Psalms 76:2 - Ohiatonhseratokénti

² Tsi ionón꞉te ne Zion ne Jerusalem nón꞉we nihénteron.

Psalms 76:2 Referans Kwoze

Genesis 14:18

Tánon ne Melchizedek né ronnontí꞉io í꞉ken ne Salem tahanaʼtarénhawe tánon otsí꞉tsa tahanekénhawe; ráonha ne ratsihènhstatsi kén꞉ne, ráonha roiotʼénhse ne Rawenni꞉io ne Kwáh É꞉neken Thótte.

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

2 Chronicles 6:6

Ók kíʼ ó꞉nen Jerusalem nón꞉we nakeráhko tsi nón꞉we nenhiontsenhnaientákwahke, tánon í꞉se, Táwit, ensehiatkóraste nakonkweʼtaʼshón꞉a.’”

Lamentations 2:6

Wahtaritánion nononsatokentíke tsi nónwe nisakwasennaʼientákwaʼkwe; Wahátʼthonte ne awentatokentísons ó꞉ni neh tsiatakátons. Ronontí꞉io ó꞉ni ne ratsihénstatsi ahkénhake wahóntʼtoke ne rahonhakwátsera.

Psalms 27:5

Asèken kwáh enhatiatásehte ne tsi rohtaskwáhere né tewenhniserónh꞉te ne tehionikonhráhrat; kwáh enhatiatásehte ná꞉kon tsi ioteró꞉ron ne raothó꞉sehra; kwáh thóh nón꞉we ienhakíteron tsi nón꞉we ne kwáh tionitsténhrate.

Psalms 9:11

Thetserihwákwas ne kanonweratónhsera ne Roiá꞉ner, ne rotkoráston né Zion nón꞉we nihénteron. Satʼró꞉ri ne raohioténhsera nonhkwé꞉ne.

Psalms 48:2

tiotenón꞉tate tánon ióskats, né naʼkokʼtsenhnonniátsheras nonhontsakwékon, tsi ionón꞉te ne Zion othorèke nokwáhti íken, né raonáta ne ronontiʼiokówa.