Luka 20:17 - Wapongte Mic-Yowa Gbolicne

¹⁷ Inguc mibong Yesudi nganicebalu yanguc miwec, “Fungine omale yanguc kwelengkeicne fagac, yogo ngagedaing. ‘Mac-baba ngic yenge posa yogo hegilelu wickeibong, posa yogodi mac unggulucinele posa-bosing sanangne aiwec domagac.’ (Mige 118:22)

Luka 20:17 Referans Kwoze

Salecebaicne 4:11

‘Ye hocne mac-baba ngic yengi posa monic sowacne milu wickeibong. Aime posa yogodi macte posa-bosing ingucne sanangne ailu domagac.’ (Mige 118:22)

Mataio 21:42

Inguc mibong Yesudi yanguc miwec, “Wapongte hibiwa yowa yanguc kwelengkeicne fagac, ‘Mac-baba ngic yenge posa monic sowacne milu wickeibong. Aime posa yogodi macte posa-bosing sanangne ailu domadaicte. Sugucne yeuctihac pasi yogo bame ngicti ngani-angac aidabelengte.’ (Mige 118:22-23) Ngenge hibi yogo wafe-ngagec mi aicaigaing, me?

Mareko 12:10

“Wapongte hibiwa yowa yanguc kwelengkeicne fagac, ‘Mac-baba ngic yengi posa monic sowacne milu wickeibong. Aime posa yogodi macte posa-bosing sanangne ailu domadaicte.

Yoane 15:25

Aime yowa yanguc fagac, ‘Yenge fungine mikacka kwelenginengti mocbenang wicnuibong.’ (Mige 35:19; 69:4) Yogo yefe-yowanginang kwelengkeicne fagac. Aime yogo sasawa noine fikenale inguc aiibong.

Luka 24:44

Nolu yanguc edocebawec, “Ngengeholec gaibawa yanguc biyac edocngebaiba. Wiyac sasawa nale ngagelu Wapongte yefe-yowa Mosesdi kwelengkewec, nga Wapongte siduc-mimi ngic yengele hibiwa, ailu Miti geewa kwelengkeicne fagac, yogo sasawa noine fikedaic.”

Luka 22:61

Hiyame Sugucne ye hefaliyelu Pita nganiwec. Nganime, Pita ye Sugucnedi yowa biyachac edowec, yogo ngagesiwec, “Kokolec ngicne deboc yagowa mi hiyaemewa, gagi biyac na bisocnung alecine habackang aidaicte.”

Mareko 10:23

Hikeme Yesu ye mic-tengtengfocine nganicebalu yanguc edocebawec, “Ngic-ngigac moneng nga woc-wiyacnginengkolec yenge Wapongte ngani-damong kwelina fenogale aidaingte, yogo boleine sugucnehac.”

Mareko 3:5

Yenge kwelengineng fongkewecte ailu uc mikac ngiyebong, ngage-hobelelu kweleine aalickeme dongedi lengani-welengani ailu ngic yanguc micnowec, “Ga molegone sungkec!” Inguc mime ngic ye moleine sungkelu madickewec.

Luka 19:41

Yesu Yerusalem bangkalelu taon yogo nganilu ngic-ngigac yengele hiyalu

Efesas 2:20

Ngenge nongeholec Wapongte mac bacngebaicne. Kristo Yesu yeuctihac posa-bosing sanangne aigac. Aime salecebaicne nga Wapongte siduc-mimi ngic yenge mac yogo bosing ingucne kwesingkelu Yesuholec domagaing.

1 Pita 2:6

Ilec Wapongte hibiwa yowa yanguc kwelengkeicne fagac, “Ngagegaing, na posa-bosing silicine monic feicne yogo bawosaelu Sion iwa gunungkegabac. Monicti ye ngagesingkedaictewa, ye nalic mi gameedaicte.” (Yes 28:16)