Psalms 83:18 - Ohiatonhseratokénti

¹⁸ Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Psalms 83:18 Referans Kwoze

Exodus 6:3

Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Psalms 59:13

kwáh sehiaʼáton thóh kanakwahtsherákon; kwáh sehiátont tsi ní꞉iore kwáh iáh othènon tahonsahatiʼierónhnike. Eʼthóhʼne kwáh enwenéstonke ne tsi iehiotonhontsioktaníhon nió꞉re tsi Rawenni꞉io seh thoniarótharon ne Israeronónke. Selah

Ezekiel 38:23

Thóh ki ní꞉ioht tsi enhkheʼienésten nonhkweshón꞉ʼas tsi keshástsʼte tánon watiatatokénti. Ethòne enhonahteriéntarahne tsi Í꞉i ne Watiá꞉ner.”

Psalms 97:9

Asèken í꞉se, O Saiá꞉ner, ne kwáh éhʼneken tisát꞉the nohontsaʼkwékon; í꞉se sénha sashaststenhserowánen tsi ní꞉ioht ne ó꞉ia niʼiohokónhas.

Jeremiah 16:21

“Éhthoh káti,” ráton ne Roiá꞉ner, “Énskak ienwáteratsʼthe enkhehiónnien nonhkweshón꞉a naʼiakoteriéntahrahne nakeshastsʼténsera ó꞉ni tsi niʼwakeshastsʼtenserowáhnen; enhonaʼteriéntahrahne tsi Í꞉i ne Watiá꞉ner.”

2 Kings 19:19

Ó꞉nen kíʼ, Saiá꞉ner nonhkwah Ní꞉io, saskwahniá꞉kent tsi nòkwah ne Assyriaró꞉nons, né ká꞉ti niakahontsakwékons kwáh ahiakoterientátraʼne nètho tsi í꞉sek khók, O Saiá꞉ner, tsi Sewenhní꞉io í꞉ken.”

Daniel 4:32

Eniesarékwahte tsi ratí꞉teron nonkwehshón꞉ʼa, kontírio ientsisewakwekónhake, ó꞉ni óhonte ensehsonʼnhéhkwen né tsá꞉ta niiohserá꞉ke tsi ní꞉ioht ne tiohnhónskwaron teiotinà꞉kares. Eʼthó꞉ne enhserihwaní꞉rate ne Roʼsatsthenhserowá꞉nen Rawenni꞉io tsi raoʼshatsthénhsera í꞉kate tsi kanontiioʼtsheraké꞉ron tsi ionhwensià꞉te tánon raónha enthanónhton ónhka ahshakoiaʼtará꞉ko naiontenontí꞉iohste.”

Ezekiel 30:19

Nónenh kí꞉ken éhthoh ní꞉ioht tsi entréwahthe ne Egypt, enhonahteriéntarahne tsi Í꞉i, ne Watiá꞉ner.”

Isaiah 42:8

Í꞉i ne Watiá꞉ner, né naksénhna í꞉ken; natiatanerakwáhtshera kwáh iáh nónka nakóren tethekheʼiáwis, khès naʼkerenhsarónhtshera né satahionkwáhwenhke ne kaiatonhnisónhas.

Micah 4:13

Téstan tánon tesasakwaserón꞉kwat, O akoién꞉ha ne Zion, asè꞉ken ne enkonhniá꞉te ne tsi tesanakáronhte karístatsi nahiotónhake; tánon ne tsi tesatsinenrentónte kwé꞉nis nenhné꞉e nenhiotónhake; tánon kwáh iakotiohkowá꞉nen ensenonwenhserá꞉rio nonkweshón꞉as ken nenknenshónnaske, tánon kwáh enteshá꞉we akwé꞉kon kí꞉ken nahorihoténhsons rahonhà꞉ke ne Roiá꞉ner tánon ensethátse ne raotikwahséhtsheras rahonhà꞉ke ne Roiá꞉ner ohontsakwé꞉kon í꞉ken.

1 Kings 18:37

Teskerihwaserákwas, Saiá꞉ner, teskerihwaserákwas, né káti kí꞉ken onhkweshón꞉as kwáh enhonateriénhtaraʼne tsi í꞉se, ne Saiá꞉ner í꞉ken, ó꞉ni Sewenní꞉io í꞉ken tánon kíʼ shonháke nathontasehiathenhenhátie.”

Isaiah 54:5

Asèken ne Iaiatíson né꞉ne teseníteron í꞉ken, ne Sakoiá꞉ner ne ratiʼronhiakeró꞉nons né kí raoʼsénhna í꞉ken; Né꞉ne Roʼiatatokénti Énska í꞉ken NʼIsraerʼronónke né꞉ne shiaʼiatákwen, né Rawenni꞉io í꞉ken nonhontsaʼkwékon né ronhwanatónhkwah.

Psalms 92:8

ók ní꞉se Saiá꞉ner kwáh kíʼ tsi nénhwe tsi entesehniaró꞉taronh nakorénhshons.

Psalms 9:2

Kwáh kíʼ enwakatʼtsenhnonhníhake tánon enwakatonhnárahke ne shonháke; Kwáh kíʼ tekeríhwakwe ne kanonwerathóntsera ne sasénhnakon, Ó né kwáh éhʼneken satohesthákwen.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Genesis 22:14

Káti NʼAbraham neh nón꞉we niwatenà꞉taien ne wahaná꞉tonhkwe, “Roiá꞉ner enthahtkaʼwe.” Tánon shé꞉kon nón꞉wa niwenhniseraténion nonkwehshón꞉ʼa ne ión꞉ton, “Tsi rotenontáhere ne Roiá꞉ner non nithahtká꞉was.”

Zechariah 4:14

Ethò꞉ne wahèn꞉ron, “Ne kí꞉ken ne tehnihiá꞉se tsi niká꞉ien ne Rawenni꞉io shakohiatahrákwen tánon ne tahonwahriwasniéhse, raónha ne Roiá꞉ner rashá꞉rine nowenhtsiakwé꞉kon.”

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Isaiah 5:16

Ók kiʼ né Sakoiá꞉ner ne ronterí꞉ios ratironhiakeró꞉nons ne ne rotsenhnakaratatónkwen ne raoianerétshera, tánon ne Roiataʼtokénti Ní꞉io rotatenéston tsi rotokénti thóh nónhwe ne karihwaʼkwahrihshionhtsherákon.

Psalms 18:13

Né Roiá꞉ner kwáh ó꞉ni waʼhawéraste ne tsi karonhiáte, tánon ne raowénhna ne Kwáh Éhʼneken Tótthe waʼhonwahwenhnáronke

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!