Psalms 83:14 - Ohiatonhseratokénti

¹⁴ Tsi ní꞉ioht nó꞉tsire tsi wateratʼtsahátha, tsi ní꞉ioht notónhkwah tsi watenontatékʼtha,

Psalms 83:14 Referans Kwoze

Deuteronomy 32:22

Nakhenakwáhtshera kwáh tenwanitonkwahnékare tsi ní꞉ioht nó꞉tsire tánon enwaʼtsaháthe akwé꞉kon ne tsi ionwenhtsà꞉te. Ienhwá꞉we nó꞉thake tiohontsá꞉te tánon enwatsaháthe ne tsi katerahthénions ne tsi iononhtarón꞉nions.

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Isaiah 9:18

Asèken ne karihwahetkénsera ió꞉teks kwáh tsi ní꞉ioht nótsire, wattsahátha nonionwá꞉ras tánon nohíktas; né watʼtsenhanetákwa ne karakonkówa, tánon thóh tehiotsienkwarátase eʼken niewétha ne tsi ioienkwáhrote.

Nahum 1:10

Kwáh tsi ní꞉iot nhonionwá꞉ras ne rotiiatotaréston, Kwáh tsi ní꞉iot ne ratinekakástha rotinekatárions; ronatsiatakʼtions tsi ní꞉iot ne kawá꞉he.

Nahum 1:6

Ónhka aiekwé꞉ni taietá꞉ne ohén꞉ton ne ranakwáhtshersa? Ónhka aiekwé꞉ni naionthá꞉katstate ne ioʼtarí꞉hen raonakwá꞉tshera? Ne raoterhiatitkhóntshera tewawéron tsi ní꞉iot ne ótsire, tánon raónha nosténras teorí꞉tons kenk ní꞉was.

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Job Tánon ne Raoronhiakensera 21:18

Asè꞉ken ne ronónha thóh nahiotón꞉hake tsi ní꞉ioht ne kawá꞉he ne tsi iówerare, tánon tsi ní꞉ioht nosehwaséhri tsi iahó꞉te iaʼkáhawe.

Isaiah 17:13

Ne iakahontsaʼkerónons iakoronkwénstatre kwáh né꞉ne wé꞉so watnekíne, ók kí ensakoʼtewenhnaiéntonhwe, tánon kwáh enhontèko nahí꞉non nónwe nienhónhne, ensakósehre tsi ní꞉ioht ne kaʼwàhe ne tsi iononhtarónhnions nohénton takáwerakwe tánon tsi niʼhioienkwáhrote nohénton thenkaweraʼtáse.