Psalms 48:2 - Ohiatonhseratokénti

² tiotenón꞉tate tánon ióskats, né naʼkokʼtsenhnonniátsheras nonhontsakwékon, tsi ionón꞉te ne Zion othorèke nokwáhti íken, né raonáta ne ronontiʼiokówa.

Psalms 48:2 Referans Kwoze

Psalms 50:2

Zion nón꞉we nitewétha, né꞉ne iekaiataiéri ioràse, Né Rawenni꞉io thóh natehoswát꞉te tsi ní꞉ioht ne karákwah.

Matthew 5:35

Iah oni nonȣentsia; aseken ne konrasitokeȣata ne rahosita; Tosa oni Jerusalem; aseken Onontiiokoȣa raotenata.

Lamentations 2:15

Nonkwesónha ne kanátakon rontohétstas thiiesakenrónni tsi iesatkáthos. Thehonahnonkarénron tánon ratisterístha tsi nihioriwentáʼons ne Jerusalem; “Ne nah kí꞉ken ne ionatanerákwat? Ne nah kén kíʼ ne tsi nihionhóntsa ne hionatanerákwak?”

Hebrews 12:22

Khé꞉khok, Tsi ionontáhere ne Zion nontáh꞉se tánon ne rahonátakon ne ronhnheʼónwe Ní꞉io, ne karonhiakékha Jerusalem, skát꞉ke ne tewenniawehetsheráksens niháti ratironhiakerónons.

Isaiah 14:13

Í꞉sen wáhi ne serhiá꞉ne, “Ní꞉i Karonhiáke nienhenke; kwáh entkaráthate nakanitskwáhra èhʼneken enwatohétsthaʼkwe ne raotsistokwahshón꞉ʼahs ne Ní꞉io; kwáh èhʼtho enkátsien tsi ionónte ne tsi iontkenhnisahá꞉tha thóh ononhtakénhiaʼte ne Zaphon; ne tsi iakokʼkenhníson ne kwáh othorèke ít꞉ken

Daniel 11:16

Ne Syrian ronnontí꞉io ne ranenhréntha eʼtho nenshakoié꞉raʼse kwáh tsi nenthanón꞉weʼne, kwáh iáh ónhka thahonwaióʼtatshe. Eʼtho nón꞉we nenhatená꞉taien tsi nón꞉we ne kwáh tiohontsáhskats tsi ne ronwanarharatstén꞉ni, tánon kwáh iaʼtehaiá꞉ti ó꞉ni tsi enhaiaʼtakwení꞉ioke raoʼshatstenhserà꞉kon nón꞉we neniotaténronke.

Ezekiel 20:6

Ethòne káti wakhehiarahrátsten tsi entekhehiatínekenhwe ne Egypt tánon ienkhehiasárihne tsi tsiohontsáien ne kherahkwénhni, iohontsaréhsen ó꞉ni ionhontsí꞉io, né꞉ne kwáh tsiohontsí꞉io.

Malachi 1:14

Ók ronorónhsten ne raʼnikonhrhá꞉tha ne rá꞉tsiʼn ronáhskwaien tánon enhahrhá꞉ratsteʼ nahatenáhskon, tánon eʼthó sá꞉ne ne enhotʼskónthahse ne Roiá꞉ner nahó꞉ten ne iáh tshiekaiaʼtaié꞉ri; Aseʼkénh Í꞉i ne Kenontiiohtsherowá꞉nen í꞉ken, Rá꞉ton ne Sakoiá꞉ner ne ratironhiaʼkehró꞉nonʼs, tánon nakhsèn꞉na kwáh tsi niaʼteionkwé꞉tákeʼs tsi ratikweniènhstha.

Daniel 8:9

Énska kí꞉ken ne kaié꞉ri nikanaʼkará꞉ke, ó꞉ia kenʼniwá꞉ʼa tonsahonaʼkarón꞉taʼne, né raoʼshatsténhsera iakaníharaʼne ne entiè꞉ne, tánon né tsi tkarahkwínekenʼs, ó꞉ni tsi nón꞉we nikarharátston nonhwéntsa.

Isaiah 66:10

Sewatonnháren skát꞉ne ne Jerusalem, tánon sewatʼtsenhnónhnias nahónha, sewakwé꞉kon né sewanorónhkwah; sewatonnháren skát꞉ne nahónha atsenhnonhniatsherákon, sewakwé꞉kon né sewatʼtiónhnion nahonháke—

Malachi 3:12

Eʼthó꞉ne kiʼ ne iakaontsaʼkehró꞉nonʼs eniesanaʼtónhkhwake satáhskats, aseʼkénh ní꞉se ne sonhontsà꞉ke kwáh enwatenatí꞉ioke neʼthó nón꞉we naienákereke, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Psalms 76:2

Tsi ionón꞉te ne Zion ne Jerusalem nón꞉we nihénteron.

Psalms 87:3

Satahónsatat, í꞉se ne raonatowaʼnénhke ne Rawenni꞉io, Ne Rawenni꞉io ioiáneres tsi nahoténhsons ratón꞉nions ne sarihwáʼke Jerusalem. Selah

Psalms 99:9

Tsi sewaʼsenhnó꞉wanat ne Roiá꞉ner onhkwaNí꞉io, tánon thóh nón꞉we iatsisewaʼsénhnaien ne raonontatokentíʼke; asèken ne Roiá꞉ner onhkwaNí꞉io roiatatokénti í꞉ken.

Psalms 135:21

Tahonwanonweráton ne Roiá꞉ner ne Zion nón꞉we nahontáwe, né꞉ne tsi nikáien ne Jerusalem nón꞉we nihénteron. Tehonwanonweráton ne Roiá꞉ner!

Isaiah 2:2

Tsi niwenhniseraténions tsi nienkáheʼwe ne tsi rotenonhtáhere ne Roiá꞉ner tsi nón꞉we nikanónshote ne raoʼnonsatokentiʼkówa ne ahonhá꞉ʼa entsotenontáteske tsi níkon ionontarónhnions. Akahontsakwékon thóh nón꞉we iatonhonskénhni nienhonhnéthaʼke.

Isaiah 60:14

Né sakotiʼiohokónhas ne tsi nihá꞉ti ne iesaronhiakénthaʼkwe kwáh kí entón꞉ne thenhonahtsaktonhátie né sahénton, tánon ratiʼkwékon ne iesakenronníhaʼkwe kwáh kí thenhontsaʼkéte ne tsi iatesashí꞉taien; né eniesaná꞉tonhkwe né꞉ne raoʼnatowahnénhke ne Roiá꞉ner, né꞉ne Zion né khók nénskak Iotokénti í꞉ken NʼIsraerʼronónke.

Daniel 11:45

Ne ronnontí꞉io enhaʼtohserotónnion ne kwáh waʼtohserowá꞉nens tsi nón꞉we nenhatatì꞉teron, ne tsi naʼtetiá꞉tere ne kaniataraʼkehkó꞉wa tánon tsi ionónte tsi nón꞉we nikanónhsote ne ionterennaientáhkhwa. Nok enhrénheie, iáh ónhka eʼtho thaiénsheke ne ahonwahiaʼtakénnha.”