Psalms 52:2 - Ohiatonhseratokénti

² né satenikonronnihátse ne kakaronniátshera. Né senhnasáke kwáh né꞉ne kwáh iosarotíie iontkonsthonriát꞉tha í꞉ken, Tiotkonhónwe sahtsokentonhnihátses.

Psalms 52:2 Referans Kwoze

Proverbs 18:21

Tsi nahò꞉ten enhsì꞉ron enkakwé꞉ni nakanónhstate natónhnhets, tókaʼ ó꞉ni akarihwáhtonʼte; ó꞉nenk ká꞉ti tsi enhshié꞉na tsi neniá꞉wenʼne nahò꞉ten entehsewennínekenʼne.

Psalms 57:4

Kwáh tehionkehonwaʼrónhni ne iónkshons, ne ronhnónha thóh nihatihiatóten tsi ní꞉ioht ne ónhkwe sakotiwáʼraks kénreks. Ne tsi ratinotsiótons kwáh né꞉ne osìkwe tánon kaiénkwires, né ronhnasákes kwáh né꞉ne iosarotí꞉ie.

Proverbs 12:18

Iáh tewanonhtonnionhtsherí꞉io nowennaʼshón꞉ʼa tho ni tsi ensakaré꞉wahte tsi ní꞉ioht ne aʼshareʼkó꞉wa, sók ne tkawennaié꞉ris enwá꞉ton ensátsenʼte.

Psalms 59:7

Satkátho tsatehotihenrétha, rotiwenhnotí꞉ies tsi ní꞉ioht nasarekó꞉wa asèken “Ónhka ónhte” tsi ronhnontón꞉nions “Kwáh enhionkhiʼiathónteʼne?”

2 Corinthians 11:13

Thí꞉ken ronnón꞉kwe iáh tokénske té꞉ken tsi ronterihwahnó꞉tha, iáh ronnónha tehshakoiaʼtarákwen ne Rawenni꞉io. Iáh thiehatiiaʼtaié꞉ri ne ahonterihwahnó꞉thake tsi nihonnowén꞉tha ne raotiiohténhsere, tánon tsi nihontiéhrha onʼnaiá꞉wenʼne tho nihatiiaʼtò꞉ten tsi shí꞉ken ní꞉ioht ne kwáh Rawenni꞉io aontahshakotenniéhton ne ahonwaterihwahnóthahse ne Kerístos.

2 Corinthians 4:2

Iáh theʼtewatsterístha ne ioterihwatehaʼshón꞉as nothé꞉nen aitewariʼwáhsehte. Iáh ó꞉ni tetewateʼnién꞉tha nónhka aiethinonhwaroriʼtón꞉ni tóka ó꞉ni aontetewatoktáhkwe ne Rawenni꞉io raowennaʼshón꞉ʼa. Rawenni꞉io tetehshonkwaká꞉nere, ne khók ne orihwí꞉io tsi nahò꞉ten entewèn꞉ron, sók ne ronatiaʼkéhshon enhonaterihwahní꞉ratshe naontaionkhiiéhtahkwe.

Acts 24:5

Wahʼsakwahiatatʼtsénri kí꞉ken rónkwe kwáh íken tsi iót꞉teron tsi ní꞉ioht tsi rotakónta; kwáh owentsiakwékon tsi sakotsironniénnis ne Sitaeró꞉nons tánon raónha sakohéntense ne Nazarenes kentiókwa.

Acts 24:1

Wísk nónta onakènke ne ratsihenstowánen Ananias Caesarea niaháre rónʼnene ne rotikstenokónhas ó꞉ni ne tehariwakénas Tertullus ronwáiats. Rahohénton ne Rakora Felix watathítane tánon wahonwariwárho ne Kór.

Matthew 26:59

Kenh kaien ne Ratitsihenstakȣeniios oni ne Rotikstenokonha oni kanenrakȣekon tihonterientisaskȣe kanikonrhatonke tsi ahonȣario ne Iesos.

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Proverbs 30:14

Ótiaʼke nón꞉kwe shakotinonhwaroriʼtón꞉nis ne iakó꞉ten, ó꞉ni ne teiakotkárien; tho kiʼ ní꞉ioht tsi ronnonhnhétie.

Psalms 120:2

Tatiatanónstat, O Saiá꞉ner, tsi nòkwah ne roʼtinówenhs tánon ne rahtinikonhrátha.

Psalms 109:2

Asèken ne ronhnonkwetaʼhétkens tánon ne rotinó꞉wenhs tahionkatsatónhti, ronhnowenhtánions tsi nòkwah ní꞉i.

Psalms 50:19

“Tiotkonhónwe satateweienhnenhtáhon ne karihwahetkénsera asthárakwe, ne senhnasáke ne iotsteniáron thikarihónhnis nonówen.

Revelation 12:10

Eʼthò꞉ne onkathón꞉teʼne iowénhte thóh karonhiá꞉ke, watón꞉nions, “Ó꞉nen ón꞉we natesenhnié꞉tshera tánon ne kaʼshatsténhsera tánon ne raonhnontiiótshera nonkwáh Ní꞉io tánon ne raokweniátshera ne roiatarákwen Kerístos, asè꞉ken ne sakoriwá꞉ros nonkwatatekénhas ó꞉ni nonkwatenhoséntsheras tsi thonwaiathénton, raónha sakoriwá꞉roskwe tsi niwenhní꞉seres ó꞉ni tsi niwasón꞉tes raohén꞉ton ne Ní꞉io.

1 Samuel 22:9

Doeg ne ne Edomró꞉non, raónha tesakoniarotahrónhne ne Saul raonhatserashón꞉ahs, tsi watharihwaseráko, “Rí꞉ken ne roʼiénha Jesse tsi nontahawenonhátiene ne Nob nón꞉we, thóh niahawenonhátie tsi thénhteron ne Ahimelech ne ne roní꞉ha ne Ahitub;