Psalms 71:13 - Ohiatonhseratokénti

¹³ Aiáwenhs tsi nihiákon ne tionkatsatón꞉tses ahonwaʼtisénhni tánon ronwanátont; aiáwenhs tsi nihiákon ne ronhteniéntʼtha nahiontkaréwaʼte né thotiróhrot natehénsehra tánon ronhwaʼtisenhnáksat.

Psalms 71:13 Referans Kwoze

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Psalms 35:26

Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

Psalms 71:24

Kwáh kíʼ kontatsésons né entʼthárakwe ne sarihwakwarihshón꞉tshera, tsioríhwa tsi nihiákon ne ionteniéntʼtha nahiontkaréwaʼte kwáh kíʼ ronwaʼnatéhaton tánon ronhwatisenhnaksáton.

Psalms 109:29

Aiáwens ne hiónksons né ahotiʼiatóronhke natehénsera; aiáwens né tahotiwaʼnénhke ne rahonatehénsera tsi ní꞉ioht natserónhnia.

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

Isaiah 41:11

Hén, ratikwé꞉kon ne iesanákwahse kwáh enhontéhen tánon enhonwanatéhaʼte; tsi niʼiákon nenhieshaʼtsatónhti thóh nenhotiʼiátawen tsi ní꞉ioht ne iáh othènon thaʼkénhake tánon kwáh enhatiʼiatáton.

Psalms 132:18

Né ronwásons ne khehiatonhtákwen natehénsera, ók ne rahónha, ne rahononhwaró꞉reh kwáh thenhiostarát꞉teke.”

Psalms 6:10

Aiáwenhs Raʼtikwé꞉kon ne iónkswenhs kwáh enhontéhen tánon kwáh í꞉ken tsi enhotiʼterónhne; aiáwenhs tahonsahontkaraténi tánon tahontaiawénhstsi enhonwaʼnatéhate.

Esther 9:2

Tsi nón꞉we Sitaeró꞉non nihatinákere tsi ní꞉kon kanataké꞉ron ne kanakerahserá꞉kon, Sitaeró꞉non wahonnitiohkwahserón꞉ni nahshakotírio nónhka nahonwatikarón꞉ni. Ó꞉nen nón꞉kwe akwé꞉kon ronwatitshá꞉nihs iáh ónhka thahonwatiʼshén꞉ni.

Psalms 70:3

Aiáwenhs tsi niháti ne thiʼhiontiéron ahonateronhiénten tsi nihonwaʼthisénhnion.