Psalms 85:8 - Ohiatonhseratokénti

⁸ Waʼkatahónsate tsi nahoténhsons ne Roiá꞉ner ratón꞉nions, asèken né enshakotaʼtsiáten ne skénnon ne rahonkwetaʼshón꞉ha, tsi nihiákon ne iakorihwaʼtó꞉ken, ók tó꞉sa kíʼ thonisatí꞉ier tsi nithatiʼweienhnák꞉senhne.

Psalms 85:8 Referans Kwoze

Psalms 29:11

Aiáwenhs ne Roiá꞉ner ahontasaká꞉wen ne kashaststénhsera ne rahonkwetashón꞉has! Aiáwenhs ne Roiá꞉ner asakohiathatériste ne rahonkwetashón꞉has né꞉ne skénhnon í꞉ken!

Revelation 3:19

Enkheiaʼtewenhnaién꞉tonhwe tánon enkheriónhnien tsi niiá꞉kon ne khenorónhkwa. Kwáh kíʼ tasewaʼnikonrakontakwénhak, ne aorí꞉wa, tánon sasewatatré꞉wat.

Zechariah 9:10

Ne Roiá꞉ner ráton, “Ahé꞉ren entʼkhá꞉wite ne otiónhkwas ne Israerʼró꞉nonhke ó꞉ni é꞉renh enkhehiatenhá꞉wite ne koshá꞉tens ne Jerusalem; ne ahén꞉nas wátstons ne tsi waterí꞉ios kwáh enkariwahthón꞉ton. Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa. Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte, tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”

Habakkuk 2:1

Kwáh ienhkerát꞉then tsi nón꞉we nahtekenenhraientháhkwa, tánon thóh tentʼtane natenhénrake; kwáh enkathenhnikónhrahren nahonktókenhse nahó꞉ten enhakró꞉ri ne Roiá꞉ner, tánon onhní꞉ioht tsi kwáh thenharihwaʼserá꞉ko tsi nihirihwakwén꞉ni.

John 14:27

Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teseȣeriasishonk, tosa oni seȣateronsek.

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

Genesis 34:7

Ne Jacob raonekenhteronʼtsheraʼshón꞉ʼahs kahentà꞉ke naʼtontahón꞉ne. Ne sahatirihwá꞉ronke, ne ronnón꞉kwe kwáh í꞉ken tsi tahontónʼneke ó꞉ni kwáh í꞉ken tsi wahotinà꞉khwen, tiorí꞉wa tsi niiorihowá꞉nen tsi nahóhnhiʼkeh wahshakoʼnikonhrakaré꞉wahte ne Israeronónke tsi skátne wahiá꞉rate ne Jacob sakoièn꞉ʼa, aseʼkénh neh nikarihó꞉ten iáh teió꞉wenk neh nakaié꞉renke.

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!

2 Thessalonians 3:16

Aiáwens ne kwáh rahonhatsíwah ne Roiá꞉ner, tsi nikáien ne rahiatakweʼní꞉io ne skénnon, tiotʼkonhónwe ahontáhion ne skénnon tánon kwáh tsík nahontahiotieráton. Ne Roiá꞉ner sekwahkwékon sekwakwekónhak.

Ephesians 2:17

Ká꞉ti Kerístos thawé꞉non tánon wasakoteriwanhóthaʼse ne kariwí꞉ios nonkweʼtaʼkwé꞉kon—ó꞉ni ní꞉se ne iáh tesewasitaeʼró꞉nons, tsi aíhnon nió꞉re tesewátereʼkwe ne Rawení꞉io, nók ne Sitaeró꞉nons rahiaʼták꞉ta ne rónhneskwe.

Galatians 4:9

Nók kíʼ tsi ónen tsi sewaientéri ne Ní꞉io—tóhkaʼ ó꞉ni tehiotonwentióʼon nakíron, ónen ne Rawenni꞉io tsi sewaientéri—onhnihiotiéren tsi ísewerhe thóh niahonséhsewe néhtho iáh thènen tehotisatsʼtenseráien tánon iotathiténrat tsi kwáh iáh thènen sathekéna tsi nihatihiathótens.

