Psalms 69:6 - Ohiatonhseratokénti

⁶ Tó꞉sa satthóntat tsi nihiákon ne í꞉seke nón꞉we nitsiakawethákwen nahionthatéhate ne í꞉ih akerihónhni, Ó Saiá꞉ner í꞉se ne Sashaststenhserowánen; tó꞉sa satthóntat nahiontatʼtsenhnátsate tsi nihiákon ne í꞉seke nón꞉we nihionterénhnaiens ní꞉i akerihónhni, O í꞉se Sehní꞉io Israeronónke.

Psalms 69:6 Referans Kwoze

Psalms 25:3

Tsi niʼiákon ne tsesehthákwen kwáh kíʼ iáh thahionthatesénhni; né khók tsi niʼiákon ne ratihiataʼstó꞉re naiesarihwá꞉kwaʼse.

Psalms 7:7

Sehríhon ne tsi kanakeraseraʼkérons nahonhnitiokwahró꞉rohke né tsatátha, tánon shasástien ne sanitskwárahne éhʼneken tsi nón꞉we nihónhnes.

Isaiah 49:23

Rontinontí꞉ios kwáh né thensakotísnieʼne ne kanísera enhónton, tánon né iotinonhtí꞉ios né thenkóntsniene né kanisténhsera enkónton. Onhwenhtsáke nienhontserá꞉te tsi thenhontʼtsakéte ne sewahénton, tánon eniesasitakànonte tsi enhonkenrarónhko ne sasitàke. Ethó꞉ne ensateriéntarane tsi I꞉i ne Watiá꞉ner í꞉ken; tsi niʼiákon ne ionkerá꞉re kwáh kí iah tahonwanatéhate.

Psalms 72:18

Tehonwaʼnonhweráton ne Roiá꞉ner, ne Sakoní꞉io í꞉ken NIsraeronónke! Rahonhatsíwa kíʼ tsi nihaieránions ne iorihwaʼnerakwahthénions.

Psalms 35:26

Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

2 Samuel 23:3

Ne raNí꞉io NIsraerʼronónke rotatíhon, Naosténra ne Israerʼronónke onkenhá꞉se: Ne ne tsi niká꞉ien sakokkoráston nonkweʼókons nahontakariwaiérike, tsi rokkoráston ne tsi rokweniénstha ne Ní꞉io,

Acts 13:23

Rahónha ne Ié꞉sos, thoʼnónwe nithotʼwatsirínon tsi tahawatsiratátie ne Táwit, tsi nikáien ne Rawenni꞉io rohiatarákwen nasakoniákente Nisraeronons, kwáh tsi nihorarátston.

Acts 13:17

Ne Sakoní꞉io nonkwesónha nIsraeʼronons ronwahiatarákwen nonkwasótʼtseras ó꞉ni wasakahónnien nonkwesónha nahonatiokowána tsi nikaríwes thóh iehatinákerekwe ne Egypt. Rawenni꞉io thontasakohiatínekenwe ne Egypt neh tsi nihosastenserowánen,

Acts 4:7

Wahonwenʼnónnien ne ratikweʼkónʼne rahothihénton watnítaʼne tánon wahonwatiriwanóntonʼse, “Onh ní꞉ioht kíʼ tsi éntho nisení꞉iere? Onh nakasastenseróten seníʼien, thòka ó꞉ni ónhka rahosénna tsiáststha?”