Psalms 9:8 - Ohiatonhseratokénti

⁸ Tsi tehahiatoréhtha ne tsi ionwenhtsáte né꞉ne tkarihwaiéri í꞉ken; sakokkoráston né ronhnonhontsakeró꞉nons né꞉ne tkarihwaiéri í꞉ken.

Psalms 9:8 Referans Kwoze

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Romans 2:16

Éhʼtho káti, tsi ní꞉ioht tsi kateriwanhótʼtha ne kariwí꞉ios, thóh káti nen hiotonhátie tsi nióre tewenniserónte nónen ne Rawenni꞉io, rahonháke ne Ié꞉sos Kerístos, tenhahiatórete tsi nihotiriwasehtánions nonkwesónhas.

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Psalms 99:4

Roshaststenhserowaʼnenhkówa Ronnontí꞉iokowa, ranorónhkwa nahó꞉ten ne tkarihwaʼiéri í꞉ken, í꞉se thisá꞉ha ne karihwakwaʼrihshióntshera í꞉ken; thóh nisaiéren tsi nahóten ne tkarihwaʼiéri í꞉ken wáʼshenh ne karihwakwarihshiónhtshera Nisraeró꞉nonke nón꞉we

Psalms 94:15

asèken kwáh iostó꞉re ne ratirihwénhtha kwáh ró꞉nonha shé꞉kon tenhsatihiató꞉reʼte ne entioianénhaʼwe tsi nahó꞉ten ne tkarihwaʼiéri í꞉ken, tánon onhkwetaʼkwékon ne tionkwetaiéris enhiakawerienhtí꞉io.

Psalms 50:6

Né tsi karonhiá꞉te wenéstha nètho Rawenni꞉io tsi rorihwakwahríshon, kwáh rahonhatsíwa ne Rawenni꞉io tesakoiatorétha nónkwe. Selah

Exodus 15:18

Í꞉se, Saiá꞉ner, kwáh ensanontí꞉ioʼke tsi nienhénwe ó꞉ni tsi nènhwe.”

Psalms 10:16

Né Roiá꞉ner né꞉se Nonkwahnontí꞉io í꞉ken né꞉ne tsi nénhwe tánon iáh tsahontótʼten. Nonkweʼshónhas kwáh kíʼ éʼrenh enhiontatsatenháwite ne rahohontsáke.

Psalms 29:10

Né Roiá꞉ner rénskote ne raonitskwáhrane éhʼneken ne tsi nitsaweʼnótonhkwe; ne Roiá꞉ner rénskote ne raonitskwáhrane rotenonhtiʼióston né꞉ne tsi nénhwe enkénhake.

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (