Yoane 15:11 - Wapongte Mic-Yowa Gbolicne

¹¹ Nale belic-belicti ngengela fagac. Aime kwelengineng sasawa belic-belicti fangelenale yowa yago edocngebagabac.

Yoane 15:11 Referans Kwoze

Roma 15:13

Na yanguc milockegabac, Wapongti gaga-sanangte mimipang lowec, ye ngagesingkebong yele belic-belic nga kwele-mogung bucbuchac bawakengeledaic. Yogo bawakengeleme Tili Asule tapilidi basanangngebame gaga-sanangte mimipangti kwele ngage-ngagenginang saweyackeme wangec gadaing.

Yoane 17:13

“Aime nale belic-belicti yengela sawenale ailu yowa sasawa yago himongtowa yagowahac mibe yegengkeme, yakumac gala fudacte.

Yoane 16:24

Ngenge esecne nale wacka wiyac monicte mi milockelu gaibong. Aime ngenge kwelenginang belic-belicti wakenale, wiyacte milockelu badabiyeng.

1 Yoane 1:4

Nongileng sasawa belic-belicti wakenolenale yowa yago kwelengkengelegabeleng.

1 Pita 1:8

Ngenge ye dongenginengti mi nganiibong. Ailu sifu kwelenginengti yele angac ngagegaing. Ailu yanguctihac ye mi nganicaigaing. Ailu sifu ngenge ye ngagesingkegaing. Ailu ngenge ye ngagesingkebong, yedi kwele-asunginang bikicte ameine bame, ngenge wasecne aigaing. Ngenge yogo ngagesilu belic-belic sugucnehac nga wac feicneholec ailu gagaing.

2 Yoane 1:12

Nani yowa bocyac kwelengkengelenogale ainelegac. Aimebac yogo hibiwa kwelengkenogale mi ainelegac. Yogolec ailu belic-belicnonggeng sugucnehac fikenale naneuc ngengela fube haicti nganinagulu yowa mingagec ainangte ngagesigabac.

Yoane 16:33

Ngenge nala kwele-mogungkolec ganingte yowa yago edocngebagabac. Aime ngenge himongtowa yagowa doic sugucnehac ngagelu gadaingte. Aime nabac himongtowa yagolec tapili biyachac ewaliiba. Ilec ngenge kwelenginengte tapili mi wadaic.”

2 Korin 1:24

Aime ngenge wenuc ngagesingkegaing, yogo mi milu yoingngebalu gagabeleng, miyac. Ngenge Sugucne ngagesingkelu sanangne domalu gagaing. Inguc domalu beliyeningte ngenge nga nonge momochac bole balu gagabeleng.

1 Tesalonika 5:16

Ngenge damengsoc belic-belicka gadabiyeng.

Luka 15:32

Aime nongileng yakumac beliyelu no-angac aidabeleng. Gbagone yogo ye biyac homawec, inguc ngageibeng. Aimebac ye hatacmac gagaine bafuwagac. Ye sangkeweckacni hatacmac bafuwagabelengte, inguc ainang.’ ”

Luka 15:9

Bafuwalu ngigac agofocine ailu soc tofafocine emeina gagaing, yenge wacebalu yanguc edocebadaicte, ‘Na monengne wickebe sangkewec, yogo bafuwagabac. Ilec ailu ngenge kwesibong naholec beliyenang.’

Filipai 1:25

Yogo yanguc ngagepangkegabac, na ngengeholec galu baficngebabe, ngage-ngagesingngineng sugulelu sanangkeme beliyelu gadaingte.

Efesas 5:18

Ngenge waing misa homacne nolu kwele-sifuc mi aidabiyeng. Yogodi gagangineng basowaledaicte. Asudi kwelenginang wakedaic.

Yoane 3:29

‘Ngic ye ngigac bingecineholec ye ngigac badaicte. Aime ngic agoinedi yele siduc ngagelu beliyedaicte.’ Aime na ingucnehac yakumac belic-belicti kwelene wakegac.

Luka 15:5

Bafuwalu beliyelu aticina lolu atickelu hikedaicte.

Luka 15:23

Ngenge hikelu bulumaka madecine buweicnehac, yogo bawelebong welu nongileng momoc no-angac ainang.