Yoane 15:25 - Wapongte Mic-Yowa Gbolicne

²⁵ Aime yowa yanguc fagac, ‘Yenge fungine mikacka kwelenginengti mocbenang wicnuibong.’ (Mige 35:19; 69:4) Yogo yefe-yowanginang kwelengkeicne fagac. Aime yogo sasawa noine fikenale inguc aiibong.

Yoane 15:25 Referans Kwoze

Luka 24:44

Nolu yanguc edocebawec, “Ngengeholec gaibawa yanguc biyac edocngebaiba. Wiyac sasawa nale ngagelu Wapongte yefe-yowa Mosesdi kwelengkewec, nga Wapongte siduc-mimi ngic yengele hibiwa, ailu Miti geewa kwelengkeicne fagac, yogo sasawa noine fikedaic.”

2 Korin 11:7

Ngengi feicne ainingte bawacnaguiba. Na hiye-monengte ailu Wapong yeicne Siduc Madicne mi mibe yegengkengeleme gaiba. Ilec ngagebong na bikickolec aigabac, me? Yogo miyac!

Miyegengkeicne 21:6

Milu hatacmac yanguc edocnuwec, “Yogo biyac motogac. Na ‘A’ nga ‘Y’, yogo molic-molicine iwacni moto-motoine. Ngic-ngigac monicti misale aicnome, ye misa dongeinacni gagale misa moc nonale lacnodacte.

Miyegengkeicne 22:17

Asu nga Lama madecinele ngigac-bingecine yeki “Ga welec” migabiyec. Ailu monic ye yowa yogo ngagedaicte, ye “Ga welec” midaic. Aime monic ye misale aicnocaigac, ye kwesilu gagale misa fuline mikac moc balu nodaic.

2 Tesalonika 3:8

Nonge ngengele hewacka galu ngic monictacni nosing fuline mikac moc balu mi nolu gaibeng. Nonge umac gocne ngeledabelengkale, molenonggengti deboc hadeng soctepecka doic-bole sugucnehac balu gaibeng.

Galata 2:21

Wapongte kwele-madic kwelena mi hegiledacte. Monic ye yefe-yowa balaibecaigac, Wapongti ye ngic dondonne yogo nalic mi wackedaicte, miyac. Yogolec ailu Kristo ye malicpongka homawec. Aime yefe-yowadi tapiliineholec fadecka Kristole homac yogo wiyac omane aidec.

Roma 3:24

Lilobeng Wapongti kwele-madic ainolenale ailu Kristo Yesule yefewa bikicte muckacni lukecnubalu dondonne wacnubagac. Inguc fikenolenale nongungtihac bole monic mi baibeng.

Roma 3:19

Nongileng yanguc ngagegabeleng, yefe-yowa yogodi ngic-ngigac yefe-yowale bagewa gagaing, yenge sowacnengineng edalicebame ngani-motogaing. Ilec ailu micngineng wedickeme migbedic mi aidaing. Aime himongtowa yagolec ngic-ngigac sasawa nongileng Wapongte haicka sowacneholec aigabelengte ailu yowaine migac.

Yoane 10:34

Inguc mibong Yesudi yanguc miwec, “Yefe-yowanginang yowa yanguc kwelengkeicne fagac, yogo mi ngagegaing, me? Wapong yeuctihac ngic micne bawosaecebawec, yengele yanguc miwec, ‘Na yanguc migabac, ngenge sasawadi wapong.’ (Mige 82:6)

Yoane 19:36

“Yenge luweine monic mi wedudaingte.” (Wah 12:46; Him 9:12; Mige 34:20) Yowa yogodi Wapongte hibiwa yowa kwelengkeicne fagac, yogo sasawa noine ainale inguc fikewec.

Mataio 10:8

Ailu huckolec ngic-ngigac bamadicebadaing. Ailu ngic-ngigac homaicne bagboliyecebadaing. Ailu ngic-ngigac waic-sanangti bacebaicne yenge bamadicebadaing. Ailu aleng yebicebadaing. Wiyac ameine mikac baibong yogo ameine mikachac yeledaing.

Yoane 13:18

“Na sasawa ngengele mi migabac. Bawosaecngebaiba, ngenge ngagecngebagabac. Ailu yowa Wapongte hibiwa kwelengkeicne fagac, yogo noine fikenale yowa yago kwelengkeicne, ‘Ngic naholec nosing nogac, ye biyac ngaba ainelenale aigac.’ (Mige 41:9)