Psalms 45:4 - Ohiatonhseratokénti

⁴ Thóh sashaststenhserákon sahonwíser notiónkwa ne tsi sahtesénhnion asèken karihwakwarihshión꞉tshera aorihónniat tánon nahontásehne ne tkariwaiériʼ sahthóntak ne sehseweientethákwen nahisanatón꞉hase ne iorihwanerakwaténions kahioténhseras.

Psalms 45:4 Referans Kwoze

Psalms 65:5

Í꞉se teskwaʼrihwasehrakwénhnis tsi teskwáwis natesenhniétshera, tánon ronwaʼsenhnakarátat ne Rawenni꞉io ne nonkwahiatakenátshera í꞉ken; í꞉se nonhkwahrahrát꞉tshera í꞉ken kwáh titkakwékton ne tsi iehiotonhontiotʼtaníhon nió꞉re iéken tánon ne ahinónhson nió꞉re tkaʼniataré꞉nions ne kaniatarakekowát꞉tsions.

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

Revelation 6:2

Iakatkáto, tánon thóh í꞉rate kanaskwaráken! Ne roʼshe rahanénhawe; anonwaró꞉re taʼón꞉ion, tánon iahaiá꞉kenhne ne tsi karón꞉iate ne nahatesénhniete tánon nahateʼshénhni.

Matthew 11:29

Seȣatketat nakȣatientaniakt, seȣariȣaienterhann oni tsi teȣakeriȣaieri oni keriasiio, oni enseȣatsenri aotorisensera ne seȣatonnhests.

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

Revelation 11:18

Ne ronhnonhontsakeró꞉nons waonatenakwahwenhrát꞉tse, ók saterhiatitkhóntsera ón꞉we, tánon iaʼká꞉hewe ne tasheiató꞉rehte ne ronenhé꞉ion, Asè꞉ken ne nasekariatseniónhase ne sanhatseraó꞉kons, ne ne rotitokénhse ó꞉ni ne rotiiatatokéntis tánon ratikwé꞉kon ne ratikweniénstha sasénhna, tetsá꞉ron né꞉ne kenk naiesenhnáske ó꞉ni naiesenhnowanénhake, tánon ne naseiatón꞉te tsi niiá꞉kon ne iakohetkénton tsi ionwenhtsá꞉te.”

2 Thessalonians 3:1

Nonahkènkha, tewatenroʼshónʼa, takwahterennaiénhas ne Roiá꞉ner raoterihwahnothátshera iahontashónʼterahke tsi iostóre tsi tahonréni ó꞉ni kakweniensthatsherákon tsi aiehiéna, kwáh níse tsi ne sewáhiere.

1 Thessalonians 2:13

Tánon séhkon óia nahorihóten nontiéren tsi tehtsitewahnonweráhtons ne Rawenni꞉io. Shontakwahawíh꞉ten ne Rawenni꞉io raoterihwahnothátshera, wesewáhronke tánon wesewahtiénawaste, naterihwahnotátshera iáh onkwé꞉ne tetsiawénon ónk ne tsi Rawenni꞉io raoterihwahnotátshera, ne tsi kwáh neh íken. Aséhken ne Rawenni꞉io tionháke nón nihohʼiotáties tsi níh꞉tion ne tisewetákwen.

1 Thessalonians 1:5

Asèken nonenh sonʼtakwahawiténni ne kariwí꞉ios, iáh thokàken owennóskon khók akénhake, nók kenikwékon ne kasatsʼténsera ó꞉ni ne Ronikonratokénti, tánon kwá thóh kén꞉en iekanikonrakontákwen ne oriwihioʼónwe. Sewahteriéntare tsi ní꞉ioht tsi tsionnhé꞉kwe ne sitewahkwékon; tsi sénha isinonhwe tsi kariwanirats ne oriwi꞉iohonwe nonkwateriwanotatsera.

2 Corinthians 10:1

Káton ken íhsehre wakátshen nó꞉nen skátne í꞉tewes nok kwáh wakeʼnikonhráhsatste nó꞉nen í꞉non niió꞉re ítkes? Ánio kiʼ satahónhsatat, nek í꞉ʼi ó꞉ni tho niwatianerenserí꞉io, ó꞉ni keriasí꞉io tsi ní꞉ioht ne Kerístos.

John 14:6

Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

Luke 19:27

Nok kenh kaien ne ionksȣens oni iah tehonathontaton akheiaststeriston karo nontaietsiiatenhaf nok akkenton ietsiiaȣentho.

Psalms 60:4

Sehiá꞉ro naiakorihónhnien katénhni tsi nihiákon ne iesasénhnaiens, ne nahónton nahontèko ne tó꞉sa ahonwaʼtisénhni. Selah

Psalms 2:9

Kwáh thenséhiake karísthatsi enshathenhnitseronhniáthakwe né꞉ne tehioristhónton tsi iehiótʼte, kénk níwas tsi tesheiatʼthókwat tsi ní꞉ioht ne otára kátshe.”

Revelation 20:15

tánon ón꞉ka nakoshén꞉na iáh tekaktsénhrion nakahiátonke ne kahiatonserá꞉kon ne iónhnhe thóh iahonwatiiatónhti tsi kanià꞉taro nótsire.

Isaiah 11:5

Né꞉ne kariwakwarishión꞉tshera kwáh néh enhatsiaʼtanahtserón꞉niaʼte ne enhatsatahnákʼte, tánon né꞉ne karihwatokentítshera thenhotsakwahranát꞉tonhke.