Psalms 80:9 - Ohiatonhseratokénti

⁹ Waskwahthonhontsasehrón꞉nien, tánon thóh nón꞉we nahtionkwanátʼtanírah kwáh ohontsaʼkwékon tsi waʼtsakwahréni.

Psalms 80:9 Referans Kwoze

Joshua 24:12

Tsi niahisehwe, watekhehionniaritkon né nahónton nakhehiatinekenwe thí꞉ken tehotinonhtí꞉iotserake Amorʼró꞉nons. Tánon iáh ki i꞉se tesewashaststensera ó꞉ni ne sewateriiosthakwa thóh tehiotiieren.

Isaiah 27:6

Nenhtewenhniseratenionke ne Jacob rahonhake kwáh enkateronhten, Nisrael kwáh enkatsitsionten tánon thenkarenharon, tánon kwáh ne tentkarate ne tsi ionhwenhtsate ne kahiksonhas.

Jeremiah 12:2

Enséntʼtho, tánon enkaterónten; enkonhtehiáron tánon enwahianihiónten. Tiotkonhónwe iohiánere tsi ní꞉ioht tsi ieshatharákwen, shé꞉kon kíʼ kwáh iáh sóhtsi thènen tehiesónni.

Isaiah 37:31

Né tsakoniakénʼen ne iateiakothaténron nonkweshónhas ne Judah kwáh kí shé꞉kon enskaterónhten tsi tenhwatonhontsawéheste, tánon enwahiaʼnihiónten né éhʼnekenh;

Psalms 105:44

Né waʼsakahonhtsawí꞉hon nakorénshons raononhontsashón꞉has, tánon né waʼhatiʼientʼwakwenháton nakorénhshons rotiʼientʼthó꞉serons,

1 Chronicles 21:5

Tsi sahoró꞉ri ne Ronnontiio Táwit né tiokwék꞉ton tsi nihá꞉ti ne ronhnónkwe nahónton nahonwatishotarónhni: 1,100,000 nihá꞉ti ne Israerʼró꞉nonke ratinákere tánon 470,000 nihá꞉ti ne Judah nón꞉we thatinákere.

1 Kings 4:25

Kwáh tsi nikaríhwes rónhnhekwe, nonhkweshón꞉as ne Judah ó꞉ni Nisraerʼró꞉nonke kwáh skénnonhk tsi ní꞉ioht tsi ratinákerehkwe, sathiwatsirátʼtsons tsi rathinaharaiéntʼtoskwe ó꞉ni ne wisonhkówa ronatʼkwiró꞉thonkwe.

1 Kings 4:20

Nonhkweshón꞉as ne Judah ó꞉ni Nisraerʼró꞉nonhke thóh nihonatsókwas tsi níkonh tekanesaronhkótharon natsakʼtóntse; tehonskáhons tánon ratinekíra, tánon ronatʼtsenhnónhni.

2 Samuel 7:10

Tánon ní꞉i enkheiatenatará꞉kwahse nakonkwetashón꞉ʼahs Israerʼró꞉nons tánon thóh nón꞉we nenhkheteron, ne káti thóh nón꞉we nenhatiʼterónhtake kwáh ronónha enhonakwenhkhónweke, tánon iáh shé꞉kon thatahonsahonwatiʼnikonráren; tánon ne ronhnonkwetahétkens kwáh iáh shé꞉kon nonwénhton tahonsahonwatiʼroniákente; tsi nitsiotónhne ne tsiotserénhton,

Psalms 44:3

Ne shonkwetaʼshónhas iáh teonathatsiatakweniʼióston nonhóntsa nasarekówa ahonáts꞉ton, iáh teonatkwénion ne raotishaststénhsera ahonáts꞉ton; né꞉ne sahshaststénhsera tánon tsi nisehshást꞉te waʼkarihónhni, né tsi ní꞉ioh rihwíʼiokwe tsi éhʼtho í꞉seskwe, né wahakonatónhase tsi nisehnorónkwa.

Isaiah 5:2

Tsi ní꞉ioht ne tahathontáiake tánon waʼhanenhiaróhroʼke né waʼhaiéntʼtho né kwáh tekaiestáshion watenenharíseres; kwáh satekahetíhen ne watenenharíseres nón꞉we nahanikatóten, waʼhanatʼthaserónhnien tsi nón꞉we naháien ne tewahiaríhtha; rohrahrá꞉kwe ne kanenharí꞉io ahonenharaiéntaʼne, ók ne takáhawe ne karahkónha onénhare.

Isaiah 27:2

Né thóh enwenhniserateke: Né ioiá꞉nereh tsi iotenenhará꞉reh, neh teserí꞉wahkwat!

Jeremiah 2:21

Thoʼní꞉ioht tsi kónhteron tsi ní꞉ioht ne kwáh tekaiesthásion watenenharísehres né꞉ne kwáh tkanenhí꞉io. Ók satʼkátho tsi niahishahiátawenh! Thóh nahshiató꞉tenʼne tsi ní꞉ioht ne iótkens, iáh thènenh tehioríhonte wathenenharísehres.