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

Acts 3:26

Tánon káti ne Rawenni꞉io wahohiataráko ne rahonkwéta tánon tsi tahothénieʼte tsionháke tahatiérenʼthe niaháre, neh nahiaʼhiatatérisʼte tsi kwáh niatehionkwétaʼke ahsakahónnien tahonsahiontʼkaraténi tsi niʼieweʼiennáksens.”

John 20:26

Nok satekon nonta ohnakenke, kanonskon are ratiteron ne raotiokȣa, raiatare oni nʼAtonȣa, Iesos eh ȣahoketote, kannhotonnion sane tsi kannhokaronton, rahotinenrihen eh ȣathatane, nok ȣahenron: skennen tikenhak niseke!

John 20:19

Nok okarasneha nonkȣati, neh ȣenniserate ne tiotenniseratierenton noiaiakserake, akȣekon kannhoton tsinikon kannhokaronte tsinonȣe nihonatkennison ne raotiokȣa ne tsi sakotistsaniskȣe ne Sitaeronon, eh ȣahataȣeiate ne Iesos, rahotinenrihen etho ȣathatane nok ȣasakaȣenhase: skennen tikenhak!

John 8:11

Tontakenron; iah onka, Saianer! Nok ne Iesos tontarenhase: iah ki oninii takonriȣente, ȣas, nok tosa saseriȣanerak.

John 5:14

Onakenke kati ne Iesos ionsahokon Ononsatokentike, ȣahaȣenhase: onen ȣahi tsi saieȣentaon, tosa kati saseriȣanerak, onȣaʼsʼ enʼsʼ naha senha isinonȣe tsi nensaiataȣen.

Haggai 2:9

Iáh thahión꞉nise tsi nihiononsanerákwat kí꞉ken Ononsatokentikó꞉wa kwáh sénha ne entionhnonsanerakwátonhke tsi ní꞉ioht nononsakahiónhkwe, rá꞉ton ne Sakoiá꞉ner ne ratironhiakeró꞉nons; tánon ken kí nón꞉we nentkát꞉kawe ne skén꞉nonk thí꞉ken, rá꞉ton ne Sakoiá꞉ner ne ratironhiakeró꞉nons.

Isaiah 57:19

Skénnonk, skénnonk, né nahinónsons nió꞉re ít꞉kens tánon naktatsiesónhas í꞉ken, ratónhnions ne Roiá꞉ner; tánon kí enshekhétienʼte.

Proverbs 25:11

Aionteʼnikonhrísa ne kwáh ieká꞉ien ne shá꞉ka ne thé꞉nen ohwistanó꞉ron tánon kahwistarà꞉ken ionniá꞉ton.

Psalms 50:5

“Rawenni꞉io ráton tsíkes nón꞉we nasehwanitsiokwarórok í꞉se nakonkwetashón꞉has ne sewaʼrihwató꞉ken, ronónha rohnón꞉ni nateriwaʼseronniátshera skát꞉ne ne Rawenni꞉io ó꞉ni iehatítats ne kariwiʼioseokónha!

Proverbs 27:22

Ók ó꞉ni tókaʼ wahonwanonwenhserário tsi niió꞉re ne kenheiá꞉tne, ne tehonatenonhwarorí꞉tonte shé꞉kon kiʼ iáh thaʼtahsheté꞉ni tsi tehonatenonhwarorí꞉tonte.

1 Samuel 25:25

Atiá꞉ner tó꞉sa tatseriwásnies kí꞉ken ranikonrahét꞉ken saoiéren rón꞉kwe, Nabal; asèken tsi nihosenhnóten, thóh kiʼ niʼionkweʼtóten; tánon tehotenonwaroríhtonte; ók ní꞉i, ne sanhá꞉tshera, iáh tehí꞉ken ne kén nithoiónha ne Natiá꞉ner raonkwé꞉ta, tsi rahón꞉ʼa ietsiatórion.