Psalms 7:17 - Ohiatonhseratokénti

¹⁷ Kwáh entíhion ne Roiá꞉ner ne kanonhweratónhtsera nahontakaiérihke tsi nòkwah ne raorihwaʼkwahrishión꞉tsera, tánon tenhkeríhwakwe ne kanonweratónhtsera raosénhnakon ne Roiá꞉ner né kwáh éʼneken tót꞉te.

Psalms 7:17 Referans Kwoze

Psalms 9:2

Kwáh kíʼ enwakatʼtsenhnonhníhake tánon enwakatonhnárahke ne shonháke; Kwáh kíʼ tekeríhwakwe ne kanonwerathóntsera ne sasénhnakon, Ó né kwáh éhʼneken satohesthákwen.

Psalms 98:2

Né Roiá꞉ner rawenéston ne raotesenhniétshera; raweʼnéston ne raorihwaʼtokentítshera raotihénton ne ronhnonhontsakeʼró꞉nons.

Psalms 111:3

Kaná꞉non ne kakweniensthátshera tánon ioráse ne raohiothénsera, tánon ne raorihwakwahrishión꞉tsheras tenkawishástsʼteke tsi nénhwe enkénhake.

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Psalms 92:8

ók ní꞉se Saiá꞉ner kwáh kíʼ tsi nénhwe tsi entesehniaró꞉taronh nakorénhshons.

Psalms 35:28

Eʼthóhʼne ne kenhnasáhke enwatróri tsi nitisariwaiéri tánon tenkonhnonweratónhseke niaʼtewenhniseráke.

Acts 7:48

“Nók kíʼ ne kwáh rosastenserowánen Rawení꞉io iáh nen né꞉e tsi kanonsóton non tehnteron neh oʼónkwe akosnónsa akanonshonʼniáton; tsi nihónen ne rothithokenséhaʼkwe,

Psalms 51:14

Seniákent ne tsi kónnhe, Ó Sewenní꞉io tánon takenónstat, tánon kwáh enkheró꞉ri nonkweshón꞉ha tsi nisaiá꞉neren.

Psalms 145:7

Kwáh enhonnenhtanóronste tsi nikasenhnowánen ne sáwenk iawethatsáni kaianeréh꞉tsera, tánon enhiorahkareníhake thenhatiríhwakwe ne sahrihwakwahrishiónhtsheras.

Psalms 92:1

Ioiánereh séh ne tahonwaʼnonweráton ne Roiá꞉ner, ne ne tahonwaʼrihwákwahse ne kwáh éhʼneken tót꞉te;

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Judges 9:24

Né kíʼ aoríhwa thóh nahá꞉wenhne né káti ne Abimelech tánon nonhkweshón꞉as ne Shechem, tsi roʼnónha wahonwáreke nasakósehte ne Gideon tsáta-niwáhsenh niháti sakohiohokónhas, roʼnónha enshatikáriake ne sewateriwatewá꞉thon.

Judges 9:57

Tánon kíʼ ó꞉ni ne Rawenni꞉io washakahónhnien ne ronhnónhkwes ne Shechem nahatironhiáken tsi nòkwah ne rahotirihwaneraháktsheras, kwáh kíʼ tsi ní꞉ioht ne Jotham, né꞉ne Gideon roiénha, tsi nihó꞉nen nó꞉nenh enhonwatiréwaʼthe.

2 Samuel 3:29

Aiá꞉wenhs ne kaní꞉tsera aká꞉rahne ne ranontsí꞉ne ne Joab, ó꞉ni ratikwé꞉kon ne roní꞉ha raowáhtsire; tánon aiá꞉wenhs ne raowáhtsireh ne Joab iahiokontáhkwen ne ahotironhiá꞉kenke ne iokhas kanhratariné꞉tsera, iakotstawis, khéhs nón꞉kak ne ahoienawákon ne iehseriʼieʼtonniátha, khéhs thóh iahaiatiénenhne tsi waterí꞉io, khéhs ahothikwanorónsten!”

1 Kings 2:32

Ne Roiá꞉ner kwáh enhoréwaʼthe ne Joab nètho sewaterihwaʼthewáthons, tsi ehʼnihoiéren né tsi kwáh iáh othènen tehoteriénhtaraʼkwe ne rakeʼníha. Ne Joab tenihiáse tenón꞉kwe sakononhwarhiákon né꞉ne Abner, né rasenhnowanénhne ne Israerʼró꞉nons ahonkwetaʼsónha ne sóh꞉tar, tánon ne Amasa, né nènhne ne Judah ahonkwetakénʼen ne rasenhnowanènhne tsi nòkwah ne ratisóh꞉tar. Kwáh iáh othènen tehotiníkon tánon sénha roʼnónha tionhkwetaʼiérisʼkwe tsi ní꞉ioht ne rahónha:

Esther 9:25

Sók ne Esther eʼthó niahá꞉ʼen tsi thén꞉teron ronontí꞉io, tánon ne ronontí꞉io iahaténniehte tsi nahò꞉ten rohià꞉ton waharí꞉wenhte tsi ní꞉ioht tsi enrènheie ne Haman, tsi ní꞉ioht tsi rorihwíson ne Sitaeró꞉non tsi enhshakóhtonʼte. Haman tánon shakoioʼokón꞉ʼa wahonwatihnià꞉terenke tsi nón꞉we shakotihniaʼterenkstáhkhwa.

Psalms 140:10

Satónhtat ne ioswenhtathékha ahotírahne! Satónhtat tsatahonarahtenhniónkwen osónhkwakon iehonwatihiatónhti, iáh shé꞉kon tathahontahontkétsko!