-yowa wewe yogo mi fikedaicte.

Mataio 25:46

“Aime yenge bikicte ameine baningte doic dameng moto-motoine mikac iwa hikedaingte. Aime aling dondonne yenge gaga-sanangka fedaingte.”

Mareko 16:16

“Aime monic ngagesingkelu misa lowadaictebac, Wapongti ye bikickacni bamoctome wasecne aidaicte. Nga monic ye mi ngagesingkedaicte, yebac mimoctodaicte.

Yoane 4:36

Inguc aime nosing noine duwe-duwe ngic, nga noine baba ngic yeke momochac beliyedabiyecte. I yangucte, noine baba ngicti boleinele fuli balu gaga-sanangte noine inguchac balu kpaduckedaicte.

Yoane 6:58

Nosing yagodi honocmengkacni wawec gagac, yogo ngambofocnonggeng nosing nolu homaibong, ingucnehac miyac. Monicti nosing yago nogac, ye galu gaga-sanang badaicte.”

Salecebaicne 14:2

Yuda ngic-ngigac gocne yenge yowa yogo hegilelu Israel yengele alingkacni miyac yogo yenge kpafengebaibong. Inguc ailu yengi ngic hae-gbafocngineng ngage-ngagesingkolec aalic ngageyeleibong.

Hibru 3:18

Ailu ye ngic-ngigac yele yowa hegileibong, yenge sugu ngiye-ngagecte gagawa mi feningte mipangkewec.

Hibru 3:19

Aime yanguc ngani-motogabeleng, yenge mi ngagesingkeibong. Ilec ailu yenge himong miwec, iwa mi fedaingte.