1 Pita 3:4 - Wapongte Mic-Yowa Gbolicne

⁴ Aime asungineng ulucne nga kwele-mogungkolecti kwelengineng kwelina sangke-sangke fagac, yogodi ngani-ngani madicne bafuwadaicte. Yogolec hibile tapiliine mi wacaigac ailu faginowagac. I yangucte, Wapongte haicka yogodi wiyac feicne aigac.

1 Pita 3:4 Referans Kwoze

Kolosi 3:12

Wapong ye kweledi angac ngagengelelu bawosaecngebame yeicne bingec gagaing. Ilec ailu ngenge kwelenginengti ngic-ngigac yengele kwele-sowac ngagelu baficebalu gadaing. Ailu bawacnagulu ulucne galu ngic-ngigac yengele mi takicngebadaic. Ngenge aibaba yogo sasawa ngakpi ingucne holebong haume balu gadaing.

Roma 2:29

Monic ye kwele ngage-ngageina Yuda ngic aigac, yedi Yuda ngicbenang. Wapongte Asudi kweleina soc tofaine heloc-helocte bole bame Wapongti ngic-ngigac aling ingucne yenge mitengebacaigac, yogo ngicte bole miyac. Aime yefe-yowale hibidi ngage-ngageina soc tofaine heloc-helocte bole, yogo nalic mi badaicte.

Mataio 11:29

Ngenge kwesilu nale bole yogo teng ingucne bafangke tengkelu ngage-ngage nalacni baning. Na kwele-mogung ailu bawacnagulu gagabac. Inguc ailu kwele-ilucnginengti ngiye-ngagec bafuwadaicte.

Titus 3:2

Ailu yenge monic misulec mi aicnodaing. Yenge kwele-mogungkolec ulucne galu ngic-ngigac sasawa yengele umac ngage-motolu kwele-madic aibaba aiyeledabiyeng.

Mataio 23:26

Ga pele nga kap kweline suweengkabac lobeine ingucnehac kwalackedaicte. Farisaio, ngenge donge-pisic.

Roma 7:22

Ailu ngage-ngagena Wapongte yefe-yowale kwele-madic ngagecaigabac.

2 Korin 4:16

Ilec nongileng kwelenonggeng mi wagac. Socnonggengti tapili-wawa ailu miyac ainogale aiyemewa, Wapongti sifu hadengsoc kwelenonggeng bame gboliyelu gagac.

1 Tesalonika 4:11

Aime ngenge ulucne galu bolengineng damongkelu ngengungtihac molenginengti bole balu ganingte ngage-ngagengineng sanangne fadaic. Molickelu aibaba ingucnele edocngebaibeng.

Efesas 4:2

Gaga yogolec silicine yanguc, ngenge bawacnagulu ulucne galu ngic-ngigac yengele mi takicngebadaic. Ailu kwele-madicka wangec galu kwele-angacka baficnagulu gadabiyeng.

1 Pita 3:15

Aimebac ngenge Kristo kwelenginang lobong Sugucnengineng aime balu gadaing. Ailu madicnengineng yogolec wangec gabong lobewa kwesidaicte, yogolec fungine sasawadi uwangelebong ameine bafaliyelu edocebaningte damengsoc efeckelu gadabiyeng. Ngenge ameine uwanogale ngageboc mikac, ulucne nga alang babaineholec ailu kwele ngage-ngagengineng gbagbacne galu ameine bafaliyelu edocebadaing. Ngenge inguc aidaingtewa, Kristole ailu aibabangineng madicne aicaigaing. Yogolec ailu ngic mimi-soling aingelecaigaing, yenge gameebadaicte.

1 Timoti 2:2

Ngic-ngigac ulucne nga kwele-efeckolec galu Wapongte ngage-ngage balaibelu aibaba dondonne aicaigaing, yengele gaga madicne. Aime ingucne ganangte ngictau nga damong sasawa yengele ailu milockedabiyeng.

