Psalms 47:5 - Ohiatonhseratokénti

⁵ Né Rawenni꞉io ionsahattharáthate raonitskwárane ionhsahá꞉tien. Tehiakohenrétha tsi nihiakoktsienhnónhni, tánon ne ronhterenhnót꞉tha rotihonrawáʼton tsi nonhsahattharáthate ne Roiá꞉ner.

Psalms 47:5 Referans Kwoze

Psalms 68:33

rahónha né꞉ne roʼthonwiserétha ne tsi iotsikerarónhnions, né꞉ne otsikerakáion. Tsi sewaʼtahónsatat tsi nihówenhte tehohenrétha.

1 Thessalonians 4:16

Kwáh enwahtewenʼnótahke, ne raronhiakerononkówah raowénna, enkontáti ne Rawenni꞉io rahówenk iehonrahwátstha, tánon ne Roiá꞉ner kwáh iatehahiáti entʼtátsnente ne karonhiáke. Tsi nihiákon ne iakawenhéion ne thonwetákwenʼne ne Kerístos neh tentiehénte tentiontʼkétsko nahonsahiontónnhete;

Psalms 150:3

Tehonwanonweráton ne áionste ne iehonrawátsta; tehonwanonweráton ne áionste ne nikanó꞉waʼha ne karenhshotáron tánon nonhowakówa karenhshotáron!

Psalms 78:65

Eʼthóhʼne ne Roiá꞉ner waʼthátane tsi ní꞉ioht nonhwát꞉khok saháie; tsi ní꞉ioht ne rón꞉kwe sotʼnekokewenhenhátse.

2 Samuel 6:15

Káti ne Táwit tánon ratikwé꞉kon NʼIsraeró꞉nons tahatíhawe ne raoneró꞉kwah ne raoteriwaseronniátshera ne Roiá꞉ner tsi nateotihenré꞉tha, tánon tsi nikawénhnhote ne ieonrawátstha.

Joshua 6:5

Ethòne énska kwáh éhthoh tsi nihions tsi enwá꞉tewenhnhoten ne kahonrawatskowa. Kwáh tsi niiostó꞉re ensatʼthontene, kwáh onhkwetaʼkwékon ónenk tsi tenhíakohenrethe, tánon ne watenhenró꞉the ne tekanathanakton tsi tenhwarehni. Ethòne ki kwáh kanenhrakwekon ne ronhterí꞉ios ienhontʼthakwarishiate ienhatiná꞉tarane ne kanató꞉wanenhne.”

Numbers 23:21

Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

Psalms 98:6

Né꞉ne iehonrawátstha tánon ne teiotinakaronhtónha onákare í꞉sewatst tsi sewaʼterenhnóten tánon tesewaʼhénret natsenhnonhniátsheras raohénton ne Ronnonhtí꞉io, né꞉ne Roiá꞉ner.

Psalms 81:3

Sewaʼhonráwat nó꞉nen enskarakwáraʼne, nó꞉nen ieiorakwaieríhon, né tsi nitewaʼtenikonhró꞉ris.

1 Chronicles 16:42

Né Heman tánon ne Jeduthun ronónha nón꞉ne ronaterihónthaʼkwe ne iehonrahwátsthakwa ó꞉ni ne tehiotwasakwenónhnis tánon noiáson ionterenhnotákwas né꞉ne ronhterenhnothákwa ne karenhnasónhas ne tehiontenonweraʼtónhkwa tsi tenhatiríhwaʼkwe. Ne Jeduthun rahotaráhkon nón꞉we nihatiʼiátare né꞉ne ronateríhonte nahontenhnikonhráhren tsi iotenhenrahkarónhtons.

1 Chronicles 15:28

Ká꞉ti ratikwé꞉kon Nisraeʼró꞉nons wakonwaʼtsatóntʼthaʼse tsi niahatíhaʼwe Naterihwaseronniátshera Oneró꞉kwah ne tsi niahónhne ne Jerusalem tehotihenréthaʼne tsi nihonatʼtsenhnínon, kawenhnotáʼtse ne kahonrahwatsʼkówa ó꞉ni ne iehonrahwáts꞉tha, tánon ne tehiotwashakweʼnónhnis, tánon tsi niʼkarenhnotátse nonowaʼkówa.

Ezekiel 20:6

Ethòne káti wakhehiarahrátsten tsi entekhehiatínekenhwe ne Egypt tánon ienkhehiasárihne tsi tsiohontsáien ne kherahkwénhni, iohontsaréhsen ó꞉ni ionhontsí꞉io, né꞉ne kwáh tsiohontsí꞉io.

Amos 8:7

Ne Roiá꞉ner, né꞉ne raónha nʼIsraerʼró꞉nons raotikwenienstátsera í꞉ken: Orihwiiohón꞉we kwáh iáh nonhwénton tsiahonsonkeʼnikónren tsi nihatiweienhnó꞉tens.

Malachi 2:3

Kwáh enkheiaʼtó꞉rarake ne tsi wahswatsiratátie, tánon enkiʼtáhrho ne sewakonhsà꞉keʼs, ne óʼta ne tisewaiéhstha, kwáh kiʼ é꞉ren enkwaiaʼtenhá꞉wihte nakhén꞉ton.