Mataio 24:10 - Wapongte Mic-Yowa Gbolicne

¹⁰ Nga ngic-ngigac homacne yenge ngage-sowac ailu hegilecnulu yengungtihac agofocngineng ngaba yengele molewa locebadaingte. Ailu kweledi wicebadaingte.

Mataio 24:10 Referans Kwoze

Luka 21:16

Aime nenggac-mamac nga ngic hae-gbafocngineng, ailu sac-tofafocngineng nga agofocngineng yengi ngaba yengele molewa locngebadaingte. Ailu ngengelacni gocne wehomacebadaingte.

Mareko 13:12

Aime haedi gbaine ngic micne yengele molewa lome yengi homacka lodaingte. Aime mamac monicti madecinele ingucnehac aidaicte. Aime adu-madec yengi nenggac-mamacfocngineng yowa kwekwe aiyelelu ngic gocne yengele molewa locebabong homacka locebadaingte.

Mataio 11:6

Aime monicti nale ngagelu kweleine mi wadaicte, ye kwele-angackolec.”

Mareko 4:17

Ailu yowa kwelenginang godocine mi baicnele dameng kpisicnemac fame, Wapongte yowale ailu umac me weyebic aiyelebong yenge wawedaingte.

2 Timoti 4:16

Aime na molickelu Roma iwa yowawa domalu funginene miiba, dameng iwa monicti naholec mi domawec, sasawadi hegilecnuyackeibong. Aime inguc aiibongte yogodi mi baumalecebadaic.

Mataio 13:21

Sebileme yogodi kweleina godoc mi baicnele dameng kpisicnemac fame, Wapongte yowale ailu umac me weyebic aicnobong ye wawedaicte.

Mataio 10:21

“Dameng iwa haedi gbaine ngic micne yengele molewa lome yengi homacka lodaingte. Aime mamac monicti madecinele ingucnehac aidaicte. Aime adu-madec yengi nenggac-mamacfocngineng yowa kwekwe aiyelelu ngic gocne yengele molewa locebabong homacka locebadaingte.

2 Timoti 4:10

I yangucte, Demas ye dameng yagolecte gagale angac ngagelu biyachac hegilecnulu Tesalonika taonka hikewec. Aime Keresken ye Sugucnele bole banale Galata prowins iwa hikewec. Aime Titus ye inguchac Damatia prowins iwa hikeme

2 Timoti 1:15

Ngic Asia prowins iwa gagaing, yenge sasawadi nale takicebame biyachac hegilecnuibong, yogo ngagegic. Figelus nga Hemogenes yeke inguchac hegilecnuiboc.

Mataio 13:57

Yenge inguc milu lobe-yowa aicnolu ye hegileibong. Inguc aibong Yesudi yanguc edocebawec, “Ngic-ngigac yenge Wapongte siduc-mimi ngic yele alang bacaigaing. Aime macfocine nga golowacfocine, yengi sugu yele alang mi bacaigaing.”

Mataio 24:11

Nga siduc-mimi ngic kwesacine homacnedi fikelu ngic-ngigac homacne kwesacebadaingte.