Psalms 96:10 - Ohiatonhseratokénti

¹⁰ Ietsiró꞉ri nonkweshón꞉has, “Ne Roiá꞉ner tsi ronhnontí꞉io séh! Né tsi ionhontsáte kwáh í꞉ken tsi ioriwaʼníron tsi ní꞉ioht tsi kakwahtákwen; kwáh iáh nonhwénhton tsahontoriáneron. Kwáh sathenhiotónhake tsi tenhsakoiatóreʼte nonkweshón꞉ha.”

Psalms 96:10 Referans Kwoze

Psalms 93:1

Né Roiá꞉ner rahónha seh ne ronhnontí꞉io í꞉ken, ne rotʼtseronhniáton ne kanonhtiʼiótshera aotserónhniat; ne Roiá꞉ner rotʼtserónhni, ne rotiatanát꞉ton ne kashaststénhsera. Iorihwaʼníronh tsi nisakwahthákwenh ne tsi ionhontsáte; kwáh kíʼ iáh nonwénhton tahó꞉then takakwéni nahioriáneron;

Psalms 67:4

Ánion nakahontsakwékon nonkweshón꞉ha iakotsenhnonníhak tánon né teieríhwak natʼtsenhnonhniátshera, asèken né꞉ne tkarihwaiéri tsi ní꞉ioht tsi tesehiatorètha nonkweshónha tánon í꞉se ensehiasárihne akahontsakwékon nónkwe ne tsi ionwéntsaien. Selah

Psalms 9:8

Tsi tehahiatoréhtha ne tsi ionwenhtsáte né꞉ne tkarihwaiéri í꞉ken; sakokkoráston né ronhnonhontsakeró꞉nons né꞉ne tkarihwaiéri í꞉ken.

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Revelation 19:6

Eʼthò꞉ne tsi nonkathón꞉teʼne kwáh né꞉ne iakotsarokwá꞉ton iakotiohkowá꞉nen, kwáh thóh niiót tsi iorá꞉kare kwáh né꞉ne wé꞉so tewasénhtha tánon tsi niiorahkaré꞉ni tsi nateʼiotenonhianíhton iowerenhá꞉ties, tsiateotihenrétha, “Teonwanonwerá꞉ton Ní꞉io! Asè꞉ken ne Roiá꞉ner onkwáh Ní꞉io í꞉ken ne Roshatstenhserohwanenhkó꞉wa ronhnontí꞉io.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Galatians 1:16

nahawéneste ne Roiénha nakonháke, ne káti nahónton nakateriwanóten ne kariwí꞉ios ne rahonháke tsi nókwa ne iáh tehathisitaerónons, iáh ónhka tiekhehiátʼkense nahionkatenikónron,

Malachi 1:14

Ók ronorónhsten ne raʼnikonhrhá꞉tha ne rá꞉tsiʼn ronáhskwaien tánon enhahrhá꞉ratsteʼ nahatenáhskon, tánon eʼthó sá꞉ne ne enhotʼskónthahse ne Roiá꞉ner nahó꞉ten ne iáh tshiekaiaʼtaié꞉ri; Aseʼkénh Í꞉i ne Kenontiiohtsherowá꞉nen í꞉ken, Rá꞉ton ne Sakoiá꞉ner ne ratironhiaʼkehró꞉nonʼs, tánon nakhsèn꞉na kwáh tsi niaʼteionkwé꞉tákeʼs tsi ratikweniènhstha.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Psalms 126:2

Tsi nihionkwahiéson, tánon ne iakwenhnasáke ne watsiohénreʼte naʼtsienhnonhniátshera; eʼthóhʼne wahonhnirón꞉nion tsi ienakeré꞉nion nonhkweshón꞉has, “Né Roiá꞉ner iorihowánens tsi nisakotséraʼse.”

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Psalms 46:10

“Thatesatótat, tánon sateriéntarak tsi Í꞉i ne Ní꞉io í꞉ken! Ksenhnowánen tsi nòkwa nonkweshón꞉ha, ionksenhnakaratháton ne tsi ionhwenhtsáte.”

Psalms 18:49

Asèken ne kí kí꞉ken ne kwáh enkonsenhnakará꞉thate, Ó Saiá꞉ner, roʼnón꞉hake ne ronhnonhontsakeró꞉nons, tánon tenkeríwakwe ne kanonweratónhtshera to sasénhnakon.

Colossians 2:7

Kwáh teshohsérast ne saterahshón꞉as ne raonháke, rahonháke nón꞉we nasahtiatón꞉ni, tanón kahsástet tsi tisetákwen, tsi niiesahrihonhnién꞉ni. Tanón kwáh tiatanahnónhak ne kanonweratóntsera.

Psalms 59:13

kwáh sehiaʼáton thóh kanakwahtsherákon; kwáh sehiátont tsi ní꞉iore kwáh iáh othènon tahonsahatiʼierónhnike. Eʼthóhʼne kwáh enwenéstonke ne tsi iehiotonhontsioktaníhon nió꞉re tsi Rawenni꞉io seh thoniarótharon ne Israeronónke. Selah

Matthew 3:2

Ratonne: Saseȣatat reȣat: Aseken onen akta ihȣe ne Niio rahonakerasera.

Isaiah 49:8

Né aoríhwa rá꞉ton ne Roiá꞉ner: Nó꞉nen shesaianerásthen tekonrihwaserakwéni, né tewenhniseráteʼkwe ne kaiatakeʼnhá꞉tshera konsnié꞉non; koniatienawáhstonʼne tánon tkonhiawíhon tsi ní꞉ioht naʼterihwaseronhniátshera nonkweʼtakwékon akorihwáke, né naʼkarihwakwathákwenhke nonhóntsa, takaiakhónhionke ne iahontsaiesáhon tionhontsaʼshónhas;

Psalms 46:6

Nonkweshón꞉ha iakotsarokwáhton tsi natehiakonikonká꞉rion, tsi kanakerasehrakérons tehiowisónhkwa; ne Rawenni꞉io ne waʼrón꞉niate nahonwaʼwenhnáronhke, ne tsi ionwenhtsáte wakawistanáwenhne.

Psalms 7:9

Ó sehríhon ne raotirihwahetkénhsera ne rotirihwaʼnerenhákskon niahontókʼten, ók sahserihwaʼkwahthákwas ne iakoiánere, í꞉se ne sehiatenikonrát꞉kenhse tánon sehiaterhiakʼsátkenhse, Ó saiánere Ní꞉io.

Psalms 9:9

Né káti aoriwáke né Roiá꞉ner rahonháke nón꞉we nionthasehthákwah né tehiontonhnakárias, ne tatkáwas né skénhnon í꞉ken nó꞉nen thènen tekanikónhrahre.

Isaiah 52:7

Tsi niʼiorá꞉se né rasitàkes ne rarihwénhas tsi watanontí꞉iake rahónha rarihowanátas ne skénnon, rahónha tharihwénhas ne karihwí꞉ios, rahónha rarihowanáhtha ne kaiatakená꞉tshera, rénhni ne Zion, “Né Sahní꞉io rahónha raiataʼkwení꞉io.”