Mareko 10:33 - Wapongte Mic-Yowa Gbolicne

³³ “Ngagegaing, nongileng Yerusalem hikegabeleng. Hikelu fenoga iwa ngic yengi Ngicte Madec balu depec-baba ngic micne, nga Wapongte yefe-yowale wewedu ngic, yengele molewa lobong, yengi ye homanale mimoctodaingte. Mimoctobong ye Israel yengele alingkacni miyac, yengele molewa lodaingte.

Mareko 10:33 Referans Kwoze

Mataio 27:2

Mipangkelu Yesu moleine dodockelu Yudeya himongte gawana Pailat, yela bahikelu yele molewa loibong.

Mareko 8:31

Aime Yesudi yanguc edocebalu weduyelewec, “Ngicte Madec ye doic homacne ngagedaicte. Aime Yuda ngic-ngigac yengele damongfocngineng, nga depec-baba ngic micne, ailu Wapongte yefe-yowale wewedu ngic, yengi ye kweledi wickelu webong homadaicte. Homame hadeng habackang motome, hatacmac gboliyelu fangkedaicte.”

Mataio 26:66

Ngenge yowa yogo ngagelu wenuc migaing?” Mime yengi bafaliyelu yanguc miibong, “Ye homadaicte hocne.”

Mataio 16:21

Dameng iwa molickelu Yesudi mic-tengtengfocine yanguc edocebawec,“Na Yerusalem hikebe Yuda ngic-ngigac yengele damongfocngineng nga depec-baba ngic micne ailu Wapongte yefe-yowale wewedu ngic yengi doicka locnulu wehomacnudaingte. Aime hadeng habackang aiyemewa hatacmac gboliyelu fangkedacte.” Aibaba inguc fikenale miwec.

Yakobos 5:6

Ngenge ngic dondonne yowawa lolu mimoctolu webong homawec. Aimebac ye ngaba monic mi balu gawec.

Salecebaicne 20:22

Ngagegaing, yabac Asudi kwelena dogbac aineleme Yerusalem iwa hikedacte. Hikebe wiyac monic weningucne iwa fikeneledaicte, yogo mi ngage-motogabac.

Salecebaicne 13:27

Nga Yerusalem ngic-ngigac gagaing, ailu damongfocngineng, yenge Yesu mi ngani-motolu ye weningte mimoctoibong. Sabat ngiyecaigaingka damengsoc Wapongte siduc-mimi ngic yengele siduc-yowa yanguc wafe-ngagec aicaigabeleng, yowawa lolu mimoctoibong, yogo noine fikewec.

Yoane 19:11

Inguc mime Yesudi ameine bafaliyelu yanguc edowec, “Ga tapili yogo wilengkacni mi geledecka, ga nale tapili nalic mi bawadeng. Ilec yanguc aigac, na gale molewa locnugac, yele bikicte amedi gale bikicte ame ewaligac.”

Yoane 18:28

Mac saeme ubiyacte, yenge Yesu Kaifasle mackacni bahikelu gawana nga hudu-baba ngic yengele macte oda kwelina gacaigaing, iwa bahikeibong. Aime depec-baba ngic yenge Wapongte haicka wonongnginengkolec ailu Ewalicebaicnele hombangte lama madecine mi nodaingkale, milubac yenge oda kwelina mi feibong.

Luka 23:21

Mime yenge aukwelu miibong, “Malicpongka weng homana! Malicpongka weng homana!”

Luka 9:22

I yangucte miwec, “Ngicte Madec ye doic homacne ngagedaicte. Aime Yuda ngic-ngigac yengele damongfocngineng nga depec-baba ngic micne, ailu Wapongte yefe-yowale wewedu ngic, yenge ye kweledi wickelu webong homadaicte. Aime homame hadeng habackang aiyemewa hatacmac gboliyelu fangkedaicte.”

Mareko 15:1

Ubiyactebenang depec-baba ngic micne, nga Yuda ngic-ngigac yengele damongfocngineng, ailu Wapongte yefe-yowale wewedu ngic, nga Yuda ngic-ngigac yengele Tutumangtowale memba sasawa, yenge yowa hefeibong. Hefelu Yesu moleine dodockelu Pailatla bahikelu yele molewa loibong.

Mareko 9:12

Inguc mibong yedi yanguc edocebawec, “Elaiyadi hocne kwesilu wiyac sasawa bame madickedaicte. Aime Wapongte hibiwa yowa yanguc kwelengkeicne fagac, ‘Ngicte Madec ye doic bocyac ngageme misulec aicnodaingte.’ Ilec wenuc ngagesigaing?

Yoane 18:32

Yesu ye esecne yeicne yefe wenuc ailu homanale miwec, yogo sasawa noine ainale aibaba yogo fikewec.