Psalms 94:2 - Ohiatonhseratokénti

² Téstan, Ó Serihwénhtha ne tsi ionwenhtsáte; taséhʼhion ne ronhthatónhni tsi natehonathénhtion!

Psalms 94:2 Referans Kwoze

Psalms 7:6

Téstann, Ó Saiá꞉ner, thóh ne sanahkwatserákon. Tashanhákwen tsi nòkwah ne raotinahkwáhtshera ne iónkswenhs; í꞉tie, ní꞉ih akerihwáke; seríhwent ne karihwenhthátshera né sherihwisenhénhni.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Psalms 31:23

Tsi sewaʼnó꞉ronk ne Roiá꞉ner, sewaʼkwékon ne sewaʼrihwatóken tiónkwe. Né Roiá꞉ner tesahkó꞉nes ne iakorihwaʼtóken, ók sahkorehwátha ne ionthatónhni tsi natehiakothénhtion.

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

Micah 5:9

Kwáh enietsitsanakétskwate eʼneken ne tsi tesewatatʼtions, tánon ratikwé꞉kon ne ieshá꞉shons kwáh kí enhonwanáhtonte.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Isaiah 37:29

Né aoríhwa tsi niskeʼnákwahse tánon tsi nisatatkowanáhton ón꞉we ne tsi tekahontaká꞉ronhte, kwáh nakariotaróktsera enkonʼiarhiotároke ne sehnionsáke tánon nakáwenk wateristanonhtáhastha enkonristanón꞉ta ne tsitʼtsakáronhte; Kwáh enskonhiákthaʼte ne tsi iohatá꞉tie tsi nón꞉we nontá꞉se.

Isaiah 37:23

“‘Ónhka ónhte sherákwe tsi thiʼtierónhakwe tánon tienikonratsʼsáthakwe? Ónhka rahonhá꞉ke tsi satewenhnakétskwen tánon tsi nisathatónhni tsi ní꞉ioht tsi wasatarakétsko? Rahonhàke ne Roiatatokénti NʼIsraerʼronónke!

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 2:17

Ne iontatkowanátha onhkweʼó꞉kons kwáh kí ehʼtàke enshonwenhnónhni, tánon tsi nihiontatónhni onhkwetakwékon kwáh kí ehʼtàke entiónhton; tánon iatehahiáti ne Roiá꞉ner kwáh éhʼneken enhonhiónhni nètho enwenhniseráteke.

Psalms 74:22

Tèstann, Ó Sewenní꞉io tánon tasahthátene; sasehiáranh ne iáh tehotirihwiʼiostonhtseráien tsi thiʼiesahierónhakwe niaʼtewenniʼsehráke.

Psalms 68:1

Ahioh thenháten ne Rawenni꞉io, ánion ne ronwáshons tesakoré꞉niat; ánion tsi nihiákon ne ronwakenhrónhni ronhtèko ne rahohénton.

Psalms 50:6

Né tsi karonhiá꞉te wenéstha nètho Rawenni꞉io tsi rorihwakwahríshon, kwáh rahonhatsíwa ne Rawenni꞉io tesakoiatorétha nónkwe. Selah

2 Chronicles 20:12

Í꞉se nónhkwah Ní꞉io í꞉ken! Shé꞉rehwat kíʼ, Asèken kwáh iáh othènen tehiakwahrihwástha ne rahotihénton kí꞉ken tehionenhranón꞉hiani ronhterí꞉ios né tionkihiatsatónhties. Iáh kíʼ tehionkwahteriéntare onhnahiakwáhiere, ók í꞉seke kíʼ iatekwahkánereh naskwahiénawase.”

Psalms 82:8

Sateriwathéntsiat, Ó Sewenní꞉io, serihwénhtas ne tsi ionhontsáte; asèken onkwetaʼkwékon í꞉se shonkwetaʼshónhas!