Luka 11:40

Ngenge kapaine! Lobine wiyac bawec, yedi kwelinele inguchac bawec.

Yakobos 1:21

Ilec ailu ngenge aibaba wonongkolec nga sisipilic aibaba ingucne bocyac fagac, yogo sasawa baickeyackedaing. Ailu ngenge ulucne gacgubong yowa kwelenginang duweicne, yogolec tapilidi kwele-asungineng bikicte ameine bame wasecne aidaingte. Yowa yogo hefoledaing.

2 Timoti 2:25

Aime Aleng Sugucnenginengti suba ingucne ngic-ngigac gocne bacebame, yele angac nga ngage-ngage balaibecaigaing. Yenge Sugucnele kwelec kwekwe ngic yele yowa hedickecaigaing, inguc aibong yedi yengeholec ulucne galu edocebalu weduyeledaic. Inguc aiyeleme Wapongti kwelengineng hefaliyeningte tapili yeledaicte mecne. Inguc aiyeledaictewabac, yenge kwelengineng ileckeme yowa noine ngage-motolu, Aleng Sugucnenginengte molewacni fotockelu hikeyackedaingte.

2 Tesalonika 3:12

Nonge Sugucne Yesu Kristole wacka ngic ingucne yenge mibasanang aiyelelu yowa sanangne yanguc edocebadabelengte, “Ngenge gagangineng bafuwanogale madicne ngiyelu socte bole badabiyeng.”

Mataio 5:5

Nga ngic-ngigac bawacnagulu gacaigaing, yenge kwele-angackolec. I yangucte, himongtowadi yengele mole-damoc aidaicte.

Roma 6:6

Bikicte tapilidi soc-kwelenonggang bole balu gagac, yogo miyac ainale kwelenonggeng esecne malicpongka Yesuholec weicne, yogo ngagegabeleng. Bikicti filenonggeng ingucne hatacmac mi ganale inguc aiwec.

Luka 16:15

Aibong Yesudi yanguc edocebawec, “Ngic yengi dondonne wacngebaningte, ngenge yogo yengele haicka aibaba dondonne aicaigaing. Aime Wapongtibac wiyac kwelenginang fagac, yogo ngageyackegac. I yangucte, ngic yenge wiyac monicte ngagebong feicne aicaigac, yogo Wapongti nganime aibaba sowacnebenang memenguine aigac.

1 Pita 1:23

Wapongte yowa yogo gagaineholec ailu sanangne domagac. Yowa yogodi bagboliyecngebame fike-fike gbolicne fikeibong. Yogo socte wasec hucine dongke-dongkeineholec ingucne miyac. Yogo dongke-dongkeine mikac, yogodi kwodu ofelu gaga-sanangkolec aidaicte.

Galata 5:23

nga uluwelu gaga, ailu aibaba damongkenoga. Yefe-yowadi aibaba ingucne sasawale aka monic mi holegac.

2 Korin 10:1

Ngic-ngigac gocne yengi nale yanguc micaigaing, “Pol ye nongilengkolec yawa galu hangocka yowa ulucne micaigac. Nga dalicka hikelu yowa sanangne hangoc mikac kwelengkelu lome hikecaigac.” Kristo ye ulucne. Ailu ye kwele-efecka yefe yogo balaibegac. Ilec na aibaba ingucne kpafengebanogale aineleme

Mataio 21:5

“Ga Sion adu-madecfocine yanguc edocebac, ‘Nganining, ngictaungineng welegac. Ye donggiwa welegac, ye donggi madecinele feiwa ngiyegac ailu ye wacine mikac ingucne welegac.’ ” (Sek 9:9)

Roma 1:23

Ailu yenge Wapong homacine mikac gagaineholec, yele wac feicne hegileibong. Hegilelu ngic homacaigaing, yengele ngani-ngani ingucne moledi balu nango nga bec-sic ailu hema yengele ngani-ngani ingucne gocne momoc moledi bacaigaing. Yogodi Wapongte silic ingucne aime balu lobong domame alang bacebacaigaing.