Mataio 1:23 - Wapongte Mic-Yowa Gbolicne

²³ “Ngagegaing, ngigac-neleweng ngickolec mi faicnedi madec monic gobeelu bame yele wacine Emanuel midaingte.” (Yes 7:14) Wac yogolec fungine yanguc: Wapongti nongilengkolec gagac.

Mataio 1:23 Referans Kwoze

Yoane 1:14

Aime Yowadi ngic soc-biuckolec ailu hewacnonggang gawec. Madec moniyang yedi hocne galu Mamactacni wac feicne balu gawec, wac feicne yogo hocne nganiibeng. Yogo kwele-madicte wiyac nga yowa noine wakeyackeicne fagac.

1 Timoti 3:16

Wapongte ngage-ngage fungine yogo sangke-sangke fawec, yogo sugucnehac ailu feicnebenang. I yangucte, Ye socka fikelu yegengkewec. Aime Asudi fungineine dondonne yogo yegena bame angolewec. Aime angelo yenge ye nganiibong. Ngic-ngigac yenge yele siduc Israel yengele alingkacni miyac, yenge edocebalu weduyelebong Himongtowa neboc nga nebocka hikeme ngagesingkeibong. Ye Wapongti tapili nga hibi-angocka hatacmac bame fewec iwa gagac.

Mataio 28:20

Aime nani ung-yowa sasawa edocngebalu gaiba, ngenge yowa yogo sasawa balaibeyackeningte edocebalu weduyeledabiyeng. Ailu ngagegaing, na hadengsoc hadengsoc ngengeholec gabe himongte dameng motodaicte.”

2 Timoti 4:22

Sugucnedi gale asuholec gadaic. Aime kwele-madicinedi ngengela fadaic. Yogo foinac.

Roma 9:5

Aime yenge ngambofocngineng ngagecebagaing. Aime Kristo ye soctepecka yengele fikesaweckacni ngic silic ailu fikewec. Kristo yedi Wapong hocne, wiyac sasawale feicne. Yela mimitengti mimiteng fagidaic, yogo foinac.

2 Korin 5:19

I yangucte, Wapongti Kristoholec game himongtowa yagolec ngic-ngigac yeholec kwele-moniyang ainingte aibaba inguc aiwec. Aime ye ngic-ngigac yengele bikic hegilelu hatacmac mi ngagesiwec. Hegileme ngic-ngigac yeholec kwele-moniyang ainingte, kwelenonggang yowa yogo hocne lome mibeng yegengkecaigac.

Salecebaicne 18:9

Aime deboc monicka Sugucnedi Pol gung-didicka ingucne yowa yanguc edowec, “Na damonggudacte. Ilec ga hangocgume micgone mi hidickedamec. Ga sanangke galu mic-yowane midamec. Nale ngic-ngigac habu sugucne taon iwa gagaingte ailu, ngic yengi webac mi aigeledaingte.”

2 Timoti 4:17

Na Siduc Madicne Israel yengele alingkacni miyac, yengela mibe yegengkenale Sugucnedi sifu naholec domalu tapili nelewec. Ailu nale agong holelu nale homac yogo laionte mickacni ingucne baicnuwec.

Mataio 1:24

Aime Yosefe ye gungkacni fangkelu Sugucnele angelodi yowa edowec, yogo balaibe hikelu Maria bame macina feiboc.

Roma 8:31

Ilec ailu yogolec wenuc minoga? Wapongti nongilengkolec gagacka, madi yefenonggeng nalic hedickelu bacnuba wadaicte? Wiyac monicti nalic mi bacnuba wadaicte.

Luka 20:44

Ilec Dawidi ye Mesia ‘Nale Sugucne’ wackewec. Aime Mesia ye wenucka Dawidile fikesaweckacni aigac? Ye Dawidile Sugucne.”