Galata 4:4 - Wapongte Mic-Yowa Gbolicne

⁴ Gaebengka dameng miicne, yogo kwesime Wapongti yeicne Madecine saleme wawec. Ye yefe-yowale bagewa ngigacta fikewec.

Galata 4:4 Referans Kwoze

Roma 1:3

Siduc yogo yanguc, Wapongte Madec, ye soctepecka Dawidile fikesaweckacni ngic fikewec.

Yoane 1:14

Aime Yowadi ngic soc-biuckolec ailu hewacnonggang gawec. Madec moniyang yedi hocne galu Mamactacni wac feicne balu gawec, wac feicne yogo hocne nganiibeng. Yogo kwele-madicte wiyac nga yowa noine wakeyackeicne fagac.

Mareko 1:15

yanguc miwec, “Dameng biyac welegac. Wapongte ngani-damongti bangkalecngebagacte, ngenge kwelengineng hefaliyeme Siduc Madicne ngagesingkening.”

Yoane 3:16

I yangucte, Wapongti himongtowale ngic-ngigac yengele kwele-angac sugucnehac ngagewecte ailu, Madecine moniyang sugu lome himongka wawec. Ilec monicti ye ngagesingkegac, ye mi homadaicte, ye gaga-sanang bagac.

Mataio 1:23

“Ngagegaing, ngigac-neleweng ngickolec mi faicnedi madec monic gobeelu bame yele wacine Emanuel midaingte.” (Yes 7:14) Wac yogolec fungine yanguc: Wapongti nongilengkolec gagac.

1 Yoane 4:14

Mamacti ngic-ngigac himongtowa yagolec bikicte amengineng banale Madecine lome wawec. Nongileng yogo nganilu mibeng yegengkeme gagabeleng.

Efesas 1:10

“Na Kristo salebe himongka walu wiyac sasawa himongka nga honocmengka fagaing, yogo kpatulecebalu yogo damongebadaicte. Ailu ngage-ngage bole balu alingkeiba ailu damengtowaine ngageiba, iwa noine fikedaicte.”

Luka 2:7

Kwesime molic-molic madecnginec fikewec. Aime mac ngiye-ngiye sawaine monic mi fawecte, Mariadi kpolucti ebeckelu lama-bulumaka yengele duwacka iwa lome haulu fawec.

Roma 8:3

Kwele esecne ye yefe-yowale tapili bawanogale aime yefe-yowa ye wiyac ainogale kpungkewec. Kpungkeme Wapongti bikicte bole yogo yanguc bawec, ye Madecbenangngine saleme nongileng bikicte soc yogolec silic ingucne ailu himongka wawec. Aime Wapongti yele socka bikicnonggeng mimoctolu baickeme miyac aiwec.

Luka 1:35

Inguc uwacnome miwec, “Tili Asudi gala wame Wapong Feicnetowale tapilidi gale folalac ailu somecgudaicte. Ilec ailu gboligone gbagbacnebenang fikedaicte, yele wacine Wapongte Madec wackedaingte.

Yoane 6:38

Naneicne angacnele honocmengkacni mi waiba. Salecnuwec yele angac balaibenogale waiba.

Hibru 2:14

Aime Aleng Sugucnengineng ye homacte tapili bacaigac. Aime Yesudi ye nga homac basowalecepanale homawec. Wapong adu-madecfocine nongileng soc-biucnonggengkolec, aime ye silic ingucnehac soc-biuckolec aiwec. Inguc aiwecte ailu Aleng Sugucnengineng basowalewec.

1 Timoti 3:16

Wapongte ngage-ngage fungine yogo sangke-sangke fawec, yogo sugucnehac ailu feicnebenang. I yangucte, Ye socka fikelu yegengkewec. Aime Asudi fungineine dondonne yogo yegena bame angolewec. Aime angelo yenge ye nganiibong. Ngic-ngigac yenge yele siduc Israel yengele alingkacni miyac, yenge edocebalu weduyelebong Himongtowa neboc nga nebocka hikeme ngagesingkeibong. Ye Wapongti tapili nga hibi-angocka hatacmac bame fewec iwa gagac.

Roma 15:8

Na yanguc edocngebagabac, Wapongti molickelu ngambofocnonggeng yengeholec yowa mipangkelu miwec. Aime Kristodi Wapongte yowa noine basanangkenogale soc tofangineng helockeicne yengele mole-bafic ngic aiwec gagac.

Salecebaicne 1:7

Inguc mibong yanguc edocebawec, “Mamac ye bole-yowa tapiliineholecti hifa nga wenac ailu dameng haicine monic-monic lowec fagac. Dameng yogo yeuc sugu ngagegac. Yogolec damengte ngage-ngage mi ngeleicne.

Luka 1:31

Ailu ngagegic, ga gboli monic gobeelu badamecte. Ga madec yele wacine Yesu wackedamec!

Mataio 3:15

Inguc mime Yesudi yanguc miwec, “Ga yowa yogo hegileng, pasi dondonne sasawa noine fikenale yakumac edocgugabac, inguc aiyengka madickedaicte.” Inguc mime nalic milu yowaine balaibewec.

1 Yoane 4:2

Ngenge Wapongte Asu silicine yangucka ngani-motodaingte, ngic-ngigac sasawadi Yesu Kristo ye ngic soc-biuckolec fikewec gagac, yogo mibong yegengkedaicte, yenge Wapongtacni.

Hibru 9:10

Aime bole yogo nosing misa nolu nga suwe-suwele aibaba haicine monic-monic yogo socte bole sugu bacaigaing. Wapongti yefe-yowa yogo yeleme, yenge yogo balaibelu gacgubong gaga gbolicne monicte dameng kwesiwec.

Kolosi 2:14

Bikicte hibi monic kwelengkeicne fagac, yogodi amengineng bafuwangelewec. Aime Kristodi hibi yogo hocne bilingti malicpongka weme domawec. Ye inguc aime yowa hibiwa kwelengkeicne fagac, yogo baickeyackewec.

Roma 9:5

Aime yenge ngambofocngineng ngagecebagaing. Aime Kristo ye soctepecka yengele fikesaweckacni ngic silic ailu fikewec. Kristo yedi Wapong hocne, wiyac sasawale feicne. Yela mimitengti mimiteng fagidaic, yogo foinac.

Yoane 8:42

Inguc mibong Yesudi yanguc miwec, “Na Wapongtacni kwesiiba, ailu neicne angacnele mi kwesiiba. Yedi hocne salecnuwec. Ilec ngenge Wapong mamacngineng aidecka midec, kweledi nale angac ngagedabong.

Mataio 5:17

“Ngenge yanguc mi ngagedaing, na Wapongte yefe-yowa Mosesdi kwelengkewec, nga Wapongte siduc-mimi ngic yengele yowa wenogale waiba. Ngagegaing, na yowa wenogale mi waiba, miyac. Mic-yowaine yogo noine fikenale waiba.

Roma 5:6

Nongileng kosa gaebengka Wapongti dameng bawosaewec, iwa Kristo kwesilu nongileng ameine yedi balu homawec. Nongileng waweweine gaebengka, yedi inguc ainolewec.

1 Timoti 2:6

Ye yeuctihac ngic-ngigac sasawa amenonggeng banogale gagaine hegilewec. Yowa yogolec damengbenangine kwesiwec, yogo mime yegengkeme ngagegaing.

Luka 20:44

Ilec Dawidi ye Mesia ‘Nale Sugucne’ wackewec. Aime Mesia ye wenucka Dawidile fikesaweckacni aigac? Ye Dawidile Sugucne.”