Psalms 78:4 - Ohiatonhseratokénti

⁴ Enhiatkhiró꞉ri ne iakhiʼienʼokónha; kwáh enhiatkhiró꞉ri nó꞉ia aterénhseras tsi nòkwah ne Roiá꞉ner raoʼsashaststénhsera tánon ne iorihowánens raohioténhseras tánon ne iorihwanerakwahthénions tsi nihotieránion.

Psalms 78:4 Referans Kwoze

Deuteronomy 11:19

Ietshihienʼokónhas ietsirihonnienhní꞉tak. Sewatharákwak nó꞉nen sewanonskónhsons sewenhterón꞉ton tánon nó꞉nen sewahiakén꞉en, nó꞉nen sewatorí꞉shen tánon nó꞉nen sewahioʼténion.

Joel 1:3

Ientʼtsiró꞉ri ne ietʼtsiʼienokón꞉a kí꞉ken nakarihò꞉ten, tánon ietsirí꞉hon ne ietsiioʼokón꞉as ienshonwatiró꞉ri ne iesehsakotiienokon꞉ʼa, ók ne ronón꞉ha iensehsakotiró꞉ri ne tahatikonhsontóntie aterésehra.

Deuteronomy 4:9

Sewatatenʼnikónhraren! Oriwí꞉io tsónhni tsi iáh thahonsesehwaʼnikónhren, kwáh tsi nikarí꞉wes entsónhnheke, tsi nahó꞉ten wesewatkátho ne kwáh í꞉se sewakarà꞉ke. Ieʼtshiró꞉ri ne ietshiʼienhokón꞉as ó꞉ni ne ietsihiatereʼokónha

Deuteronomy 6:7

Tánon sewatsteniáron ne ietsirihón꞉nien ne ietsihienokónha. Ne sewathará꞉kwak ne sewanonskónhsons ó꞉ni nó꞉nen kák nón꞉we niesewè꞉non, ó꞉ni nó꞉nen sewatorí꞉shen ó꞉ni nó꞉nen sewahiò꞉te.

Psalms 9:14

Ne ká꞉ti nahónton nakatró꞉ri akwékon ne sanonweratónhsera, tánon, thóh tsi tiotenhenrakáronhte nakoiénha Zion, kwáh enkatonhnáren tsioríhwa tsi í꞉se sestiatákwen.

Psalms 26:7

Iorakaréni tsi tewaʼkerihwá꞉kwen ne kanonweratónhtshera, tánon akwékon katrorhiánions ne sáwenk tehiotenonhianítons iorihwanerakwahthénions tsi nisaieránion.

Job Tánon ne Raoronhiakensera 15:18

tsi nahó꞉ten ne ronhteʼnikonrathókas rohnatró꞉ri, tánon ne sakotisothonkonhkén꞉en iáh teotirihwashé꞉ton,

Exodus 13:14

Né tsi niaʼhawenonhátie, nónen ne ehtsiénha enhariwaʼnónhton nahó꞉ten kèntons kí꞉ken wenhtaʼnóron, tsi tentseriwaʼseráhkwahʼse, ‘Né tsi rósthon ne kashatsʼtenseroʼwánen ne Roiá꞉ner tsi thon thashonʼkwahiaʼtíneʼkenhʼwe ne Egypt, tsi nónhwe niʼtewanáskwahʼkwe.

Exodus 13:8

Nentewatásawen né kákʼkhwáheʼre, ietʼtsiʼnikonhraientá꞉ten ne sewanekenʼteronhtieraʼsónhas né kíʼ tsioríwa thóh nisewahiéra né tsi niʼtsisewatieráhse ne Roiá꞉ner nónen shaʼthontesewahiákenʼne ne Egypt.

Exodus 12:26

Nó꞉nen ne ietʼtsiʼienʼokónha enietʼtsiriwanón꞉tonse, ‘Nahó꞉ten kéntons kí꞉ken oriwakáion?’

Isaiah 38:19

Né꞉ne iakonnheónwe, né iakonnheónwe, né teiesanonwerátons, tsi kí nikatiéra nón꞉wa wenhniseràte; kaníseras enhonwatiʼtokáhten ne ratiksaʼokónhas ne sarihwatokentítsheras.