Psalms 7:4 - Ohiatonhseratokénti

⁴ Tó꞉ka ne ahonsakhekhárhiakse nakateró꞉sehra ne karihwahetkénhsera khés nahonsakhehiatákwen ne tehiakwahtátʼtions ne iáh othènen tetiorihonníhon,

Psalms 7:4 Referans Kwoze

Psalms 55:20

Né tiontsatenhró꞉honʼne iasakotsatónhti ne ronténros; wathaiáke tsi nihoraratsthánion.

1 Samuel 24:7

Káti ne Táwit kwáh í꞉ken tsi wahsakotewenhnaién꞉tonhwe ne raonkweʼtashón꞉ʼahs tánon iáh tesakorihwá꞉wi niaʼhonwatiatónhti ne Saul. Eʼthóhʼne ne Saul wathá꞉tahne tánon tontahaiákenʼne nosón꞉wahkon, tánon tahatásawen wahathahítha.

Proverbs 17:3

Ohwistanó꞉ron tánon kahwistarà꞉ken tsi iotékha teionatohétston, nok nón꞉kwe akawé꞉ri Roiá꞉ner ne nen né꞉ʼe tenhaiaʼtó꞉rehte.

Psalms 109:5

Ioiánere tsi nikhehiatiéraʼse, ók né tiontkariakthénhnis ne karihwaʼhétken, khenorón꞉kwah, ók iónkshons.

1 Samuel 26:24

Ne tsi nisón꞉nhe tsi nikanó꞉ron í꞉ken nón꞉wa wenhniseráte nakʼkénton, káti aiá꞉wenhs tsi nikón꞉nhe akanó꞉ronhke raohén꞉ton ne Roiá꞉ner, tánon aiá꞉wenhs ahonsahakeniákente akwé꞉kon tsi nòkwa ne kanikonraronhiakénsehras!”

1 Samuel 22:14

Eʼthó꞉ne kiʼ ne Ahimelech watorihwaʼserákwahse ne ronnontí꞉io, “Ónh꞉ka ne ratiʼkwé꞉kon tsi nihá꞉ti shonkwétaien thóh nahorihwatokénhake tsi ní꞉ioht ne Táwit? Raónha ne ronnontí꞉io rawenónhsa í꞉ken, tánon iostó꞉reh tsi watatkarahténi ne ne ahaterihwaténtiaʼte taiaién꞉hase, tánon tsi nihonwakweniénsta ne sanónskon.

1 Samuel 20:1

Ne Táwit sahatèko ne Naioth ne ne Ramah nón꞉we. Iahárawe raohén꞉ton ne Jonathan tánon wahén꞉ron, “Ónh niwakatiéren? Ónh niwakeniʼtieró꞉ten? Tánon ónh ní꞉ioht nakeriwaneraháktshera tsi nòkwah ne ianí꞉ha nètho tsi rateniénta niahá꞉hawe tsi kónnhe?”

Genesis 44:4

Kenʼk niió꞉re shiehoné꞉non ne kanatowanèn꞉ke, ne Só꞉se wahawènhahse ne raohnhá꞉tshera, “Wáhs, shéhsehr thí꞉ken ronnón꞉kwe; nó꞉nen ienhshehnhón꞉teraʼne, sheriʼwanón꞉tons, ‘Nontié꞉ren tsi ne sesewaié꞉raʼte ne karihwáksen tsi ní꞉ioht ne ioiánere? Oh nontié꞉ren tsi takwatsheʼtanénhskwen nakétshe teiothnekontákhwa kahwistarà꞉ken?

1 Samuel 26:21

Ehʼthó꞉ne ne Saul wahén꞉ron, “Tewakaterientawénhrie; tontasáket, konién꞉ʼa Táwit, asèken kwáh kiʼ iáh nonwénhton shé꞉kon tahonsakonkaréhwate, tsioríhwa nakatónnhets tsi nikanó꞉ron ne sahén꞉ton nón꞉wa wenhniseráte; Tewakatonʼnóktahkwe, tánon teiotenonʼianíton tsi watkaterientawénhrie.”

Genesis 44:9

Tókaʼ akatshénrion nónhka tsi niiátion ne sahnhá꞉tshera, rénheh kiʼ; sénha kiʼ í꞉si nón꞉we nonkwátiaʼkes iakwanáhskwa eniakwáhton raonhá꞉ke natiá꞉nehr.”

2 Samuel 16:8

Ne Roiá꞉ner wahiaré꞉wate neh tsi nisenonwarhiakónhnion ne Saul raowátsires, roʼnón꞉ha raʼotinatʼtekénʼen tsi nón꞉we tsisatenonhtiʼióston; tánon ne Roiá꞉ner ne tethó꞉wi ne kaʼnontiʼiótsera ne eʼtsiénha Absalom. Satkátho, kariwahetkénhsera thontesahrhóroʼke; asèken ní꞉se kwáh sehiaséhtha nashiaʼtóten.”

Job Tánon ne Raoronhiakensera 31:7

tó꞉ka wakathahontákwen ne tsi iohá꞉te ne tkarihwaíe꞉ri í꞉ken, tánon nakweriá꞉ne ne iosé꞉ron ne khá꞉rakes, tánon tó꞉ka aiorakwáhrake naioranenhtakónhake ne katiá꞉nake;

Job Tánon ne Raoronhiakensera 31:22

Thó꞉ne kíʼ aíá꞉wens akatenentsatáko; aíá꞉wens kwáh kíʼ tewaterá꞉tiont ne knenhsá꞉ke.

Acts 16:28

Nók ne Kór kwáh tsi nihawénna tehohenrétha, “Tóhsa satatkaréwat! Kén꞉en hiákenes!”