Mataio 4:7 - Wapongte Mic-Yowa Gbolicne

⁷ Inguc mime Yesudi yanguc edowec, “Ailu hatacmac yowa yanguc kwelengkeicne fagac, ‘Ga Sugucne Waponggone lokwesacka mi lonong.’ ” (Yef 6:16)

Mataio 4:7 Referans Kwoze

1 Korin 10:9

Ailu gocne yenge Sugucne lokwesacka lobong, hema yengi hicebabong homayackeibong. Aime nongileng inguchac Kristo lokwesacka mi lodabeleng.

Hibru 3:9

Yenge nani hifa 40le kwelina bole balu gaiba, yogo nganilu na kwesacnulu gaibong.

Salecebaicne 5:9

Inguc mime Pitadi yanguc edowec, “Foinac, ngeke Sugucnele Asu lokwesacka lonogale mingagec ailu kwele-moniyang aigabiyec. Ngagegic, ngawegone longkelu wele nu lobina domagaing, yenge ga inguchac tenggulu hike longgudaingte.”

Mataio 4:4

Inguc mime Yesudi yowa ameine bafaliyecnolu yanguc edowec, “Yowa yanguc kwelengkeicne fagac, ‘Ngicti nosingka sugu mi ganoga, miyac. Ye Wapongte mickacni yowa ofecaigac, yogo sasawa balu ganoga.’ ” (Yef 8:3)

Mataio 4:10

Inguc mime Yesudi yanguc edowec, “Satang, ga baickenong. Yowa yanguc kwelengkeicne fagac, ‘Ga Sugucne Waponggone, ye moniyang sugu afeelu kwelec kwecnodamec.’ ” (Yef 6:13)

Mataio 21:42

Inguc mibong Yesudi yanguc miwec, “Wapongte hibiwa yowa yanguc kwelengkeicne fagac, ‘Mac-baba ngic yenge posa monic sowacne milu wickeibong. Aime posa yogodi macte posa-bosing sanangne ailu domadaicte. Sugucne yeuctihac pasi yogo bame ngicti ngani-angac aidabelengte.’ (Mige 118:22-23) Ngenge hibi yogo wafe-ngagec mi aicaigaing, me?

Mataio 21:16

Yesula lelu yanguc miibong, “Yenge yowa migaing, yogo ngagegic, me?” Inguc mibong yedi yanguc miwec, “Ngagegabac, ailu ngenge yowa yogo hocne wafe-ngagec mi aicaigaing, me? Yowa yanguc kwelengkeicne fagac, ‘Ga adu-madec kpisicne nga kogoc amuckacni gagaing bole-yowa yeleng yengi gale wac sugucne mitengkedaingte.’ ” (Mige 8:2)

Luka 4:12

Inguc mime Yesudi yanguc miwec, “Yowa yanguc miicne fagac, ‘Ga Sugucne Waponggone lokwesacka mi lonong!’ ” (Yef 6:16)

Salecebaicne 15:10

Aime ngenge omale Wapong kwesackelu yefe-yowaine yogo mic-tengtengfocine yengele feiwa lonogale aigaing? Yogo nalic mi aidaingte. Ngambofocnonggeng nga ngesafocnonggeng ailu nongileng yogo aibibiyelu kpungkeibeng.