1 Korin 11:3 - Wapongte Mic-Yowa Gbolicne

³ Ngic moniyang moniyang sasawa yengele hodocngineng yogo Kristodi aigac. Nga ngigac moniyang moniyang yengele hodocngineng yogo ngicti aigac. Aime Kristole hodoc yogo Wapongti aigac, ngenge yogo ngage-motoningte ngagegabac.

1 Korin 11:3 Referans Kwoze

Kolosi 3:18

Ngigac ngawegoneholec, ga ngawegonela bawacnagulu yele yowa ngagelu Sugucneholec wetackelu gagamecka aibaba yogodi nalic aidaicte.

Kolosi 1:18

Madec ye yeicne habule hodocine, nga habudi yele noi-hewacine. Ailu ye wiyac sasawale feicne ainale molickenolelu homackacni gboliye fangkelu fikewec. Fikelu habu molickenolelu gagac.

1 Korin 3:23

Ailu ngenge ngengileng Kristole ngic-ngigac. Nga Kristo ye Wapongte ngic.

Efesas 4:15

Aime nongileng kwele-angacka damongnagulu yowa noine midabeleng. Inguc aibeng aibabanonggeng sasawa Kristo ingucne fikeme sugulebeng hodocnonggeng Kristoholec wetackelu noine badabelengte.

1 Pita 3:1

Aime ngigac, ga kwelec kwekwe aicaigaing, yefe yogohac ngawegone yele bagewa galu yowaine ngagelu gadamec. Aime ngic monicti Wapongte yowa mi ngagesingkedaictewa, ngigacine, ga yowa mikac aibabagonedi madicne aicaigic. Aime ngawegone ye aibaba yogo nganime aibabagonedi Sugucnele yefewa nalic fuluckeme hikedaicte.

Kolosi 2:19

Aling ingucne yenge Kristo hegilelu gacaigaing. Kristo ye yeicne habule hodocine. Ailu yelacni luwe nga ginong wabong ye socine kpatulecnubame domacaigabeleng. Inguc aime Wapongti basugulecnubame gagabeleng.

Kolosi 2:10

Aime ngenge Kristoholec wetackebong yedi bame wakengeleme gagaing. Kristo ye sawawa nga himongka damong nga aling tapilinginengkolec gagaing, yengele hodocngineng.

Yoane 14:28

“Na Mamacta hikelu hatacmac ngengela hefaliye kwesidacte, inguc mibe ngagegaing. Ailu ngenge kweledi nale angac ngagegaingka, ibac beliyedaingte. I yangucte, Mamac ye hocne nale feicne.

Mataio 28:18

Aime Yesudi haicnginang welelu yanguc edocebawec, “Ngagegaing, himong nga honocmengte bole-yowa tapiliineholec sasawa na biyachac neleyackewec.