Psalms 8:3 - Ohiatonhseratokénti

³ Nó꞉nen ienkatkátho ne tsi sateronhiáte, nahohioténhsera ne sesnonsákes, nasontʼthennéhkha karáhkwah tánon ne tsi iotsistokwahrónhnions í꞉se sakwahthakwenháton;

Psalms 8:3 Referans Kwoze

Genesis 1:1

Tsi tiotáhsawe Rawenni꞉io wahá꞉ronhionhni tánon waronhontionhni,

Psalms 33:6

Né Roiá꞉ner kwáh nek khók tsi taʼhatá꞉ti onhtónh꞉ni ne tsi karonhiáte, tánon nenhtiekhenékha karáhkwa, nasonthenʼné꞉kha karáhkwa, tánon ne tsi iotsistokwahrón꞉nion onhtónhi tsi nontahatónhrie ne tsi rasakáronte.

Psalms 111:2

Tsi nihiorihowánens ne raoiothénhseras ne Roiá꞉ner, akwékon iakoteweiénston tsi niʼiákon ierihwaʼnorón꞉kwa.

Psalms 104:19

Sarakónhni nasonthenhnékha ne nawéneste tsi ó꞉nen ó꞉ia sonhtenhnitathásawenh; nenhtseʼkhenékha karáhkwah kwáh iorihwaʼtó꞉ken tsi nikaháwi iatewatʼtsénhthos.

Psalms 89:11

Né tsi karonhiáte í꞉se sáwenk, tsi ionhontsáte ó꞉ni; í꞉se shá꞉shon ne tsi ionwenhtsáte tánon akwékon tsi nahó꞉ten né thoʼíwa.

Romans 1:20

Tsi náhe tahonwentsíson ne Rawenni꞉io, kwáh thokénʼen nonkwesónha aiakonikonraiéntaʼne neh rahosatsténsera iáh nonwénton tiewathótʼtha tánon kwáh ó꞉ni oriwihioʼonwe tsi rahónha neh Rawenni꞉io íken. Kíʼ nahorihoténsons iáh tahónton naiontkátho, nók enwáton kíʼ naieiéntereʼne ne kíʼ enkakwéni nahonwaiénteraʼne ne Rawenni꞉io ne tsi nahoténsons ne Rawenni꞉io rosahánion. Kwáh káti iáh othènen tehonatesénʼnaien nahatirahʼiátakwe.

Luke 11:20

Nok tanon tokat Niio raosnonke tkaientakȣa tsi sekheiatekȣatha nonatkonsson, Oriȣiio kati ȣahi tsi onen seȣaiatorenhon ne Niio raonakerasera.

Exodus 8:19

tánon káti ne tehontierónhnions wahonwénhase ne Ronhnonhtí꞉io, “Rawenni꞉io kí꞉ken thóh nahása!” Ók ne Ronhnonhtí꞉io roʼtenontsisthaʼniráhton tánon, kwáh kíʼ tsi niháwen ne Roiá꞉ner, ne Ronhnonhtí꞉io iáh seh tasakothahónsaʼtaʼte ne Mahís ó꞉ni ne Aaron.

Job Tánon ne Raoronhiakensera 22:12

“Iáh ken ne Rawenni꞉io è꞉neken tsi karonhiá꞉te nón꞉we tethèn꞉teron? Ratkáthos ne kwáh è꞉neken iotsistohkwarón꞉nion, tsi è꞉neken í꞉ken!

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Exodus 31:18

Nónen ne Rawenni꞉io sahá꞉sa tsi roʼtharakwenhníhakwe ne Mahís ne tsi ionónhte ne Sinai, tahá꞉wen ne tékeni osténhras tsi nónhwe né kwáh rahónʼa ne Rawenni꞉io rohiatónhnion ne kariwatátʼtsheras.

Psalms 148:3

Tehonwanonweráton, ne kará꞉kwah tánon nasonthenhnékha karákwah; tetsisewanonweráton, sewakwékon ne tesewatsistokwátʼtes!

Psalms 19:1

Ne tsi karonhiáte ne ionatrorhiáton ne raohiatanerahkwáhtshera ne Rawenni꞉io; tánon ne tsi karonhiáte wenéstha tsi nihohioténhen ne ratshanáke róstston.

Job Tánon ne Raoronhiakensera 25:5

Iekaní꞉hare nasonʼthenhné꞉kha karáhkwa iáh thataioswáteke tánon notsistokwaʼshón꞉as ne iáh tahiotkwenienstónhake ne raohénton,

Job Tánon ne Raoronhiakensera 25:3

Tsi niwé꞉so rahonkwè꞉taien ne ronterí꞉ios iáh ónhka taiekwé꞉ni nahonwanashé꞉te? Iáh ohkanéka tewatená꞉taien ne raoswathétshera ne iáh tsiatakaswaʼthéte?

Job Tánon ne Raoronhiakensera 36:24

“Seiá꞉rak tesherénhsaron ne raoiothénhsera, ne ne tsi nahoʼténhshons nonkweshón꞉a teiakorihwakwá꞉ton.