Psalms 47:8 - Ohiatonhseratokénti

⁸ Rawenni꞉io seh sakonontí꞉io nonkweshón꞉ha; ne Rawenni꞉io thenskwáhere ne raonitskwaratsheratokentíke.

Psalms 47:8 Referans Kwoze

1 Chronicles 16:31

Iotsenhnonníhak ne tsi ionwenhntsáte ó꞉ni ne tsi karonhiáte! Ietʼtsiró꞉ri nonkweʼshón꞉as nètho Roiá꞉ner tsi ronnontí꞉io í꞉ken.

Revelation 19:6

Eʼthò꞉ne tsi nonkathón꞉teʼne kwáh né꞉ne iakotsarokwá꞉ton iakotiohkowá꞉nen, kwáh thóh niiót tsi iorá꞉kare kwáh né꞉ne wé꞉so tewasénhtha tánon tsi niiorahkaré꞉ni tsi nateʼiotenonhianíhton iowerenhá꞉ties, tsiateotihenrétha, “Teonwanonwerá꞉ton Ní꞉io! Asè꞉ken ne Roiá꞉ner onkwáh Ní꞉io í꞉ken ne Roshatstenhserohwanenhkó꞉wa ronhnontí꞉io.

Hebrews 4:16

Áhnion kíʼ ionkwahnikonrahnirónhak, káti, tánon ákta ítewet ne Rawenni꞉io raoniskwáhrahne, thóh nónwe tkáien ne kenténrat. Thóh nónwe entewahiénna ne ataniténron ó꞉ni entewahtiénri ne kenténrat naionkwahiénawahse nónen thenionkwahtonontióseh.

Psalms 93:1

Né Roiá꞉ner rahónha seh ne ronhnontí꞉io í꞉ken, ne rotʼtseronhniáton ne kanonhtiʼiótshera aotserónhniat; ne Roiá꞉ner rotʼtserónhni, ne rotiatanát꞉ton ne kashaststénhsera. Iorihwaʼníronh tsi nisakwahthákwenh ne tsi ionhontsáte; kwáh kíʼ iáh nonwénhton tahó꞉then takakwéni nahioriáneron;

Psalms 89:14

Karihwaʼkwarihshión꞉tsera tánon kaiáneren nón꞉we nikenskwáheʼre ne sanitskwáhra; né iorihwaʼtóken kanoronkwáhtshera tánon ne karihwaʼtokentítshera sahén꞉ton í꞉ken né iesarihwaʼkareniénhni.

Psalms 9:4

Asèken í꞉se wahsaterihwathéntsate naʼkerihwakwahrihshióntsera tánon nakerihwáke tsi nikerihwanóntons; sanitskwáhrane nitewètha ne tkarihwaiéri karihwenhthátsera.

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.

Psalms 110:6

Kwáh ne enhaterihwaʼthéntsate tsi ensakoríhwenhte nonkweshón꞉has, né thensakoreniáthen ne ronenhéions raotiʼieronhtashónhas; kwáh thenhanontsistotárosʼte né entʼtharohrók꞉te onhontsakwékon.

Psalms 99:1

Roiá꞉ner séh ne ronnonhtí꞉io í꞉ken, ánion iakoiatí꞉sont nonkweʼshón꞉has! Raonitskwárare rénhskote thóh éhʼneken tsi niʼnikonhrare iotokentis; ánion tehiahontsíʼshont!

Psalms 97:1

Né Roiá꞉ner séh Ronnonhtʼi꞉io í꞉ken! Ánion ne tsi ionhontsáte waʼtonhnáren; iekaníhare nonkwershón꞉has ne ahí꞉non nió꞉re tkawenó꞉tons tsenakerénions iontsenhnónhni!

Psalms 96:10

Ietsiró꞉ri nonkweshón꞉has, “Ne Roiá꞉ner tsi ronhnontí꞉io séh! Né tsi ionhontsáte kwáh í꞉ken tsi ioriwaʼníron tsi ní꞉ioht tsi kakwahtákwen; kwáh iáh nonhwénhton tsahontoriáneron. Kwáh sathenhiotónhake tsi tenhsakoiatóreʼte nonkweshón꞉ha.”

Psalms 94:20

Ahatikwéni kén ne ionkwetakʼtsenokónhas naiesaterosehrónhnien, ronónha ronhnónhnis ne iáh tetkarihwaiéri ne kaianerénhsera ahónhton?

Psalms 48:1

Rahiatanoronkówa ná꞉ha ne Roiá꞉ner tánon tehiotonhontsóhon ne aʼiawetowanénke tsi ni꞉ioht tsi tahonwaʼnonweráton thóh raonátakon nonkwaNí꞉io. Né raonontatokentíke,

Psalms 99:2

Né Roiá꞉ner kwáh í꞉ken tsi roshaststenserowáʼnen ne Zion nón꞉we; ratikwékon nieʼsakosenhnakénhnion nonkweshónha.

Zechariah 14:9

Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.

Malachi 1:14

Ók ronorónhsten ne raʼnikonhrhá꞉tha ne rá꞉tsiʼn ronáhskwaien tánon enhahrhá꞉ratsteʼ nahatenáhskon, tánon eʼthó sá꞉ne ne enhotʼskónthahse ne Roiá꞉ner nahó꞉ten ne iáh tshiekaiaʼtaié꞉ri; Aseʼkénh Í꞉i ne Kenontiiohtsherowá꞉nen í꞉ken, Rá꞉ton ne Sakoiá꞉ner ne ratironhiaʼkehró꞉nonʼs, tánon nakhsèn꞉na kwáh tsi niaʼteionkwé꞉tákeʼs tsi ratikweniènhstha.