Psalms 7:8 - Ohiatonhseratokénti

⁸ Ne Roiá꞉ner tesakohiatorèhtha nonkweshónha; testsiatóret, Ó Saiá꞉ner, né tiohianénhaf tsi iáh tewakeníkon tsioríhwa tsi kwáh iaothènon tewastónhton. Í꞉se né éhʼneken satohesthakʼwen.

Psalms 7:8 Referans Kwoze

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Psalms 43:1

Saskatatewenhniʼióseron, Ó Sewenní꞉io, tánon teskeriwaʼkénas tsi nòkwah nonkweʼshónhas ne iáh tehonwaʼsénhnaiens Rawenni꞉io; tsi nòkwah ne ratinikonhráhtha tánon iáh tehotihiánere saskeniákent!

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

1 Thessalonians 2:10

Í꞉se nonkwahrihwahnirátʼtsheras, tánon ó꞉ni ne Rawenni꞉io, tsi ní꞉ioht tsi wahakwahtoriáneron ne tionháke tsi tisewetákwen kwáh iáh thènen tewahétʼken, kwáh thóh ní꞉ioht tsi ahionkwahterihwahtentiáton, tánon kwáh tóhsa thènen ahkénhake ne Í꞉i ahontahionkwáhterahse.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

Psalms 78:72

Né tsi rerhiasí꞉io kwáh kíʼ waʼsakotenhnikonhrá꞉ren, tánon waʼsakohéntenhse raotihénton niaháre ne nasakonatónhase onhní꞉ioht tsi ahonwáʼsehre.

Psalms 26:1

Takerihowanáten tsi iáh tewaʼkeníkon, Ó Saiá꞉ner, tsioríhwa tsi thóh nitiéra tsi nahó꞉ten ne iohiánere, tánon kwáh iehiokonthákwen tsi í꞉se tkoniethákwen iáh thathetewakenikónrahke.

Psalms 41:12

Ók í꞉se waskatiénawasthe tsioríhwa tsi niwaʼkerihwatóken, tánon sahénton waskát꞉kawe né꞉ne tsi nénhwe enkénhake.

Psalms 26:11

Asèken ní꞉i, thóh nitiéra tsi nahó꞉ten ne tkarihwaiéri; takithénrak tánon tatiatanónstat!

Psalms 25:21

Kerihwaʼnón꞉tha nètho kaianerensthátshera tánon ne ioterihwaʼkwahríshion nahontsatanóns꞉thate, asèken í꞉se kónhrare.

Psalms 11:4

Ne Roiá꞉ner rénhteron ne raononsatokentiʼkówane; ne Roiá꞉ner raonitskwáhra karonhiáke tkáien. Kwáh teshakokarenháwis, tánon né rakárake sakokenhenhiónhnions nonkweshón꞉ha.

Psalms 9:8

Tsi tehahiatoréhtha ne tsi ionwenhtsáte né꞉ne tkarihwaiéri í꞉ken; sakokkoráston né ronhnonhontsakeró꞉nons né꞉ne tkarihwaiéri í꞉ken.

2 Chronicles 20:12

Í꞉se nónhkwah Ní꞉io í꞉ken! Shé꞉rehwat kíʼ, Asèken kwáh iáh othènen tehiakwahrihwástha ne rahotihénton kí꞉ken tehionenhranón꞉hiani ronhterí꞉ios né tionkihiatsatónhties. Iáh kíʼ tehionkwahteriéntare onhnahiakwáhiere, ók í꞉seke kíʼ iatekwahkánereh naskwahiénawase.”

Genesis 31:53

Aiá꞉wens Ne Raoní꞉io ne Abraham tánon ne Raoní꞉io ne Nahor ne Raotiní꞉io ne ronwatiʼníha, tahshonkeniiaʼtoréhtaʼse tsi naʼtetiátere.” Sók kiʼ ne Jacob waharihwahní꞉rate ne tsi nihotshá꞉nis ne roʼníha Isaac,

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Proverbs 19:1

Ne sénha ioiánere naiesenténhton tánon aontesarihwaié꞉rike tsi ní꞉ioht naiesanonhwaró꞉rike tánon naiesanowénhake.

Psalms 82:1

Rawenni꞉io tesakoniarotáron ne raonhatsherashónhas ne karonhíake; raotinenhríhen ne ratironhiakerónons nón꞉we nisakorihwénhtha: