1 Korin 9:1 - Wapongte Mic-Yowa Gbolicne

¹ Na ngic monicti aka mi holenelegac, me? Ailu na salecebaicne, me? Sugucnenonggeng Yesu dongedi nganiiba, me? Na bole balu gabe, ngenge bole yogolec noine kwelenginang fikeme Sugucneholec wetackegaing, me?

1 Korin 9:1 Referans Kwoze

Salecebaicne 9:17

Inguc mime Ananaias ye hikelu mac miwec, iwa felu Solle socka moleine lolu miwec, “Ngic hae-gbane Sol, fangkec. Sugucne Yesudi yefewa fikegelewec, yedi hocne salecnugac. Ga dongegone hilaengka Tili Asu kwelegona wakenale welegabac.”

1 Timoti 2:7

Na yowa yogo mibe yegengkenale Wapongti naneicne bawosaecnulu salecebaicne locnuwec. Locnume Israel yengele alingkacni miyac, yenge yowa noine ngage-ngagesingkolec edocebalu weduyeleiba. Yogo noinebenang, kwesac mi aigabac.

1 Korin 3:6

Nani wasec duwebe, Apolosdi wasec feina misa lowacnowec. Aime Wapongti bole yogo balu basugulewec.

Salecebaicne 23:11

Balebong deboc iwahac Sugucnedi Pol fikecnolu yanguc edowec, “Ga ngageboc mikac sanangne domadamec. Ga Yerusalem yawa nale pasile ailu fungine miyengka yegengkewec, yogo ingucnehac Roma taonka miyengka yegengkedaic.”

Salecebaicne 9:3

Lacnome ye hikelu Damasko bangkalenale aiyemewa honocmengkacni angoc monicti iwa walu kwenggalangkewec.

1 Korin 9:19

Ngic monicti nale aka mi lowec, miyac. Aime nabac ngic-ngigac bocyac kpaducebabe Kristoholec wetackeningte ngagelu, yengele bagewa nalic kwelec kwekwe ngicngineng ailu gacaigabac.

2 Timoti 1:11

Ilec Siduc Madicnele ailu yogo mibe yegengkeme ngic-ngigac weduyelelu salecebaicne aibele wacnuwec.

Galata 5:1

Nongileng muc mikac ganangte Kristodi yefe-yowale muckacni lukecnubawec. Ilec ngenge sanangkelu domadabiyeng. Ngenge hatacmac yefe-yowale kwelec kwekwe locngebabong gadaingkale, ngani-motolu gadabiyeng.

2 Korin 6:1

Nonge Wapongkolec momoc bole balu ganangte yanguc sanangne edocngebagabeleng, ngenge Wapongte kwele-madic baibong, yogo moc wickedaingkale ailu, edocngebagabeleng.

Roma 1:1

Na Poldi hibi yago kwelengkegabac. Na Kristo Yesule kwelec kwekwe ngic. Wapongti bawosaecnulu wacnume na salecebaicne bole balu yeicne Siduc Madicne mibe yegengkedaic.

Galata 1:1

Na Salecebaicne Pol. Ngic yengi bole-yowa yago mi neleibong. Me ngic monicti bole yagolec yefe mi bafuwanelewec, miyac. Yogo Wapong Mamacti, Kristo homackacni bagboliyewec, ye nga Yesu Kristo yeki yefe yago bafuwaneleibocte bole yago balu gagabac.

1 Tesalonika 2:6

Aime ngic yengelacni wac feicne banogale monic mi ainolegac. Yogo ngengelacni nga ngic gocne yengelacni inguchac banogale monic mi ainolecaigac.

2 Korin 11:5

Naneuc yanguc ngagesigabac, ngic yenge salecebaicne feicnebenang wacebagaing, na yengele bagewa mi gagabac, miyac.

1 Korin 1:1

Wapongti na Pol ngagenelelu Kristo Yesule salecebaicne wacnuwec, aime ngic hae-gbanonggeng Sostenes, noki ngengele hibi yago lobec fugac.

Roma 11:13

Aime Israel yengele alingkacni miyac gagaing, ngengele yanguc migabac, naneicne socte alingfocne Israel yenge ngengele hasowac aidaingte. Ailu gocne yenge yefe iwa ngenge ingucne bikicte muckacni lukecebame wasecne aidaingte. Inguc fikenale ngagelu nani ngengele salecebaicne aiiba. Ailu bole balu gagabac, yogolec ngagebe feicnebenang aigac.

Roma 1:5

Wapongti kwele-madic moc ainolelu salecebaicne bole nolewec. Noleme nonge Kristole wac sugulenale Israel yengele alingkacni miyac, yengele hewacka yowaine mibeng yegengkewec. Aime yenge yele yowa ngagesingkelu balaibedaingte. Ilec nonge bole yogo balu gagabeleng.

Salecebaicne 14:14

Depec bayetenogale aibong salecebaicne yeke yogo ngagelu kwelenginec umalewec. Umaleme ngakpinginec balockelu mac hegilelu habu yengele hewacka hikelu yanguc wackeiboc,

Salecebaicne 14:4

Inguc aiboc taon yogolec ngic-ngigac siyeckelu gocne yengi Yuda ngic-ngigac yengeholec domaibong. Nga gocne yengi salecebaicne yekeholec domaibong.

Salecebaicne 13:2

Aime yenge dameng monicka kpaduckelu nosing-sawe galu Sugucne afeelu kwelec kwecnolu gaibong. Gabong Tili Asudi yowa yanguc edocebawec, “Banabas nga Sol yeke nale bole banicte wacepalu bole-yowa yeteiba, yeke bole yogo banicte mimoctocepadaing.”

Salecebaicne 9:15

Inguc mime Sugucnedi yanguc edowec, “Ga hikec. Na ngic ye hocne bole-ngicne bawosaeiba. Ye Israel yengele alingkacni miyac, ngic-ngigac yogo yenge, nga ngictaufocngineng ailu Israel ngic-ngigacfocine yengela siducne mime suguledaicte.

Salecebaicne 9:5

Inguc mime Soldi uwacnowec, “Sugucne, ga maa?” Inguc mime miwec, “Weyebic ainelecaigic, na hocne Yesu.

1 Korin 10:30

Aime na ngic-ngigac yengeholec nosing nolu Sugucnele kwele-madic midactewa, yengele woc-wiyacte biyac kwele-madic migabac, yogolec misulec ainelebong mi madickegac.

1 Korin 11:16

Monicti yowa yagolec mife-miwa ainale ngagegacka, ye yanguc ngagedaic. Nongela someckeicnele aibaba ingucne monic mi fagac. Nga Wapongte habu yengele hewacka aibaba monic ingucnehac mi fagac.

2 Korin 10:7

Aime monicti yanguc ngagedaicte, “Na Kristole ngic gagabac.” Ye yeuctihac inguc ngagepangkedaictewa, nonge Kristole ngic ye ingucnehac gagabeleng. Yogo inguchac yeuctihac ngagesidaic. Ngenge inguc ngagesibong, ye nga nonge aibabanonggengti ngengela fikelu yegengkedaic.