Mataio 5:10 - Wapongte Mic-Yowa Gbolicne

¹⁰ Ngic-ngigac aibaba dondonne aiyebongka weyebic aiyelecaigaing, yenge kwele-angackolec. I yangucte, honocmengte ngani-damong yogo yengele.

Mataio 5:10 Referans Kwoze

Yakobos 1:12

Monic lokwesacka sanangne domalu umac badaicte, ye kwele-angackolec. Aime ngic-ngigac Wapong kwelenginengti angac ngagelu aicnocaigaing, yenge gaga-sanang yelenale mipangkewec. Monic ye lokwesacka sanangkelu gagac, ye yogo hocne badaicte.

2 Korin 4:17

Aime umac nga doic ngagecaigabeleng, yogo dameng bangkacnemac fadaicte, yogodi wiyac sugucne mi aigac. Yogodi yefenonggeng bame gaga-sanangte tapili nga wac feicne sugucnehac ewalime balu gagabeleng.

Mataio 5:3

“Ngic-ngigac asule babaficte homalu gacaigaing, yenge kwele-angackolec. I yangucte, honocmengte ngani-damong yogo yengele hocne.

Luka 6:22

Nga Ngicte Madeckolec gagaingte ailu kweledi wicngebalu misofoc aingeledaingte. Ailu lobina locngebalu wac sowacne wacngebadaingte, yogo ngenge kwele-angackolec.

2 Timoti 2:12

Ailu umac balu sanangne gadabelengtewa, yeholec ngictau aidabelengte. Nga ye lobe holecnodabelengtewabac, ye inguchac lobe holecnubadaicte.

Luka 21:12

“Aibaba ingucne mi fikeemewahac yenge nale wacte ailu weyebic aingelelu bacngebalu kpakpaduc macte damong yengele molewa locngebadaingte. Aime yengi muc-macka locngebadaingte. Ailu ngictau nga gawana yengela bacngebalu hikedaingte.

Yoane 15:20

Na yowa molickelu edocngebaiba, yogo mi ngigecngebadaic, kwelec kwekwe ngic monicti sugucneinele feicne mi aidaicte. Ilec ailu ngic-ngigac yengi weyebic aineleibongka, yenge silicine ingucnehac ngenge weyebic aingeledaingte. Aime nale yowa balaibeibongka, ngengele yowa ingucnehac balaibedaingte.

Miyegengkeicne 2:10

Ngenge doic ngagenogale mi hangocngebadaic. Aleng Sugucnengineng ye lokwesacka locngebanale ngageme, ngengelacni gocne muc-macka locngebabong, ngenge hadeng 10te kwelina doickolec gadaingte. Aime ngenge nale yowa balaibelu sanangne galu homaebongka, gagale maaine sil ingucne ngeledacte.”

2 Timoti 3:11

Ailu na Antiok nga Aikoniam ailu Lista taonka gabe weyebic aineleibong, aime umacka nga doicka gaiba. Inguc gaebewa Sugucnedi umac sasawa yogowacni baficnulu gawec, yogo ngagegic.

Mataio 25:34

“Inguc ailu ngictaudi ngic-ngigac folewapec yanguc edocebadaicte, ‘Ngic-ngigac Mamacnele mimi-madicineholec, ngenge yawa welening. Ngenge yele mole-damoc nga mac-himongngineng baning, yogo biyachac himong molickelu fikeweckacni ofegac, iwa ngengele ngagelu loicne.

Mareko 10:30

ye ameinele mi kpungkegac. Ailu ye wiyac hegilewec, yogolec ameine 100 hatacmac badaicte. Ngic-ngigac yenge dameng yagowahac ameine yogo mac nga hae-gba ailu yeme-kwa, ailu nenggac-nasi, nga adu-madecfocine ailu mac boleine lacnodaingte. Aime Yesu balaibecaigacte ngaba aicnolu weyebic aicnoebongka wiyac balu gadaicte. Aime lobewa himong silicine monicti kwesidaicte, iwa Sugucnedi gaga-sanang inguchac lacnodaicte.

Luka 6:20

Inguc aibong Yesu ye dongeine mic-tengtengfocine yengela hilalu miwec, “Waweweine gagaing, ngenge kwele-angackolec. I yangucte, Wapongte ngani-damong yogo ngengele hocne.

Mataio 10:23

Ngenge taon monicka gaebongka ngic-ngigac yengi weyebic aingelebong, ngenge taon yogo hegilelu monicka hikedaing. Foinac, ngenge Israel himongka taon sasawa falegac, iwa bolene mi bayackeebongka Ngicte Madec kwesidaicte, yogo noine edocngebagabac.

1 Yoane 3:12

Ngenge Kein ingucne mi aidabiyeng. Ye Kindololo fileine balaibelu gbaine wehomawec. Omale wehomawec? I yangucte, ye yeicne aibabaine sowacne facnowec. Nga gbainele aibabadi nganime dondonne aiwecte ailu gbaine wehomawec.

Salecebaicne 8:1

Homame Sol ye aibaba yogolec ngageme madickewec. Aime dameng yogowahac Yesule habu Yerusalem iwa gaibong, yenge molickelu weyebic aiyeleibong. Aiyelebong siyeckelu Yudeya nga Samaria himongka hikeyackeibong. Salecebaicne yengi sugu Yerusalem iwa gaibong.

Salecebaicne 5:40

Inguc edocebame ngage-ngagengineng hefaliyeme salecebaicne wacebabong weleibong. Welebong lebe-ngicti muc-hududi wecebaningte edocebaibong. Aime wecebabong motome yenge Yesule wacka yowa hatacmac mi miningte mimacebalu salecebaibong.

Mataio 19:14

Aime Yesudi yanguc miwec, “Adu-madec kpisicne yenge nala nalic kwesining. Ngenge aka mi holeyelening. Honocmengte ngani-damong yogo adu-madec kpisicne yangucne yengele.”

Mareko 10:14

Inguc aibong Yesu ye yogo nganilu kwele-dac ngageyelelu yanguc edocebawec, “Adu-madec kpisicne yenge nala nalic kwesining, ngenge aka mi holeyelening. Wapongte ngani-damong yogo adu-madec kpisicne yangucne yengele.

Luka 22:29

Mamacnedi ngani-damongte tapili molena lowec, ingucnehac nani ngani-damongte tapili molenginang lodacte.

Yakobos 5:11

Ngagegaing, ngic-ngigac tatakic mikac gaibong, yengele ngagebeng kwele-angackolec aiwec. Aime ngenge Yople yowa-siduc biyac ngageibong. Ye umacka sanangne tatakic mikac gawecte ailu, Sugucnedi yela pasi madicne bawec. Sugucnedi kwele-sowac sugucnehac, nga ngageboc mikac aibabaine ingucne aicaigac.