Mareko 13:33 - Wapongte Mic-Yowa Gbolicne

³³ Ngenge dameng mi ngagegaingte damong balu deboc-gboli gadabiyeng.

Mareko 13:33 Referans Kwoze

Efesas 6:18

Asudi damengsoc baficngebame Wapong wacke-wasic aicnolu milockelu gadaing. Ngenge deboc-gboli galu ngic-ngigac Wapongte bingec sasawa yengele ngagesilu sanangnehac Wapong milockedaing.

Luka 12:40

Ilec ngenge inguchac efeckelu gadabiyeng. Ngicte Madecte dameng yogo ngenge mi ngageebongka kwesidaicte.”

Miyegengkeicne 16:15

Aime monicti miwec, “Ngagegaing, na hise-baba ngic ingucne kwesidacte. Kwesibe monic ye deboc-gboli galu ngakpi-kpolucine damongkelu game ngic-ngigac yengi senggangngine mi nganidaingte. Aime mi gameedaicte, ngic ingucne ye kwele-angackolec.”

1 Pita 5:8

Ngabangineng Aleng Sugucnengineng, ye laion ingucne aukwelu lolickelu ngic-ngigac gbocebanale basacebalu boletowa balu gagac. Ilec ngenge sanangne domalu deboc-gboli galu damongnagulu

1 Pita 4:7

Wiyac sasawa yogo miyac ainingte dameng biyac bangkalegac. Ilec ngenge mimiloc bole baningte kwele basifuc mi ailu damongnagulu gadabiyeng.

Mataio 25:13

“Ngenge nale kwesi-kwesi dameng nga hadeng mi ngagegaing. Ilec ailu ngenge deboc-gboli gadabiyeng.

Miyegengkeicne 3:2

Ilec ailu ngenge yeucnagulu deboc-gboli gadaing! Aibabangineng tofaine homanogale ailu fagac, yogo bamadickelu basanangkening. I yangucte, ngenge aibabangineng ngani-motogabac. Aimebac Wapongnele ngani-nganiwa nalic mi aigac.

1 Korin 16:13

Ngenge deboc-gboli galu damongnagulu efeckelu ngagesingkelu sanangne domadaing. Ngenge hangoc mikac galu sanangne gadabiyeng.

Mareko 13:23

Aibaba sasawa yogo mi fikeemewa yogo biyac edocngebagabac. Ngenge yogo ngagelu ngani-motolu gadabiyeng.

Hibru 12:15

Ngengelacni monicti Wapongte kwele-madickacni wawedaickale, ngani-motolu gadabiyeng. Aime ngengele hewackacni wiyac aalic nga kwele-umac yogodi aingeledaickale, ngani-motolu gadabiyeng. Ailu yogodi umac bafuwangeleme kwele-sowacti bocyac basowalecngebadaicte.

Roma 13:14

Kwele esecnele angacti ngengela fangkedaickale, ngenge socnginengte angac mi balaibedabiyeng. Ngenge Sugucnenonggeng Yesu Kristo maleku ingucne holelu gadabiyeng.

Kolosi 4:2

Ngenge mimiloc bolewa sanangkelu deboc-gboli galu kwele-madic edodabiyeng.