Mataio 18:12 - Wapongte Mic-Yowa Gbolicne

¹² “Ngic monic ye lamafocine 100 bacebalu game, iwacni monic sangkeme ye wenuc aidaicte? Ye lamafocine 99 kupicka hegilecebame domabong hikelu sangkeicne, yogo hocne basackedaicte.

Mataio 18:12 Referans Kwoze

1 Pita 2:25

Ngenge esecne lama ingucne yefe lilolu singsalolong kwelu gaibong. Aime yanguctihac Lama-damong yela biyachac hefaliye kwesibong, yedi hocne kwele-asungineng ngani-damong aingelecaigac.

Mataio 12:11

Inguc mibong yedi yanguc edocebawec, “Ngengelacni monicti lamaine monic Sabat damengka long monicka haudaicte ingucne, ye biyac hikelu lamaine fuluckeme ofedaicte.

Mataio 21:28

Milu taockelu depec-baba ngic micnefocngineng nga Yuda ngic-ngigac micnefocngineng yowa yanguc milu edocebawec, “Ngagegaing, ngic monic ye madeckecine yekeholec gaibong. Aime ye molic-molic madecinela hikelu yanguc edowec, ‘Madecne, ga yakumac waing bolewa hikelu bole badamec.’

1 Korin 10:15

Ngenge ngic-ngigac ngage-ngage-motocnginengkolec. Ilec ailu ngengele yanguc mibe, ngenge ngengungtihac yowane ngagelu wosaedabiyeng.

Mataio 22:42

“Ngenge Mesiale fungine wenuc ngagegaing, ye male fikesaweckacni?” Uwayeleme bafaliyelu yanguc edoibong, “Ye Dawidile fikesaweckacni.”

Mataio 18:13

Basackegacgu bafuwalu beliyedaicte. Foinac, 99 sasawadi mi sangkeibong, yengele efecnemac beliyedaicte. Nga monic sangkeicne, yelebac beliyebenangkedaicte, yogo noine edocngebagabac.