Yoane 17:15 - Wapongte Mic-Yowa Gbolicne

¹⁵ Ga himongkacni baicebacte mi milocgugabac, miyac. Kindololo fileinedi basowalecebadaickale ailu, gagi asa bacebadamec. Yogolec ailu milocgugabac.

Yoane 17:15 Referans Kwoze

1 Yoane 5:18

Nongileng yanguc ngagegabeleng, ngic-ngigac Wapongtacni fikeibong, yenge sasawadi bikic mi balu gagaing. Aime yeicne Madecinedi bacebame, Kindololo fileinedi nalic mi basowalecebadaicte.

2 Tesalonika 3:3

Aime Sugucne ye yowaine micaigac yogo balaibelu basanangngebame Kindololo fileinedi mi basowalecngebanale asa bacngebacaigac.

Galata 1:4

Ye Mamacnonggeng Wapongte ngage-ngage nga angacine balaibelu nongileng bikicte ailu yeicne gagaine hegilewec. Inguc ailu kindololo dameng yanguctihac gagabeleng, yogowacni baicnubanale gagaine hegilewec.

Mataio 6:13

Ga lokwesacka mi locnubadamec. Ailu Kindololo fileine yelacni baicnubadamec.’

Luka 11:4

Nonge ngic yengele bikic hegilegabeleng. Ilec gagi inguchac bikicnonggeng hegilenolenong. Ga lokwesacka mi locnubadamec.’ ”

2 Timoti 4:8

Yakumacbac gaga dondonnele duu nale wangec loicne fagac. Ailu Sugucne ye pasi dondonnele wowosae-ngic, yedi dameng iwa duu yogo neledaicte. Aime yogo na sugu mi neledaicte, miyac. Ngic-ngigac sasawa yenge ye kwesi-kwesi damengngina fikelu yegengkenale kwelenginengti angac ngagegaing, yedi yogo yenge inguchac yeledaicte.

Mataio 5:37

Ngenge yowangineng sasawa yanguc sugu midaing, ‘Foinac’ yogo foinac. Nga ‘miyac’ yogo miyac. Yowangineng yago ewalilu taockelu midaingte, yogo Kindololo fileine yelacni weledaicte.

Luka 22:32

Aime Saimon, nani gale ailu biyac mimiloc bole yanguc babac. Ga ngage-ngagesinggone wickeengka mi wadaic. Ailu ga kwelegone hefaliyeme nala hatacmac welelu ngic hae-gbafocgone basanangebadamec!”

1 Yoane 5:19

Aime nongileng Wapongte adu-madecfocine gagabeleng, yogo ngage-motogabeleng. Aime himongtowa yago nga ngic-ngigac ngage-ngagesing mikac yenge Kindololo fileinele tapilile bagewa fagaing.