Psalms 94:4 - Ohiatonhseratokénti

⁴ Thóh nenhkarihwéshonke ne shonaterihwateʼwátons tsi ahonthatónhnike; tánon rotiráhsehse tsi nishonterihwatewáʼtha.

Psalms 94:4 Referans Kwoze

Psalms 31:18

Sehiárist nètho rotinó꞉wenhs ratikwékon ne ronhthatón꞉ni ó꞉ni ne ronhtatkowánen tsi nikáien ronhtátis nasahkotinontánahke ne tionhkwetaiéris.

Psalms 52:1

Nontsiéren tsi tesataterénhsaron, seniakátste shón꞉kwe, ne kariwahetkénseras tsi nisatserá꞉nion? Rawenni꞉io Tsi né nénhwe enhorihwatokénhake

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Psalms 140:3

Né ronhnenhnasákes thóh nihioiotí꞉ies tsi ní꞉ioht nóniare, tánon ne ratiskwenhtókons thóh iáwere ne kaniarákʼtsens ahononhkwahtsheraksénskwah. Selah

Matthew 12:34

Seȣaȣatsiraksenskȣa, oh nahoni naiaȣenne naontakariȣaierike tsi aeseȣatati, akȣase tsionkȣetaksen, aseken tsinitkananon naȣeriane eh kiniiot tsi ienȣatati naȣennasa.

Matthew 12:24

Nok tanon tsi ȣahonaonsonkote ne Pharisian; ȣahonniron are neneh: kehiken akȣa Beelsebul ok ahosennakon sesakotekȣatakȣa nonatkonseraksen nese ȣahi tkonȣatkonserakȣeniio.

Daniel 8:11

Kwáh ó꞉ni wahonenhró꞉thaʼse ne thentiohkwakweʼní꞉io ne karonhiá꞉ke né ne Rawenni꞉io, waʼthátaste naterennaientátsera ó꞉ni tsi konwatiaʼtatsaʼáhtha ne katshé꞉nen né ronwatienʼkwaronniaténnihskwe né Rawenni꞉io, ne niaʼtewenhniserá꞉ke, ó꞉ni kwáh eʼtho tsi naʼhentáksahte ne tsi ionterennaientáhkhwa.

Daniel 7:11

Kwáh thiaʼtewakkahrotá꞉on, shé꞉kon niwakathón꞉te ne eʼtho nikanaʼkará꞉ʼa teiotaterénhsaron. Tsi wakateró꞉ron, ne kaieríhaton karioʼtowá꞉nen wahonwanonwariákhon, tánon ne raoieròn꞉ta tsi tiotéʼkha iaoná꞉ti tánon onterihwáhton.

Daniel 7:8

Tsi náhe tekkà꞉nere ne onaʼkareʼshón꞉ʼa, waʼkatkátho kenʼnikanaʼkarásaʼ taiotikétohte aktóntie ne otiaʼkéshon tsi teiotinà꞉karonte. Áhsen nikanaʼkará꞉ke wahrotsi né ne kanaʼkarowá꞉nens. Énska ne kaná꞉kare tekakahratárion tsi ní꞉ioht ne ón꞉kwe ó꞉ni kahshaká꞉ronte kwáh í꞉ken tsi kaná꞉ie tsi naʼteiotaterénhsharon.

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Proverbs 30:14

Ótiaʼke nón꞉kwe shakotinonhwaroriʼtón꞉nis ne iakó꞉ten, ó꞉ni ne teiakotkárien; tho kiʼ ní꞉ioht tsi ronnonhnhétie.

Psalms 59:12

Tsi nithontátis ronhnenéstha tsi nihotirihwáneren, aiáwenhs ne aotihiathotáraste tsi nihonthatón꞉ni. Ne tsi nihontenhénhnaras tánon onó꞉wenh tehonterihwareniátha,

Psalms 59:7

Satkátho tsatehotihenrétha, rotiwenhnotí꞉ies tsi ní꞉ioht nasarekó꞉wa asèken “Ónhka ónhte” tsi ronhnontón꞉nions “Kwáh enhionkhiʼiathónteʼne?”

1 Samuel 2:3

Tó꞉sa isiʼnónwe nonsashatáti shó꞉tsi kwáh ashenáieʼke, tó꞉sa serí꞉hon natatʼkowahnátshera thóh nahontáwe tsiʼtsakáronʼte; asèken ne Roiá꞉ner ne ne Ní꞉io nakwé꞉kon tseoteriéntare, tánon rahón꞉a tsi niʼieweiennótens nónkwe rakontieríhara.

Job Tánon ne Raoronhiakensera 20:5

ne raonatsenhnonhniátshera ne ionkweʼtahétkens iáh thatekawishátste, tánon ne raonatshenhnonhniá꞉tsera ne iáh teotinihioserá꞉ien kenk nonhnè꞉e nikarì꞉wes?

Psalms 125:5

Ók tsi nihiákon ne ákte niehiakotseráton ne tsi natehiotsátʼton nakoweiénhna ne Roiá꞉ner kwáh ensakohéntenhse éhren ensakohiathenhawite ne karihwahét꞉kens tsi nihonhtséra. Skénnonk tikénhak ahonháke ne Israel!