Zephaniah 3:2 - Ohiatonhseratokénti

² Iáh tehiotewenhnaráhkwen nowén꞉na; iáh tehioienàhon nahonsakonwatakwahríshion; iáh teoniahésen ne Roiá꞉ner; iáh ákta teiawéton ne aoní꞉io í꞉ken.

Zephaniah 3:2 Referans Kwoze

Jeremiah 22:21

Ne Roiá꞉ner wahiathárahse ne shiʼshahianerasténni, ók iáh tesatʼthontáhton nahishaʼthahonsahtátonʼke. Kwáh éhtho nishiérahkwe tsi náhe shiʼshónʼne; kwáh iáh nonhwénton tahʼtsiatahónshaʼthaʼte ne Roiá꞉ner.

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

Jeremiah 32:33

Wahonkatswahthénien; ethosáne iewatkonhtáhkwen kherihonniénni, iáh kíʼ tahontahónsahthaʼte ó꞉ni nahatiʼweienthéthaʼne.

Jeremiah 2:30

Kwáh rewáhthon, ók iáh èh tehiorihonthákwen; iáh teskwahriwáhwi nahonshaʼkwahthakwaríshion. Tsi ní꞉ioht ne kahsehró꞉hen kénreks, wáhseh hiásehthe ne shonkwétah rothitó꞉kense.

Isaiah 43:22

Eʼthosàne iáh tseʼskenáton, Ó Jacob; ók waskaterihonkó꞉then, Ó Israel!

Isaiah 29:13

Né Roiá꞉ner wahénron: Tsioríhwa kí꞉ken onhkwehókons ákta tahatiʼháwiʼte ne tsi ratisakáronʼte tánon tehionkerenhsarónhnions ne ratirí꞉tsakes, tsi ná꞉he ne raonerhianéshons ahí꞉non ít꞉ken nakonhàke, tánon tsi iontsénhnaiens né꞉ne ónhkwe akohtsiaʼwenhrátshera neh rotiweienhteʼtáhon néh thiwehiaráhsheron;

Proverbs 5:12

tánon enhsí꞉ron, “Oh niiotié꞉ren tsi iáh nonwén꞉ton tshiakeweientéhtaʼne? Oh niiotié꞉ren tsi iáh nonwén꞉ton tewakathontá꞉ton nónhka aiontianakwaríhsi?

Psalms 78:22

tsioríhwa tsi iáh tethonetákwewn rahonháke ne Rawenni꞉io, tánon iáh tethonetákwen tsi ensakononstáteʼse.

Psalms 73:28

Ók kíʼ ní꞉i tsi nihioiánere tsi tiatákʼta í꞉kes Sewenní꞉io; Né waʼkonhniáton ne Roiá꞉ner Rawenni꞉io rahonháke nón꞉we nenhkatekwáhsen, né nakatró꞉ri akwékon ne sahioténhseras.

Psalms 50:17

Asèken iáh tesenón꞉wes naiesatakwaríhshion, tánon í꞉seh iesá꞉tses nakewenhnahókons.

Psalms 10:4

Né ronkwetahétken tsi nihotatkowaná꞉thon tsi nihanontónhnions né Rawenni꞉io iáh othènon thahakerihwatsiénriase iáh othènon tehatsterístha.

Nehemiah 9:26

“Ók iáh tehontewenhnaráhkwa tánon rotinontsistahní꞉ron tsi nokwáh ní꞉se tánon í꞉se iehonátses ne sahianerénhsera thóh ratishón꞉ne tánon sakotinonwarhiaʼkhónhnion s rotitokenséhakwe né꞉ne ronónha rotirihwaní꞉raton tsi nokwáh ne ronónha ne nahónton tahonsahontkarahté꞉ni isé꞉ke niahonsahón꞉ne tánon tsi nihonahtié꞉ren kowá꞉nen rotirihwaiesá꞉ton.

Hebrews 10:22

Ánion ki rahiatát꞉ta iehetewe ne Rawenni꞉io ne kwáh aiteweriasí꞉iohake ó꞉ni aoskon ne tewetakwenh, ne seweriatokenʼtiston ne tsi niweriahsakʼsénhne ó꞉ni noieronta né skanoharéhton ne iotnekatʼkwé꞉niens.

