Psalms 53:1 - Ohiatonhseratokénti

¹ Né tiakotónhnokte rontatró꞉ris, “Iáh teʼkáien ne Rawenni꞉io.” Kwáh ratikwékon tsi ronhnonkwetahétkens, karihwák꞉sens tsi nihotiʼieránions; iáh né saiáta nahioianeréhake né thènen ahohióten ne tkarihwaiéri.

Psalms 53:1 Referans Kwoze

Psalms 10:4

Né ronkwetahétken tsi nihotatkowaná꞉thon tsi nihanontónhnions né Rawenni꞉io iáh othènon thahakerihwatsiénriase iáh othènon tehatsterístha.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Luke 12:20

Nok ne Niio raton nehne: sentent iah tesanikonrat! Onȣa kenh ȣasontate entsiesariȣanontonse ne Satonnhests; onka enȣastste tsinikon saroron?

Job Tánon ne Raoronhiakensera 15:16

thóh ónte ní꞉ioht tsi sénha káronh nahontasakawétakwe tsi niká꞉ien ne iakotehenserá꞉re tánon ionkweʼtahétken; tsi niká꞉ien né꞉ne iakohióthens karihahetkénhsera ranekí꞉ra ne karihwaneraháktshera tsi ní꞉ioht nohnékanos!

1 Kings 14:24

Sén꞉ha kíʼ iesewahétʼken, né꞉ne ronhnón꞉kwe ó꞉ni konhnón꞉kwes né ronaterihwaʼthenhtsáton ne ierihwahiathátons tsi nón꞉we nihionhterenhnaienthákwas. Nonhkweshón꞉as ne Judah nónhwe akwékon né thóh nihatiʼiéraʼkwe ne ioterihwathehasónhas né nonhkwesón꞉has tsi nikáien ne Roiá꞉ner theshakohiatinekénʼen ne tsi ionhwénhtsaien né nohénton Nisraerʼró꞉nons sahón꞉newe tsi kanakeraseráien.

1 Tiér 4:3

Iatekaiéri tsi nikaríwes tsi nitsawénon thóh nishérakwe tsi nithatinónwes ehʼnahatí꞉iere ne iáh tehotiriwiʼióston. Tsi tiónnhe thóh nónwe niʼioiesahonhátieskwe ne iáh teiotkwéniens, kentétsera, ratinekakástha, ononwarorítha, ahienenrónni naienekí꞉ra, tánon tsi naʼtehiothenonwarorítonte nakonwasénnaien ne kaiatónni.

Ephesians 5:12

Kwáh íken tsi sóhtsi iotehatʼkówa nehne aiethárakwe tsi nihontiéra nónen iáh ónka tatehonwathikánere.)

Matthew 5:22

Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.

Psalms 10:13

Nontiéren ne ronhkwetahétken tsi rohiatanikónhrens ne Rawenni꞉io, tánon ráton ne rawerhiáne, “Iáh seh tasekréhwate”?

Psalms 10:11

Í꞉rehre, “Né Rawenni꞉io iáh othènon tehatsterístha, rotkonsahséhton, iáh nonwénhton thatehakánere.”

Psalms 10:6

Í꞉rehre, “Iáh seh nonwénhton tahoriwaʼnó꞉ron; kwáh tiókonte tsi nihanekwensatátse iáh sèh nonwénhton tsiatahonhnikónrare.”

Job Tánon ne Raoronhiakensera 14:4

Ónhka aiekwé꞉ni ne shé꞉kon ne ahonsahiakonniá꞉te nahonsahiotkwenienstón꞉hake nahó꞉ten ne iáh tehiotkwénienskwe? Iáh ónhka thaiekwé꞉ni.

1 Kings 12:26

Rahonháke khók tsi wahénron, “Tsi nónhwa nihiothonhá꞉tie, tó꞉ka nakonhkwetaʼshón꞉ʼas Jerusalem nienhónhne tánon enhonwátatʼtse nahonwateskónhtʼthaʼse ne Roiá꞉ner thóh Nononhsatokentiʼkówaʼne, thóh nòkwah nien shón꞉ne rahonháke ne Ronhnonhtí꞉io Rehoboam ne Judah tánon enhionkenonwariákon.”

Deuteronomy 12:31

Tó꞉sa thóh ní꞉ioh thónhak tsi atsisewasénhnaien ne Roiá꞉ner sewaNí꞉io tsi nihatiʼié꞉ra tsi konhwasén꞉naiens ne rahotiní꞉ios, asè꞉ken tsi ratisénhnaiens ne rahotiní꞉ios akwé꞉kon é꞉tho nihatiʼié꞉ra ne ioteriwatehaʼsónhas né꞉ne tsi nahoʼténhsons rariwáhsons ne Roiá꞉ner. Iekaní꞉hare shakonatiaʼtatsahátha ne shakotihioʼokón꞉as tsi iotè꞉kha ne tsi ratitsenharáhkwas.

Romans 1:21

Ronwaientéri ne Rawenni꞉io, nók iáh kíʼ theʼtonwáwis ne kakweniesthá꞉tshera tsi natehiothonwentióʼon, tóhkas ó꞉ni tahonwanonweráton. Sénha wahathitaráhetʼte tsi nihonanonthonniontserótens tánon ononwaroríhta iahónton tánon tsi iáh thènen tèwah ne rathinontsínes neh káti kananónkton ne kariwáksens.

Ezekiel 16:51

“Ne Samaria iáh nènhʼne étho nióre tsi ahioriwáhnerenh tsi kíʼ ní꞉se ní꞉ioht. Sénha í꞉se wéso tsi nishatieriánion ne ioteriwahtéhas tsi ní꞉ioht ne ahónʼa. Ne shariwahetkénsehra ne iakahónhnis ne sehtsihokónhas ne iáh tahiothiníkonh tsi taietʼtsíron.

Ezekiel 16:47

Wesehrhientihióken tsi wahsehweienhnásehre ó꞉ni thonthasatnahnétha ne ioteriwahtehasónhas tsi nikeniweienhiótens? Iáh, ók kénk nikariwéhsonhʼne sénha í꞉se iateshatianhóten tsi niwahétken tsi nahshatieráhnion tsi ní꞉ioht ne onónha.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Psalms 88:1

Ó Saiá꞉ner, í꞉se Sewenní꞉io natiatakená꞉tsera, Nó꞉nen, ienhiókaraʼwe, Iathenkaséntʼtho shonháke,