Psalms 72:6 - Ohiatonhseratokénti

⁶ Waʼkaterénhnaien thóh nahahiatoténhake tsi ní꞉ioht ne iohkenhnó꞉ron tsi nón꞉we nikaientʼthóhseron, tsi ní꞉ioht tsi iohtsatará꞉ties tsi iokenhnó꞉res nonhwenhtsáke.

Psalms 72:6 Referans Kwoze

Hosea 6:3

Ánion ionkwahterientáran, tewá꞉rek natsitewaienterahʼne ne Roiá꞉ner; tsi nontahawenonhátie etʼniiorihwí꞉io tsi ní꞉ioht tsi tahiorenhehátie; kwáh thóh ní꞉ioht tsi enshonkwahiatórenhne tsi ní꞉ioht ne iotsatará꞉tses nokenhnoré꞉seras, tsi ní꞉ioht ne kokwitè꞉ne iokenhnó꞉res ionekanóntens nonhóntsa.”

Deuteronomy 32:2

Nakerihonhnienhní꞉tshera thóh ní꞉ioht tsi entewasénhne tsi ní꞉ioht ne iostharathénions nenhiokén꞉nore tánon thóh nenhiá꞉wenhne nonhontsà꞉ke tsi ní꞉ioht ne iohawé꞉ien. Nakewenhnahó꞉kons entewasénhne tsi ní꞉ioht ne iotsatharátses nenhionatstaraté꞉ni ne ohonwá꞉rahses, tsi ní꞉ioht ne skenénha tsi ní꞉ioht tsi iokenhnó꞉ron ne ohonthásehke.

2 Samuel 23:4

thóh ní꞉iot kwáh ne ne tsi nateioswát꞉te noronkéne, kwáh tsi ní꞉iot tsi tahiohrakwinekenhenhá꞉tsie kwáh iáh othènon teiotsatarónhnion norónhneke, tsi natehiokaráhiat nó꞉nenh iokennorenhserentá꞉hon éʼneken tsi kahentáien.

Psalms 65:10

Í꞉se tesahteniétha ne iawetowáʼnen nokenhnorésehra tsi nón꞉we nikatarakaratʼthósehron ne kahentákes, satewatnekátate tsi natehioronhnionhniánion tsi nikentarakarát꞉thon ne kahentákes, tasahthéniete nokenhnorésehras ne nakanétskate nononhónras, í꞉se waʼshatatériste nokénra tsi waʼsón꞉ni ne kaientʼthótsera nahontakánio tánon ahontehiáron.

Isaiah 5:6

Kwáh ne enkatonhontsatsesate; kwáh iáh tahontkwiraseronhníhake khés nahionthontháiake, tánon kwáh ne thentsoróhronʼke nonionhwáras tánon ohíktas; kwáh enkenane ne tsi otshataʼókons ne tó꞉sa ahonsaiórane ne thóh nón꞉we nihiokwénhraʼre.

Proverbs 19:12

Ronontí꞉io raonaʼkhwènhsera ne shá꞉ka ne kèn꞉reʼks tsi ratonriá꞉iens, nok ne tókaʼ enhtshateweientón꞉hahse ne táhseren tsi ni iotshennónnia nó꞉nen eniokén꞉nore.

Proverbs 16:15

Kaswathetserákon ne Ronontí꞉io rakonsónthe éʼtho káien natónhnets, tánon ne raoriwanirátʼtsera ne shá꞉ka ne ioronhiarátieʼs ne tkáhas naiokén꞉nore kenkiténe.

Micah 5:6

Kwáh ne enhontkóraste ne tsi ionhontsá꞉ien ne Assyria ashareʼkó꞉wa enhónste, tánon ne tsi iohontsá꞉ien ne Nimrod kwáh kíʼ enhonsarenhá꞉wake; rohnónha entionhkhiniá꞉kenhte tsi nokwáh ne Assyriaró꞉nons nó꞉nen otionhontsá꞉ke nenhtónhne tánon nó꞉nen niahatirá꞉tane tsi ionkwateristhatátie.