Ezekiel 24:13

Jerusalem, tsi natehiótsion tsi niseweienʼnhótens ne teshahiathatsiónton. Ethosáne wahkatheniénten ne ahonsakonhionʼnahserónhni, iaskónhtakwe wateshathatsathátsionte. Iáh shé꞉kon tahonshasatsiató꞉hare tsi nióre iensátʼtoke ne kwáh kashastsʼtenserahnáhnon nakenahkwáhtshera.

Jeremiah 35:17

Káti nónhwa, Í꞉i, ne Watiá꞉ner Keshastsʼtenserowáhnen, ne kheʼNí꞉io ne Israerʼró꞉non, enkwaiénhaʼse ne tiónkwe ne Judah ó꞉ni ne Jerusalem oriwahkwékon ne kahkaronniátshera ne wahkarahrátston. Kwáh kíʼ thóh nénhtiere tsioríwa tsi iáh tesehwathahonsahtáton nónenh sahkwahthárahse, tánon iáh thaʼtesehwariwahseráhkwen nónenh siakwahnáhton.”

Isaiah 31:1

Iothatithénrat tsi nihiákon ne thóh niehiakawénon ne Egypt nón꞉we iakawesák꞉kon ne kaienawaséhtshera tánon ne ronón꞉ha né꞉ne ratiniahésen ne iakosá꞉tens, ne ronón꞉ha thóh né nonhnithonetákwen notsiónkwas tsioríhwa tsi niwé꞉so rotiseré꞉taien tánon ne rotisáhtens kosáhtens tsioríhwa tsi kwáh í꞉ken tsi nihatishátste, ók iáh kí tsatehonwakánere ne Roiatatokénti í꞉ken NʼIsraerʼronónke khés nahonwarihwaʼnontónhni ne Roiá꞉ner!

Isaiah 1:5

Onhniʼiotsiéren ní꞉se tsi takonhniénhnis nakonhnonwenhsehrário? Ónh niʼiohtsiéren tsi iesakonhtákwen naskatkónten? Kwáh sanonhtsistakwékon thiʼtsioróhron tsi ióhto, tánon sehriasakwékon tsi iononwáktani.

Proverbs 1:7

Tókaʼ íhsehre aiesaʼnikonhrowanénhake teiotonhwentsóhon atskweniénhsthake ne Roiá꞉ner. Kí꞉ken ronátiaʼke tehonatenonhwarorí꞉tonte tánon iáh tehatikweniénhstha ne raottokháhtshera tánon iáh tehonthón꞉tats nahontéweienhste.

2 Timothy 3:16

Akwékon norihwatokentísons Rawenni꞉io rónnhets tánon kwáh kariwástha náhionsthe nahiakorihónnien, iakorístha ne thènen tahionterientawénrie, tánon skakwatákwas naʼterientawenrhétseras, tánon iakorihonniénnis nahontakarihwaiérihke tsi ahiakónnheke,

Jeremiah 13:25

Ráhwen kén kíʼ nenhshaiátahwen. Kén ní꞉ioht tsi iatehoriwahiénthase tsi nenhiaiérahse, tsioríhwah tsi ettsiathanikonhrénʼen tánon né tahsehiéthaʼkwe ne rohthinówenhs niʼiohokón꞉a.

Ezekiel 22:24

“Rónhkwe iaiénha,” wahénron, “Sehró꞉ri Nisraeró꞉nonhs ne raononhontsasónhas tsi iáh tehiotokénti, tánon káti akenahkwahtsherákon tsi entréwahthe

Isaiah 9:12

né꞉ne Aramró꞉nons ne tsitʼkarakwínekens nokwáhti ratinákere tánon ne Philistines ne tsi iatewatʼsénhtos nokwáhti ratinákere, tánon tsatehonatskaráwen tsi iakonwatsatanékwahne ne Israel. Asèken akwékon kí꞉ken raonhakwáhtshera iáh tateʼtsiotkaraténion; ne ratsanáke shé꞉kon kíʼ iateótsate.

Zephaniah 1:6

Tsi nihiákon ne tsakokton tsi ronhwanonhterá꞉tsene ne Roiá꞉ner, ronónha ne iáh tehonwaiatísaks ne Roiá꞉ner khés ne thé꞉nen ahonwarihwanóntonhse.