Psalms 90:8 - Ohiatonhseratokénti

⁸ Sahénton wáʼshien nonkwahrihwanerahák꞉tshera, Iáh nék khók tsi takwáhkens nó꞉nen enhiakwarihwánerake, kwáh kíʼ ó꞉ni takwáhkens nó꞉nen ne ioterihwaʼsétonʼke nón꞉we nenhiakwarihwáʼnerake.

Psalms 90:8 Referans Kwoze

Jeremiah 16:17

Akwékon katkáthos tsi nihontiérah. Kwáh iáh othènen tehiothaséhton nakonháke; ne rahotiriwahneraháktshera iáh tekaniá꞉kens tsi tetkánereh.

Ecclesiastes 12:14

Rawenni꞉io kwáh oriwakwékon tehahiatórehthe tsi nenhtewátiere, ahioianeréhake khóni nahonhetkéntahke, iehióhe tsi nahionkwatiérenhke nathaséhtonhke.

Jeremiah 23:24

Iáh ónhka thaʼhiekwéni nahionkahthaséhten. Shaʼteriéntharakki ne karonhiáke tsík nonhwésons nónhwe níkes ó꞉ni nonhwenhtsiákes?

Psalms 19:12

Ók ónka naieriwattsénhri ne raonaterientawenhriétsera? Sastiatorahrísi tsi nòkwah ne kariwaséhton ahiakonhíkon.

Revelation 20:12

Tánon waʼkhé꞉ken ne ronenhé꞉ion, ratisennhowá꞉nens tánon ken nihatisénhnasas, ronhné꞉te ohénton tsi wanitskwaratseró꞉te, tánon ne kahiatonseraó꞉kons ontenhotonkonháton. Shé꞉kon ó꞉ni ó꞉ia kahiatónsera ontenhotónko, né꞉ne kahiatónhsera ne iónhnhe. Tánon ne ronenhé꞉ion wathonwatiiatórehte ne tahioianenhá꞉we tsi nihotiiotenhseró꞉tens, ne tsi nikaiá꞉ton ne kahiatonhserá꞉kons.

1 Sawátis 3:20

Tóhkaʼ nonkwanonthonnióntsera enhionkwáthonte, ionkwateriéntare sénha Rawenni꞉io rosastenserowánen tsi ní꞉ioht nonkwanonthonnióntsera tánon ó꞉ni kwá oriwakwékon rotheriéntare.

Psalms 10:11

Í꞉rehre, “Né Rawenni꞉io iáh othènon tehatsterístha, rotkonsahséhton, iáh nonwénhton thatehakánere.”

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

Romans 2:16

Éhʼtho káti, tsi ní꞉ioht tsi kateriwanhótʼtha ne kariwí꞉ios, thóh káti nen hiotonhátie tsi nióre tewenniserónte nónen ne Rawenni꞉io, rahonháke ne Ié꞉sos Kerístos, tenhahiatórete tsi nihotiriwasehtánions nonkwesónhas.

Ezekiel 8:12

Ne Rawenni꞉io wahakeriwahnónhtonhse, “Rónhkwe iaiénha, satkáthos kén tsi nahó꞉ten ne ohénton iehonnéton ne Israerʼró꞉nons tsi nihontsérah ne kariwaséhthonke? Kwáh rathikwékon thóh tsi ionáktaien ronahterénhnaien ne titkáhere kahiathonnisónhas. Ne ronteriwahkensehráhkwah: ‘Ne Roiá꞉ner iáh teshonkwáhkens! Ronakeráhkwen ne tsi kanakerahseráhien.’”

Proverbs 5:21

Roiá꞉ner akwé꞉kon tehaká꞉nere tsi nihsatiéhrha. Tsi nón꞉we nienhén꞉se, iaʼnikón꞉rare.

Psalms 80:16

Né ionkhíshons ne ronatekatákwen tánon rotiʼiákon; aiáwens ahatihiatáton tsi natenhsehiatkáneren ne sanakwahtserákon.

Psalms 50:21

Kíʼ nahorihothénshons tsi thóh nitsatseránion tánon kwáh thatewaʼkatótekwe; séhron kwáh ní꞉i thóh nitsiatóten tsi ní꞉se ní꞉ioht. Ók kíʼ ó꞉nen wakonhiatewenhnaiéntonhwe, tánon sahénton wáʼtien ne saʼnhí꞉tiera.

Job Tánon ne Raoronhiakensera 34:21

“Asè꞉ken teshakokanerónhnion tsi nihatiweienó꞉tens nonkwehó꞉kons, asè꞉ken akwé꞉kon ratkáthos tsi natehontekhahákwa.

Leviticus 4:23

ethóhʼne kíʼ kwáh tsi niostó꞉re ne karihwáneren tsi enhonwarihwahéraʼse, ónenk tsi kahiatákeras ienhót꞉kaʼwe né꞉ne kwáh iáh othènen tehotsihiótare.

Leviticus 4:28

ethòne kíʼ tsi niʼiostó꞉re enietʼtsirihwahéraʼse, entisewahiaténhaʼwe nitsiohiónha kahiatákeras oné꞉tsien né꞉ne kwáh iáh othènen tshiotsihiótare né iensewákʼkhaʼwe.

Job Tánon ne Raoronhiakensera 10:14

Tó꞉ka ahonkerihwáneren, ahisatká꞉tonhke, tánon iáh ní꞉se tahonsastsiatotaríshionke tsi nokwáh nakení꞉tshera.

Psalms 109:15

Thóh kaiéntat raohénton ne Roiá꞉ner iaiotʼkontakwénhake, tánon aiáwens tsi nahóten arehiáraʼke kwáh kíʼ akanikonhrénhʼen ne tsi iohontsate.

Jeremiah 2:22

Shé꞉kon ne꞉ne ahʼshatiatoháresthe ne kwáh tkashástste nononhwahrétha, shé꞉kon kíʼ enkatʼkátho ne ioráhkwahre tsi shaníhkon.