Psalms 45:7 - Ohiatonhseratokénti

⁷ sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.

Psalms 45:7 Referans Kwoze

Hebrews 1:9

Sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.”

Psalms 21:6

Né saiathateríhtsera nikwékon tsi nénhwe enkénhake; tánon ne tsi senikwé꞉kon ne aoríhwa rotsenhnónhni.

Psalms 33:5

Né ranón꞉wes ne karihwakwarihshión꞉tshera tánon ne kaiáneren; akwékon ne tsi iohontsáte kaiénas ne iorihwatóken Roiá꞉ner raonoronhkwáhtshera.

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Acts 2:28

Takenathón꞉ni tsi nieiotʼthahínon ne iakahón꞉nhes, Neh tsi tenikwékon, kwa tiataʼnánon natʼtsennónʼniátshera.’

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

Psalms 101:8

Kwáh niaʼtehioronhkhetseráke tsi enkhehiátonhte ratikwékon ne rotirihwáʼneren ne tsi ionhwenhtsáte, kwáh ratikwékon éhʼren enkhehiathenháwiʼte ne karihwaʼhetʼkénsera rotihióthens ne raonátakon ne Roiá꞉ner.

John 1:16

Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.

Psalms 99:4

Roshaststenhserowaʼnenhkówa Ronnontí꞉iokowa, ranorónhkwa nahó꞉ten ne tkarihwaʼiéri í꞉ken, í꞉se thisá꞉ha ne karihwakwaʼrihshióntshera í꞉ken; thóh nisaiéren tsi nahóten ne tkarihwaʼiéri í꞉ken wáʼshenh ne karihwakwarihshiónhtshera Nisraeró꞉nonke nón꞉we

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

Psalms 89:26

Né Táwit kwáh enhorihwaʼníratʼtse ne Rawenni꞉io tsi, ‘Rahónha séh ne raʼkeníha í꞉ken, tánon akení꞉io í꞉ken, tánon í꞉se ne téskenes tánon takenónstats!’

Psalms 89:20

Nakenhá꞉tshera Táwit waʼhinontí꞉iosʼte; né waʼhihiatókaʼwe ne iaweienatokénti;

Psalms 11:7

Asèken ne Roiá꞉ner roiánere nenhné꞉e; né tesakorihwaserakwénhnis ne kaiáneren kahioténhseras; tsi tionkwetaiéri enhierihwaiénterane tsi niotenorónston.

Luke 3:22

Nok Rotkon Roiatatokenti tahastsnente, ȣahotienhase, orite kenraken rotiatontakȣenhatie; etho oni takaȣenninekenne ȣakenron: I꞉se konhienha konnoronkȣa-koȣa; ise oni issaȣe ne katonȣeskȣata.

Matthew 3:15

Nok tanon ne Iesos tontahenron: etho niare thiiotonhak: Aseken etho niionkhiriȣisahani naeteniriȣaierite. Ethone onen ok tarennikonriake.

Psalms 2:2

Né rotinontí꞉ios nonwenhtsáke wahonthateweienénhtane nateriʼiósehra, tánon skát꞉ne wahontkenhnísa ne ratikoráshons, nahonwatkónten ne Roiá꞉ner tánon ne ronwahiataraken, ronhtónhnions,

1 Kings 19:16

Tsató꞉kast né Jehu né꞉ne roʼníha ne Nimshi né꞉ne ronhnontí꞉io Nisraerʼró꞉nonke, tánon tsató꞉kast nònhne ne Elisha né꞉ne roʼníha ne Shaphat né Abel Meholah nónhwe nihanákere né꞉ne teshianakthákwen tsi satokenséhakwe.

Leviticus 8:12

Káti wahorihwaníratʼtse ne Aaron tsi tahá꞉weronh ne sakoienarós꞉tha kénhie ne ranonhtsíne.

Revelation 21:27

Ók iáh thaʼhó꞉tens ne iáh teiót꞉kweniens kwáh iáh tsiá꞉hontaweiate, khehs nón꞉ka ne ne iakó꞉hiote nhó꞉nowen, ók nek khók tsi niiá꞉kon ne iesenná꞉re ne teiotinakaronhtón꞉ha raoiá꞉tonhserake ne ionnhe.

Hebrews 7:26

Ié꞉sos, káti, ne ratsihenstowáhnen né teshonkwáhwis tsi naʼteionkwahtonwenhtió꞉ni. Rohiatatokénti; iáh tahóten tatehaterientawénhries iáh ó꞉ni tekénteron ne kariwáhneren ne rahonháke; tehonwahkháshion tsi nòkwah ne rotiriwáhnerens tánon ronwahiatakaratáton è꞉neken tsi karonhiátes.

Hebrews 2:14

Tsi ne ratikʼsaokónha, tsi nisakonatónkwah, tsi ónkwe íken rotiwáhrare ó꞉ni rotinekwénsa, ne Ié꞉sos né꞉ne kwáh ronónha waháton tánon wahsakotiátaraʼse kwáh tsi niʼiorihóten tsi ronónnhe. Né kíʼ aoríwah thóh nahá꞉iere tsoríwah tsi rawenhéion nontiéren enhothónte ne ranesonrónon, roshatsʼtenseráien tsi nòkwah ne kenhéion,

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Luke 13:27

Tentetsiseȣenhase: katon ki ȣahi iah tekȣaienteri ehren saseȣet.

Matthew 7:23

Ethone tanon nii onen tentekheienhase; iah nonȣenton tetkȣaienterine ehren kati iseȣet tsi nonȣe nikiteron, ise ne seȣariȣaneraakskonkoȣa.

1 Samuel 16:13

Eʼthó꞉ne ne Samuel iahát꞉rakwe ne onákare ne wenhienáre, tánon waawehienáro raotihén꞉ton ne sakotsiʼokónʼahs; tánon ne raonikonratokénti ne Roiá꞉ner ónwe tehiotenonhianitonhá꞉tie tsi wahorahne ne Táwit nètho siwenhniserátekwe iahontásawen. Ne Samuel eʼthóhʼne ionsahaténti tánon thóh nón꞉we niahá꞉re Ramah.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Isaiah 11:4

ók Karihwakwarihshionʼtsherákon tsi kwáh tensakoiatórehte ne iakóten, tánon thenhaiatóreʼte kwáh sathenhiotónhake ne tsakorihwaiéri ne tsi ionwenhtsáte; kwáh ne enhaiénte ne tsi ionwenhtsáte ne kánia rohnón꞉te tsi rasakarón꞉te, tánon né tsi nihatón꞉ries ne raskwenhtàke kwáh ensakononwarákon ne ronhnonkwetaʼhétkens.